ⵔⴰⴷ ⵢⵉⵍⵉ ⵡⵙⵇⵇⵉⵎ ⵏ ⵜⵏⴱⴰⴹⵜ ⴰⵙⵙ ⵏ ⵓⴽⵡⴰⵙ ⴰⴷ ⵢⵓⵛⴽⴰⵏ
ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⵎⴰⵙ ⵔⴰⴷ ⵉⵥⵕ ⵓⵙⵇⵇⵉⵎ ⵏ ⵜⵏⴱⴰⴹⵜ, ⴳ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏⵏⵙ, ⴰⵙⵏⵜⵉ ⵏ ⵓⵙⵍⴳⴰⵏ ⵉⵣⵍⵉⵏ ⵙ ⵓⵙⵏⴼⵍ ⵏ ⵓⵙⵍⴳⴰⵏ ⵉⵔⴰⵏ ⴰⴷ ⵉⵙⵔⵙ ⵏ ⵉⵎⴰⴽⵏ ⵉⵣⵍⵉⵏ ⵙ ⵜⵣⴷⵓⵖⵜ ⵏ ⵜⵓⵚⴽⴰⵡⵉⵏ ⵏ ⵜⵏⴽⵔⴰ ⵙ ⵓⵎⵓⵍⵍⵓⵢⵏ ⴷ ⵉⵙⵏⴼⵍⵏ ⴷ ⵓⴽⵎⵎⵍ ⵏ ⵓⵙⵍⴳⴰⵏ ⴰⵎⵎ ⴰⵙⵍⴳⵏ ⴰⴷⵙⵍⴰⵏ ⵏ ⵜⵎⵔⵙⵍⵉⵏ ⵜⵉⵎⴰⵍⵍⴰⵢⵉⵏ.
ⵉⴼⵔⴰ ⵢⵏⵏⴰ ⵎⴰⵙⵙ ⵔⴰⴷ ⵉⴽⵎⵎⵍ ⵓⵙⵇⵇⵉⵎ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵖⵓⵔⵉ ⵏ ⵢⴰⵏ ⵓⵎⵕⵚⵓⵎ ⵉⵣⵍⵉⵏ ⵅⴼ ⵉⵙⵏⴼⵍⵏ ⴷ ⴰⴽⵎⵎⵍ ⵏ ⵓⵎⵕⵚⵓⵎ ⵉⴼⴼⵖⵏ ⴰⵎⵎⴰⵙ ⵏ ⵜⵙⵏⵙⵉ ⵏ ⵓⵔⴳⴰⵢ ⵉⵣⴰⵢⴷⵏ ⵍⵍⵉ ⵢⵍⵍⴰⵏ ⴳ ⵜⵣⵓⵏⵉ ⵡⵉⵙⵙ ⴽⵕⴰⴹ ⵏ ⵜⴳⵔⵉⵡⵜ ⵜⴰⵎⴰⵜⴰⵢⵜ ⵏ ⵓⵔⴳⴰⵢ, ⴷⴰⵜ ⴰⴷ ⵉⵣⵔⵉ ⵙ ⵜⵖⵓⵔⵉ ⵏ ⵓⵎⵙⴰⵙⴰ ⵅⴼ ⵓⵎⵢⴰⵡⴰⵙ ⴰⵣⵔⴼⴰⵏ ⴷ ⴰⵏⴱⴹⵉ ⴳ ⵉⵎⵉⵔⵏ ⵏ ⵓⵖⵔⵉⵎ ⴷ ⵜⴰⵙⴱⴱⴰⴱⵜ, ⵓⵍⴰ ⵜⴰⵏⵖⵎⵙⵜ ⵏ ⵉⵏⵓⴹⵏ ⴷ ⵜⵉⵏⵜⴰⵎⵏ ⵉⵣⵔⴼⴰⵏ ⴷ ⴰⵣⴳⴳⵉⵔ ⵏ ⵉⵏⴰⴱⴰⵏ ⵏ ⵉⵣⵔⴼⴰⵏ, ⴷ ⴰⵣⴳⴳⵉⵔ ⵏ ⵍⴰⵃⴽⴰⵎ ⴷ ⵉⵏⵎⴰⵍⴰⵏ ⴷ ⵜⵖⵜⴰⵙⵉⵏ ⵏ ⵜⵏⴱⴹⴰⵢⵜ ⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵍⵀⵉⵏⴷ, ⵍⵍⵉ ⵢⵜⵜⵓⵙⴳⵎⴹⵏ ⴳ ⵏⵢⵓⴷⵉⵍⵀⵉ ⴳ 12 ⵏⵓⵡⴰⵏⴱⵉⵔ 2018, ⴷ ⵓⵙⵏⵜⵉ ⵏ ⵓⵙⵍⴳⴰⵏ ⵉⵎⵙⵙⴰⵙⵏ ⵅⴼ ⴰⵎⵙⵙⴰ ⵢⴰⴷ.
ⴳ ⵓⵙⵎⵓⵔ ⵏ ⵜⵡⵓⵔⵉⵡⵉⵏ ⵏⵏⵙ, ⵔⴰⴷ ⵉⵎⴹⴰⴽⴰⵕ ⵓⵙⵇⵇⵉⵎ ⵅⴼ ⵜⴰⵙⵓⵎⵔⵜ ⵏ ⵓⵙⵡⵓⵔⵉ ⴳ ⵉⵏⵙⵙⴰⵏ ⵉⵎⴰⵜⴰⵢⵏ, ⵖⵉⴽ ⵍⵍⵉ ⵢⵏⵏⴰ ⵢⵎⵉⵔ ⵡⵉⵙⵙ 92 ⵏ ⵓⴷⵓⵙⵜⵓⵔ.
(ⵎⴰⴱ ⴰⵎⴰⵣⵉⵖ)
