ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴰⴱⴹⵜ ⵉⵙⵙⵉⵅⴼ ⵜⵉⵡⵓⵔⵉⵡⵉⵏ ⵏ ⵜⵙⵇⵇⵉⵎⵜ ⵜⴰⵙⵡⴰⵍⴰⵏⵜ ⵏ ⵓⵙⵓⴳⴳⵣ ⵏ ⵓⵙⴰⵡⵔ ⵏ ⵓⴼⵔⴰⴳ ⴰⵏⴰⵎⵓⵏ
ⵉⵙⵙⵉⵅⴼ ⵓⵏⵙⵙⵉⵅⴼ ⵏⵜⵏⴱⴰⴹⵜⵏ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⵜⵉⵡⵓⵔⵉⵡⵉⵏ ⵏ ⵜⵙⵇⵇⵉⵎⵜ ⵜⴰⵙⵡⴰⵍⴰⵏⵜ ⵏ ⵓⵙⵓⴳⴳⵣ ⵏ ⵓⵙⴰⵡⵔ ⵏ ⵓⴼⵔⴰⴳ ⴰⵏⴰⵎⵓⵏ ⴰⴳⵔⴰⵡ ⵏⵏⵙ, ⴰⵙⵙ ⵏ ⵓⵙⵉⵎⵡⴰⵙ, 18 ⴱⵕⴰⵢⵕ 2022, ⵙ ⵜⴷⵔⴰⵡⵜ ⵏ ⵉⴷ ⵎⴰⵙⵙⴰ ⴷ ⵉⴷ ⵎⴰⵙⵙ: ⴰⵎⴰⵡⵙⴰⵙ ⵏ ⵜⴷⴰⵎⵙⴰ ⴷ ⵜⵥⵕⴼⵜ , ⵎⴰⵙⵙⴰ ⵏⴰⴷⵉⵢⴰ ⴼⵜⵜⴰⵃ, ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ, ⵎⴰⵙⵙ ⵅⴰⵍⵉⴷ ⴰⵢⵜ ⵟⵟⴰⵍⴱ, ⴰⵎⴰⵡⴰⵙ ⵏ ⵜⴼⵍⵍⴰⵃⵜ ⴷ ⵜⴳⵯⵎⵔⵜ ⵜⴰⵢⵉⵍⴰⵏⵜ ⴷ ⵜⴳⵎⵉ ⵏ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ, ⵎⴰⵙⵙ ⵎⵓⵃⵇⵎⵎⴰⴷ ⵚⵉⴹⵇⵉ, ⵜⴰⵎⴰⵡⵙⴰⵙⵜ ⵜⵎⴰⵍⵍⴰⵢⵜ ⴷ ⴷ ⵜⵎⴳⵓⵔⵉ ⴷ ⵜⴰⴱⵍⴷⵉⵜ ⴷ ⵜⴷⴰⵎⵙⴰ ⵜⴰⵏⵎⵓⵏⵜ ⴷ ⵓⵎⵢⴰⵡⴰⵙ, ⵎⴰⵙⵙⴰ ⴼⴰⵟⵉⵎⴰⵣⵣⵀⵕⴰ ⵄⵎⵎⵓⵕ, ⴰⵎⴰⵡⵙⴰⵙ ⵏ ⵡⴰⵙⵙⴰⵢ ⴷ ⵜⵍⵓⵊⵉⵙⵜⵉⵜ, ⵎⴰⵙⵙ ⵎⵓⵃⵎⵎⴰⴷ ⵄⴱⴷⵍⵊⴰⵍⵉⵍ, ⴰⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵕⵥⴼⵜ ⵉⵜⵜⵓⵙⵎⴰⴳⵍⵏ ⵙ ⵜⵎⵙⴰⵙⵜⴰⵍⵜ, ⵎⴰⵙⵙ ⴼⴰⵡⵣⵉ ⵍⵇⵊⵄⵏ ⵎⵛⵉⵏⵏ ⵢⴰⵎⵓ ⴳ ⵓⴳⵔⴰⵡ ⴰⴷⴰⵍⵜⵓ ⵓⵏⵎⵀⴰⵍ ⴰⵎⴰⵜⵓ ⵏ ⵓⴼⵏⵉⵇ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ , ⵎⴰⵙⵙ ⵃⴰⵙⴰⵏ ⴱⵓⴱⵔⵉⴽ.
ⵜⵓⵙ ⴷ ⵜⵉⴳⴳⵉ ⵏ ⵓⴳⵔⴰⵡ ⴰⴷ ⴳ ⵓⵙⴰⵜⵉ ⵏ ⵓⵙⵙⵓⴷⵓ ⴳ ⵏ ⵓⴹⵓⴼⵓⵔ ⵏ ⵏ ⵓⵙⵓⴳⴳⵣ ⵏ ⵓⵙⴰⵡⵔ ⵏ ⵓⴼⵔⴰⴳ ⴰⵏⴰⵎⵓⵏ ⴷ ⵉⴱⴷⴷⵉ ⵅⴼ ⵎⴰⵏⵉ ⵓⵡⴹⵏⵜ ⵜⵡⵓⵔⵉⵡⵉⵏ ⵏⵏⵙ, ⵙⵍⴰⵡⴰⵏ ⴰⴽⴽⵯ ⴳ ⵓⵖⵣⴷⵉⵙ ⵏⵏⵙ ⵉⵇⵇⵏ ⵖⵔ ⵓⵙⵎⴰⵜⴰ ⵏ ⵓⵙⴰⴳⵯ ⴰⴷⵓⵙⴰⵏ.
ⴳ ⵡⴰⵡⴰⵍ ⵏⵏⵙ ⴳ ⵓⴳⵔⴰⵡ, ⵉⵙⵙⴽⵜⵉ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵙ ⵜⵏⵎⵎⴰⵍⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⴳ ⵜⵉⵏⴰⵡⵜ ⵜⴰⴳⵍⴷⴰⵏⵜ ⵙ ⵓⵣⵎⵓⵣⵣⵓ ⵏ ⵏ ⵓⵕⵥⵥⵓⵎ ⵏ ⵓⵙⴳⴳⵯⴰⵙ ⵓⵣⵔⵉⴼ ⴽⵜⵓⴱⵕ 2020, ⵎⵉⵏⵣⵉ ⵉⵙⵙⵓⵜⵔ ⴷⵉⴳⵙ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⴷⵉ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵢⴰⵊⵊ ⵕⴱⴱⵉ, ⵖⵔ ⵓⵙⵎⴰⵜⴰ ⵏ ⵓⵙⴰⴳⵯ ⴰⴷⵓⵙⴰⵏ ⵅⴼ ⵎⴰⵕⵕⴰ ⵉⵎⵖⵔⴰⴱⵉⵢⵏ ⴳ ⵜⴳⵉⵔⴰ ⵏ ⵓⵙⴳⴳⵯⴰⵙ ⵏ 2022, ⴳ ⵜⵍⵜⴰⵖ ⵜⵏⴱⴰⴹⵜ ⴳ ⵓⵙⵓⴳⴳⵣ ⵏ ⵓⵙⵏⴼⴰⵔ ⴰⴷ ⵙ ⵎⵉⵏ ⴷ ⵢⵓⵙⵏ ⴳ ⵓⵀⵉⵍ ⴰⵣⵎⵣⴰⵏ ⵉⵜⵜⵓⵙⵡⵜⵜⴰⵏ.
ⵉⴼⴽ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⵡⴰⵍⴰⵜⵏ ⵏⵏⵙ ⵉ ⵉⵎⴰⵡⵙⴰⵙⵏ ⴷ ⵓⵏⵎⵀⴰⵍ ⵏ ⵓⴼⵏⵉⵇ ⴰⵏⴰⵎⵔⵓ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ, ⴰⴷ ⴳ ⵜⵉⵎⵣⵉⵣⵣⵍⵉⵏ ⵏ ⵓⵙⵢⵉⵙⵙⵏ ⵙ ⴷ ⵓⵙⴼⵔⴽ ⴰⴼⴰⴷ ⴰⴷ ⵢⵉⵍⵉ ⵓⵖⵉⵡⵍ ⵏ ⵓⵍⵜⴰⵖ ⵏ ⵉⵏⴰⵎⵓⵔⵏ, ⴳ ⵓⵙⴰⵡⵔ ⴰⴷ ⴰⴳⵍⴷⴰⵏ, ⵙ ⵎⴰ ⴰⵢⴷ ⴷⵉⴳⵙⵏ ⵓⵏⴰⵖⵉⵣ ⵓⵎⵏⵉⴳ ⵉ ⵡⴰⵔⴰⵢ ⵏ ⵜⴷⵓⵙⵉ ⵏ ⵉⵏⴰⵎⵓⵔⵏ ⴷ ⵉⵙⵉⴳⵔ ⵉ ⵉⵖⴼⴰⵡⵏ ⵏⵏⵙⵏ ⴰⵣⵔⴼ ⵏ ⵓⵙⵓⵊⵊⵢ.
ⵎⵛⵉⵏⵏⴰ ⵉⵙⵙⵉⵜⴳ ⵓⵏⵙⵉⵅⴼ ⵏ ⵜⵏⴱⴰⴹⵜ, ⵙ ⵓⵙⴽⴰⵏ ⵏ ⵜⴳⵓⵔⵉ ⵏⵏⵙ, ⵙ ⵜⵡⵓⵔⵉ ⵏⵜⴰⵅⴰⵜⴰⵔⵜ ⵍⵍⵉ ⵉⵜⵜⵓⴳⴰⵏ ⴰⵔⴷ ⵖⵉⵍⴰⴷ, ⴰⵛⴽⵓ ⵜⴱⴷⴷⴰ ⵜⵏⴱⴰⴹⵜ ⵅⴼ ⵓⵙⵖⵉⵡⵍ ⵏ ⵏ ⵓⵙⵎⴰⴷ ⵏ ⵜⵓⴳⵜ ⵏ ⵉⵣⵔⴼⴰⵏ ⵉ ⵓⵙⵓⴳⴳⵣ ⵏⵓⵙⴰⵡⵔ ⴰⴳⵍⴷⴰⵏ ⵉⵇⵇⵏ ⵖⵔ ⵓⴼⵔⴰⴳ ⴰⵏⴰⵎⵓⵏ.
ⵉⵎⵍ ⵎⴰⵙ ⵉⵜⵜⵓⴳⴰ ⵓⵙⵖⵣⵏ ⵅⴼ 14 ⵏ ⵓⵎⵕⵚⵓⵎ, ⴰⵢⵏⵏⴰ ⵢⵓⵏⴼⵏ ⵜⴰⴳⴳⵓⵔⵜ ⵏ ⵓⵙⵙⴱⵖⵔ ⵙⴳ ⵓⵙⴰⴳⵯ ⴰⴷⵓⵙⴰⵏ ⵉ 11 ⵎⵍⵢⵓⵏ, ⵙⴳ ⵉⵎⵙⵡⵓⵔⵉⵢⵏ ⵓⵔ ⵉⴳⵉⵏ ⵉⵎⵖⵕⴰⴹ ⴷ ⵉⴷ ⴱⵓ ⵓⵣⵔⴼ ⵉⵣⴷⵉⵏ ⵖⵔⵙⵏ, ⴷⴷⴰⵏ ⴰⴷ ⵙⵙⴱⵖⵔⵏ ⵙⴳ ⵓⵙⴼⵍⵙ ⵓⵛⵛⵉⵍ ⴰⴷⵙⵍⴰⵏ ⵅⴼ ⵜⵎⴰⴹⵓⵏⵜ, ⴳ ⵍⵍⴰⵏⵜ ⵜⵎⵇⵕⴰⴹ ⵏ ⵏ ⵓⵙⴳⵏⴰⴼ ⴷ ⵓⵙⴰⴼⴰⵔ ⴷ ⵓⵙⴳⵏⴼⵓ ⴷ ⵓⵙⵓⵊⵊⵉ. ⵎⵛⵉⵏ ⴷⴰ ⵜⵜⵓⵙⵔⴰⵙⵏⵜ ⵉⴹⵓⵚⵏ ⵉⵎⴳⴳⵓⵔⴰ ⵅⴼ 4 ⵏ ⵉⵎⵕⵚⵓⵎⵏ ⵏⵏⵉⴹⵏ ⵉⵎⴰⵢⵏⵓⵜⵏ ⵉⴷⴰⵏ ⴰⴷ ⴷⵉⴳⵙ ⵉⵍⵉⵏ ⵙⵍⴰⵡⴰⵏ ⴰⴽⴽⵯ ⵉⵏⴰⵥⵓⵕⵏ ⴷ ⵉⵏⵖⵎⴰⵙⵏ ⴷ ⵉⵡⵙ ⵉⵙⵡⵓⵔⵉⵏ ⴳ ⵡⴰⵙⵙⴰⵢ ⴷ ⵜⵎⴰⵍⵍⴰⵢⵜ.
ⵉⴳ ⵓⴳⴰⵡ ⴰⴷ ⴰⵙⵓⵍⴼ ⵉ ⵓⵙⴽⴰⵏ ⵏ ⵉⵙⴰⵡⵔⵏ ⵉⵣⴷⵉⵏ ⵖⵔ ⵓⴼⵔⴰⴳ ⴰⵏⴰⵎⵓⵏ ⴷ ⵓⵣⵔⴰⵡ ⵏ ⵜⴱⵔⵉⴷⵉⵏ ⵏ ⵓⵙⴱⵓⵖⵍⵓ ⵏⵏⵙ, ⵙ ⵓⵙⴱⴰⵔⵡ ⵏ ⵓⵙⴰⴳⵯ ⴰⴷⵓⵙⴰⵏ ⴰⴷ ⵢⴰⵎⵥ ⵎⴰⵕⵕⴰ ⵉⵎⵖⴰⵔⴰⴱⵉⵢⵏ, ⴷ ⵓⵏⴱⴰⴹ ⵏ ⵓⵏⴳⵔⴰⵡ ⵏ ⵓⴼⵔⴰⴳ ⴰⵏⴰⵎⵓⵏ, ⴷ ⵓⵙⵉⵖⵢ ⵏ ⵏ ⵜⵎⵔⵙⴰⵍ ⵏ ⵜⴽⵙⵙⴰ ⵜⴰⵏⴰⵎⵓⵏⵜ.
ⴰⵔ ⵏⵙⵙⴽⵜⴰⵢ ⵎⴰⵙ ⵎⴰⵙ ⴷ ⴰⴳⵔⴰⵡ ⴰⴷ, ⵉⴳⴰ ⵡⵉⵙ ⵙⵉⵏ ⵙⴳ ⵡⴰⵏⵡ ⵏⵏⵙⵍⵍⵉ ⵜⴻⵜⵜⴳ ⵜⵙⵇⵇⵉⵎⵜ ⵜⴰⵙⵡⴰⵍⴰⵢⵜ ⵏ ⵓⵙⵓⴳⴳⵣ ⵏ ⵓⵙⴰⵡⵔ ⵏ ⵓⴼⵔⴰⴳ ⴰⵏⴰⵎⵓⵏ ⵙⴳ ⵓⵙⴱⴷⴷ ⵏ ⵜⵏⴱⴰⴹⵜ ⵏ ⵖⵉⵍⴰ.
