ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 2 ⵢⵓⵏⵢⵓ 2022
ⵜⴳⴰ ⵜⵏⴱⴰⴹⵜ, ⴰⵙⵙ ⵏ ⵓⴽⵡⴰⵙ 02 ⵉⵏⴹⴼⵕ ⵏ ⵉⵙⵡⵉ 1443, ⵉⵎⵙⴰⵙⴰⵏ ⴰⴽⴷ 2 ⵎⴰⵢⵢⵓ 2022, ⴰⴳⵔⴰⵡ ⵏⵏⵙ ⵏ ⵉⵎⴰⵍⴰⵙⵙ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵜⵜⵓⵙⵜⴰⵢⵏ ⵉ ⵓⵎⵔⴰⵔⴰ ⵏ ⵡⴰⵡⴰⵍ ⵅⴼ ⵜⵓⴳⴳⵜ ⵏ ⵉⵙⵏⴼⴰⵔⵏ ⵏ ⵉⴹⵕⵉⵚⵏ ⵉⵣⵔⴼⴰⵏⵏ, ⴷ ⵉⴱⴷⴷⵉ ⵅⴼ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ, ⴷ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⴷ ⵢⵓⵙⵏ ⴳ ⵢⵉⵎⵉⵔ 92 ⴳ ⵓⴷⵓⵙⵜⵓⵔ.
ⴰⵙⵉⵡⴹ ⴰⵏⵖⵎⴰⵙ (ⵜⵓⵏⵖⵉⵍⵜ ⵙ ⵜⵄⵕⴰⴱⵜ) ⴳ ⵜⵓⴹⴼⵉⵕⵉⵏ
- ⴳ ⵜⵉⵣⵡⵓⵔⵉ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ , ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.349 ⵉⵇⵇⵏ ⵖⵔ ⵜⵎⴰⵖⵓⵏⵜ ⵏ ⵜⴷⵔⴰⵡⵜ ⵏⴳⵔ ⵢⵉⴳⵔ ⴰⴳⴷⵓⴷⴰⵏ ⴷ ⵡⵙⵍⵉⴳ ⴳ ⵜⴳⵔⴰⵡⵉⵏ ⵜⵉⵎⵓⵔⴰⵏⵉⵏ ⴷ ⵜⴳⵔⴰⵡⵉⵏ ⵏⵏⵙⵏⵜ ⴷ ⵉⵡⵔⵉⴽⵏ ⵉⵎⵙⵙⵉⵜⴳⵏ ⵅⴼ ⵉⵍⵍⴰ ⵓⵣⵔⴼ ⴰⵎⴰⵜⵓ ⵉⴹⴼⴰⵕⵏ ⵉ ⵜⴳⵔⴰⵡⵉⵏ ⵜⵉⵎⵓⵔⴰⵏⵉⵏ, ⵉⵙⵏⴽⴷ ⵜ ⵎⴰⵙⵙ ⵄⴱⴷⵍⵡⴰⴼⵉ ⵍⴼⵜⵉⵜ, ⴰⵎⴰⵡⵙⴰⵙ ⵏ ⵜⴳⵯⵏⵙⴰⵏⵜ.
- ⴳ ⵓⵎⵏⴰⴹⴰⴷ ⵏⵏⵉⴽ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴰⴱⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.350 ⵉⵇⵇⵏⵏ ⵖⵔ ⵜⵙⵇⵇⵉⵎⵜ ⵏ ⵡⴰⴱⴷⴰ ⵉⵜⵜⵓⵙⵎⴰⴳⵍⵏ ⵙ ⵉⵙⵏⴼⴰⵔⵏ ⵏ ⵜⵎⴷⵔⴰⵡⵜ ⵏⴳⵔ ⵢⵉⴳⵔ ⴰⴳⴷⵓⴷⴰⵏ ⴷ ⵡⵙⵍⵉⴳ ⴳ ⵜⴳⵔⴰⵡⵉⵏ ⵜⵉⵎⵓⵔⴰⵏⵉⵏ ⴷ ⵜⴳⵔⴰⵡⵉⵏ ⵏⵏⵙⵏⵜ ⴷ ⵉⵡⵔⵉⴽⵏ ⵉⵎⵙⵙⵉⵜⴳⵏ ⵅⴼ ⵉⵍⵍⴰ ⵓⵣⵔⴼ ⴰⵎⴰⵜⵓ ⵉⴹⴼⴰⵕⵏ ⵉ ⵜⴳⵔⴰⵡⵉⵏ ⵜⵉⵎⵓⵔⴰⵏⵉⵏ, ⵉⵙⵏⴽⴷ ⵜ ⵎⴰⵙⵙ ⵄⴱⴷⵍⵡⴰⴼⵉ ⵍⴼⵜⵉⵜ, ⴰⵎⴰⵡⵙⴰⵙ ⵏ ⵜⴳⵯⵏⵙⴰⵏⵜ.
- ⴷⴼⴼⵔ ⵏ ⵎⴰⵏ ⴰⵢⵏⵏⵉ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.2.227 ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵎⵕⵚⵓⵎ ⵓⵟⵟⵓⵏ 2.21.178 ⴷ ⵉⴼⴼⵖⵏ ⴳ 22 ⴰⵜⴼⴼⴰⵙ ⵉⵣⵡⴰⵔⵏ 1427 (21 ⵉⴱⵔⵉⵔ 2006) ⵉ ⵓⵙⵡⵜⵜⵓ ⵏ ⵜⴼⴰⴷⵉⵡⵉⵏ ⵏ ⵓⴷⵔⴰⵡ ⴳ ⵓⵎⵃⵉⵣⵡⴰⵔ ⵏ ⵉⵎⵙⵙⵉⵡⴹⵏ ⵉⵏⴱⴹⵉⵢⵏ ⴷ ⵓⵖⴰⵡⴰⵙ ⵏ ⵢⵉⵔⵉⵎⵏ ⴷ ⵓⵙⵏⵇⵟ ⵏⵏⵙⵏ ⴷ ⵜⵎⴳⴳⵉⵜⵉⵏ ⵉⵇⵇⵏ ⵖⵔ ⵢⵉⵔⵉⵎ ⵏ ⵓⵙⵎⴰⴷ ⵏ ⵓⵙⴰⵏⵓⵏ ⵏ ⵉⵎⵙⵡⵉⴹⵏ ⵉⵏⴱⴹⵉⵢⵏ ⵉⵜⵜⵓⴱⴷⴰⵔⵏ, ⵉⵙⵏⴽⴷ ⵜ ⵎⴰⵙⵙ ⵄⴱⴷⵍⴰⵟⵉⴼ ⵡⵀⴱⵉ, ⴰⵎⴰⵡⵙⴰⵙ ⵏ ⵜⵏⵣⵣⴰⵔⴼⵓ.
- ⵙⴳ ⵎⴰⵏ ⴰⵢⵏⵏⵉ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.393 ⵏ ⵓⵙⴱⴷⴷⵉ ⵏ ⵢⵉⵍⵉ ⵓⵙⵎⵉⴷ ⵏ ⵜⵏⴼⵓⵍⵜ ⵏ ⵓⵙⴽⵛⵎ ⵉⵜⵜⵓⴱⵣⵣⴰⵣⵏ ⵅⴼ ⴽⵔⴰ ⵏ ⵉⵎⴰⴷⴷⵏ ⵏ ⵉⵣⴰⵜⵉⵎⵏ ⴷ ⵉⵣⴰⵜⵉⵎⵏ ⵉⵎⵙⴰⵔⵉⵜⵏ, ⵜⵙⴽⴷ ⵜ ⵎⴰⵙⵙⴰ ⵏⴰⴷⵉⵢⴰ ⴼⵜⵜⴰⵃ, ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ.
ⵉⴱⴷⴷ ⵓⵙⵇⵇⵉⵎ ⵏ ⵜⵏⴱⴰⴹⵜ ⵅⴼ ⵅⴼ ⵓⵎⵛⴰⵛⴽⴰ ⴳ ⵜⵏⵓⴼⴰ ⵏ ⵢⵉⴳⵏⵏⴰ ⵏⴳⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵏⴱⴰⴹⵜ ⵏ ⵜⴳⴷⵓⴷⴰ ⵏ ⵍⴼⵉⵍⵉⴱⵉⵏ, ⵉⵜⵜⵓⵙⴳⵎⴹⵏ ⴳ ⴳ ⵕⵕⴱⴰⵟ ⴳ 17 ⵎⴰⵕⵚ 2022, ⴰⴽⴷ ⵓⵙⵏⴼⴰⵔ ⴰⵣⵔⴼⴰⵏ ⵓⵟⵟⵓⵏ 25.22 ⴳ ⵉⵍⵍⴰ ⵓⵎⵙⴰⵙⴰ ⵅⴼ ⵜⵎⵢⴰⵇⵇⴰⵏⵜ ⵉⵜⵜⵓⴱⴷⴰⵔⵏ, ⵉⵙⵏⴽⴷ ⵜⵏ ⵎⴰⵙⵙ, ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉⵢ ⴷ ⵉⵎⵖⵔⴰⴱⵉⵢⵏ ⵏ ⴱⵕⵕⴰ.
ⵉⵔⴳⵍ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵎⴷⵉⵡⴰⵍ ⴷ ⵓⵙⵖⵣⵏ ⵅⴼ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⵉⵎⵙⴰⵙⴰⵏ ⴷ ⵉⵎⵉⵔ 92 ⴳ ⵓⴷⵓⵙⵜⵓⵔ.
- ⴳ ⵜⵎⴰⵡⴰⵙⵜ ⵏ ⵜⵄⵓⵔⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ , ⵉⵜⵜⵓⵙⵎⴰⵍ:
- ⵎⴰⵙⵙ ⵄⴱⴷⵍⵡⴰⵃⴷ ⴱⴱⵏⵍⵃⴰⵊ, ⴷ ⴰⵏⵎⵀⴰⵍ ⵏ ⵜⵎⵙⴰⵙⵜⴰⵍⵜ ⴷ ⵓⵎⴰⵡⴰ ⴷ ⵉⵚⴰⵃⴰⵜⵏ ⵏ ⵓⵡⴰⵏⴽ ⵉⵜⵜⵓⵙⵡⵓⴷⴷⵓⵏ ⵙ ⵜⴱⵔⵉⴷⵜ ⵜⴰⵙⵉⵎⴰⵏⵜ.
- ⴳ ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⵏⴰⵏ ⴷ ⵓⵙⵏⴼⵍⵓⵍ, ⵉⵜⵜⵓⵙⵎⴰⵍ:
- ⵎⴰⵙⵙⴰ ⵃⵙⵏⴰ ⵇⵊⵊⵉ, ⴷ ⵜⴰⵏⴱⴷⴰⴷⵜ ⵉ ⵜⵖⵉⵡⴰⵏⵜ ⵏ ⵜⵎⴰⵙⵙⴰⵏⵉⵏ ⵜⵉⵣⵔⴼⴰⵏⵉⵏ ⴷ ⵜⵙⵔⵜⵉⵜ ⴳ ⵚⵟⵟⴰⵜ, ⵜⴰⵙⴷⴰⵡⵉⵜ ⵏ ⵍⵃⴰⵙⴰⵏ ⵡⵉⵙ ⵙⵉⵏ.
