ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 9 ⵢⵓⵏⵢⵓ 2022
ⵜⴳⴰ ⵜⵏⴱⴰⴹⵜ, ⴰⵙⵙ ⵏ ⵓⴽⵡⴰⵙ 09 ⵉⵏⴹⴼⵕ ⵏ ⵉⵙⵡⵉ 1443, ⵉⵎⵙⴰⵙⴰⵏ ⴰⴽⴷ 09 ⵢⵓⵏⵢⵓ 2022, ⴰⴳⵔⴰⵡ ⵏⵏⵙ ⵏ ⵉⵎⴰⵍⴰⵙⵙ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵜⵜⵓⵙⵜⴰⵢⵏ ⵉ ⵓⵙⵏⴽⴷ ⵏ ⵙⵉⵏ ⵉⵙⴽⴰⵏⵏ ⵉⵏⴰⴳⵔⴰⵏ ⵢⴰⵏ ⴷⴳⵙⵏ ⵅⴼ ⵉⵙⴼⴽⴰⵜⵏ ⴷ ⵉⵎⴰⵢⵏⵓⵜⵏ ⵏ ⵉⴽⴰⵢⴰⴷⵏ ⵏ ⵍⴱⴰⴽⴰⵍⵓⵕⵢⴰ - ⵜⴰⵙⵓⵜⵍⵜ ⵏ 2022, ⵡⵏⵏⵉⴹⵏ ⵅⴼ ⵓⵙⵖⵓⴷⵓ ⵏ ⵓⵙⴰⵜⴰⵢ ⴰⵣⵔⴼⴰⵏ ⵉⵙⵏⴰⵎⵍⴰⵏ ⵏ ⵜⵏⵎⴰⵇⵇⴰⵙⵉⵏ ⵜⵉⴷⴳⵓⴷⴰⵏⵉⵏ, ⴷ ⵓⵎⵔⴰⵔⴰ ⵏ ⵡⴰⵡⴰⵍ ⵅⴼ ⵜⵓⴳⴳⵜ ⵏ ⵉⵙⵏⴼⴰⵔⵏ ⵏ ⵉⴹⵕⵉⵚⵏ ⵉⵣⵔⴼⴰⵏⵏ, ⴷ ⵉⴱⴷⴷⵉ ⵅⴼ ⵜⵎⴰⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ, ⴷ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⴷ ⵢⵓⵙⵏ ⴳ ⵢⵉⵎⵉⵔ 92 ⴳ ⵓⴷⵓⵙⵜⵓⵔ.
ⴰⵙⵉⵡⴹ ⴰⵏⵖⵎⴰⵙ (ⵜⵓⵏⵖⵉⵍⵜ ⵙ ⵜⵄⵕⴰⴱⵜ) ⴳ ⵜⵓⴹⴼⵉⵕⵉⵏ
- ⴷⴼⴼⵔ ⵎⴰⵏ ⴰⵢⵏⵏⵉ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵣⵔⴼⴰⵏ ⵓⵟⵟⵓⵏ 2.22.194 ⵉ ⵜⵉⴳⴳⵉ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵓⵙⵙⵉⴽⵙⵍ ⵏⴳⵔ ⵙⵉⵏ ⵡⴰⵏⴰⵡⵏ ⴷ ⵓⵙⵙⵎⵖⵔ ⵏ ⵜⵎⵟⵟⵓⴹⵜ, ⵜⵙⵏⴽⴷⵜ ⵎⴰⵙⵙⴰ ⵄⴰⵡⴰⵟⵉⴼ ⵃⵢⴰⵔ, ⵜⴰⵎⴰⵡⴰⵙⴰⵜ ⵏ ⵓⵎⵢⴰⵡⴰⵙ ⴷ ⵓⵙⵉⴷⴼ ⴰⵏⴰⵎⵓⵏ ⴷ ⵜⴰⵡⵊⴰ.
- ⴷⵉ ⵎⴰⵏ ⴰⵢⵏⵏⵉ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴰⴱⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.410 ⵉ ⵓⵕⵥⵥⵎ ⵏ ⵜⵙⵖⵣⵏⵉⵏ ⵢⴰⴹⵏ ⵉ ⵜⵎⵙⴰⵙⵜⴰⵍⵜ ⵏ ⵓⵙⵡⵓⴷⴷⵓ- ⴰⴳⴳⵯⴰⵜⵏ ⵉⵛⵛⴰⵔⵏ, ⵉⵙⵏⴽⴷ ⵜ ⵎⴰⵙⵙ ⴼⴰⵡⵣⵉ ⵍⵇⵊⵄ, ⴰⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵜⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵜⵥⵕⴼⵜ ⵉⵜⵜⵓⵙⵎⴰⴳⵍ ⵙ ⵜⵎⵙⴰⵙⵜⴰⵍⵜ.
ⵉⴱⴷⴷ ⵓⵙⵇⵇⵉⵎ ⵏ ⵜⵏⴱⴰⴹⵜ, ⴷⴼⴼⵔ ⵎⴰⵏ ⴰⵢⵏⵏⵉ, ⵅⴼ ⵜⵎⵢⴰⵇⵇⴰⵏⵜ ⵜⴰⵡⴼⵔⵉⵇⵉⵜ ⵉⵛⵛⴰⵔⵏ ⵅⴼ ⵜⵉⴳⴳⵉ ⵏ ⵓⵖⴰⵡⴰⵙ ⴰⴼⵔⵉⵇⵉ ⵉ ⵓⵎⵢⴰⵡⴰⵙ ⴰⵏⴰⵥⵓⵕ, ⵉⵜⵜⵓⵙⵖⵣⵏ ⴳ ⴽⴰⵎⴰⴱⴰⵍⴰ (ⵓⵖⴰⵏⴷⴰ) ⴳ ⵓⵎⵣⵡⴰⵔⵓ ⵏ ⵖⵓⵛⵜ 1975, ⴰⴽⴷ ⵓⵙⵏⴼⴰⵔ ⴰⵣⵔⴼⴰⵏ ⵓⵟⵟⵓⵏ 24.22 ⵅⴼ ⵉⵍⵍⴰ ⵓⵎⵙⴰⵙ ⵏ ⵜⵎⵢⴰⵇⵇⴰⵏⵜ ⵉⵜⵜⵓⴱⴷⴰⵔⵏ, ⵉⵙⵏⴽⴷ ⵜⵏ ⵎⴰⵙⵙ ⵄⴱⴷⵍⵟⵉⴼ ⵎⵉⵕⴰⵡⵉ, ⴰⵎⴰⵡⵙⴰⵙ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⵏⴰⵏ ⴷ ⵓⵙⵏⴼⵍⵓⵍ, ⴳ ⵓⴷⵖⴰⵔ ⵏ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⴰⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉⵢ ⴷ ⵉⵎⵖⵔⴰⴱⵉⵢⵏ ⴱⵕⵕⴰ.
ⵉⵔⴳⵍ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵎⴷⵉⵡⴰⵍ ⴷ ⵓⵙⵖⵣⵏ ⵅⴼ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⵉⵎⵙⴰⵙⴰⵏ ⴷ ⵉⵎⵉⵔ 92 ⴳ ⵓⴷⵓⵙⵜⵓⵔ.
- ⴳ ⵜⵎⴰⵡⴰⵙⵜ ⵏ ⵜⵎⴰⵍⵍⴰⵢⵜ ⴷ ⵜⵎⴳⵓⵔⵉ ⵜⴰⴱⵍⴷⵉⵜ ⴷ ⵜⴷⴰⵎⵙⴰ ⵜⴰⵏⴰⵎⵓⵏⵜ ⴷ ⵓⵎⵢⴰⵡⴰⵙ, ⵉⵜⵜⵓⵙⵎⴰⵍ:
- ⵎⴰⵙⵙ ⵃⴰⵙⴰⵏ ⵛⵡⵉⵅ, ⴷ ⴰⵏⵎⵀⴰⵍ ⵉ ⵓⵙⵉⵍⵖ ⴰⵣⵣⵓⵍⴰⵏ ⴷ ⵓⵙⵉⵍⵖ ⴰⵙⵓⵍⴰⵏ ⵏ ⵉⵎⵉⵏⴹⵉⵢⵏ.
