ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 23 ⵢⵓⵏⵢⵓ2022
ⵜⴳⴰ ⵜⵏⴱⴰⴹⵜ, ⴰⵙⵙ ⵏ ⵓⴽⵡⴰⵙ 23 ⵉⵏⴹⴼⵕ ⵏ ⵉⵙⵡⵉ 1443, ⵉⵎⵙⴰⵙⴰⵏ ⴰⴽⴷ 23 ⵢⵓⵏⵢⵓ 2022, ⴰⴳⵔⴰⵡ ⵏⵏⵙ ⵏ ⵉⵎⴰⵍⴰⵙⵙ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵜⵜⵓⵙⵜⴰⵢⵏ ⵉ ⵓⵙⵎⵏⵉⴷ ⵏ ⵙⵉⵏ ⵉⵙⴽⴰⵏⵏ ⵉⵏⴰⴳⵔⴰⵏ ⵢⴰⵏ ⴷⵉⴳⵙ ⵅⴼ ⵉⵙⴼⴽⴰ ⴷ ⵉⵙⵡⵓⴷⴷⵓⵜⵏ ⵉⵇⵇⵏⵏ ⵖⵔ ⵜⵉⵔⵎⵉⵜ ⵏ ⵓⵣⴳⴰⵔ “ⵎⴰⵔⴰⵃⴰⴱⴰ 2022”, ⵡⵏⵏⵉⴹⵏ ⵅⴼ ⵓⵖⴰⵡⴰⵙ ⵏ ⵓⵙⵙⵓⵊⴷ ⵉ ⵜⴼⴰⵙⴽⴰ, ⴷ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵙⵖⵣⵏ ⵅⴼ ⵜⵓⴳⴳⵜ ⵏ ⵉⵙⵏⴼⴰⵔⵏ ⵏ ⵉⴹⵕⵉⵚⵏ ⵉⵣⵔⴼⴰⵏⵏ, ⴷ ⵉⴱⴷⴷⵉ ⵅⴼ ⵜⵎⴰⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ, ⴷ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⴷ ⵢⵓⵙⵏ ⴳ ⵢⵉⵎⵉⵔ 92 ⴳ ⵓⴷⵓⵙⵜⵓⵔ.
ⴰⵙⵉⵡⴹ ⴰⵏⵖⵎⴰⵙ (ⵜⵓⵏⵖⵉⵍⵜ ⵙ ⵜⵄⵕⴰⴱⵜ) ⴳ ⵜⵓⴹⴼⵉⵕⵉⵏ
- ⴹⴰⵕⴰⵙ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵣⵔⴼⴰⵏ ⵓⵟⵟⵓⵏ 96.21 ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵣⵔⴼ ⵓⵟⵟⵓⵏ 17.95 ⵉⵇⵇⵏⵏ ⵖⵔ ⵜⴷⵔⴰⵡⵉⵏ ⵏ ⵢⵉⵡⵙ ⴷ ⵓⵙⵙⵏⵜⵉ ⵏ ⵉⵏⴱⴰⴹⵏ ⵉⵏⵎⴰⵜⵜⴰⵢⵏ ⵉⵥⵍⵉⵏ ⵙ ⵓⵙⵏⴼⵍ ⵏ ⵜⴼⵓⵍⵉⵏ ⵉ ⵉⴷ ⴱⴰⴱⵉⵏ ⵏⵏⵙ ⵖⵔ ⵜⴼⵓⵍⵉⵏ ⵉⵜⵜⵓⵙⵎⴰⵏ, ⵉⵙⵏⴽⴷ ⵜ ⵎⴰⵙ ⵕⵉⵢⴰⴹ ⵎⵣⵡⴰⵔ, ⴰⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ.
- ⵅⴼ ⵎⴰⵏ ⴰⵢⵏⵏⵉ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴰⴱⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.448 ⵉⵇⵇⵏ ⵖⵔ ⵓⵙⵖⵣⴼ ⵏ ⵜⵉⵣⵉ ⵏ ⵡⴰⴷⴷⴰⴷ ⴰⵎⵓⴳⵣ ⴰⴷⵓⵙⴰⵏ ⴳ ⵎⴰⵕⵕⴰ ⵜⵉⵎⵏⴰⴹⵉⵏ ⵏ ⵜⵎⵓⵔⵜ ⵉ ⵓⵎⵏⴰⵍⴰ ⵏ ⵜⴰⴷⵓⵢⵜ ⵏ ⵓⴼⵉⵔⵓⵙ ⵏ ⴽⵓⵕⵓⵏⴰ-ⴽⵓⴼⵉⴷ 19, ⵉⵙⵏⴽⴷ ⵜ ⵎⴰⵙⵙ ⵄⴱⴷⵍⵡⴰⴼⵉ ⵍⴼⵜⵉⵜ, ⴰⵎⴰⵡⵙⴰⵙ ⵏ ⵜⴳⵯⵏⵙⴰⵏⵜ.
- ⵉⵙⵙⵓⴷⵓ ⵓⵙⵇⵇⵉⵎ ⵏ ⵜⵏⴱⴰⴹⵜ ⴳ ⵜⵡⵓⵔⵉⵡⵉⵏ ⵏⵏⵙ ⵙ ⵓⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.447 ⵙ ⵓⵙⵏⴼⵍ ⴷ ⵓⵙⵎⴰⴷ ⵏⵓⵎⵕⵚⵓⵎ ⵓⵟⵟⵓⵏ 2.12.293 ⴷ ⵉⴼⴼⵖⵏ ⴳ 15 ⵜⴰⵍⵜⵢⵓⵔⵜ 1433 (5 ⵢⵓⵍⵢⵓⵣ 2012) ⵉ ⵓⵙⵡⵜⵜⵓ ⵏ ⵜⵎⴰⵎⴽⵉⵏ ⵏ ⵓⴱⵟⵟⵓ ⵏ ⵡⴰⵏⵏⴰⵍ ⵉⵜⵜⵓⴼⴽⴰⵏ ⵉ ⵉⴽⴰⴱⴰⵕⵏ ⵉⵙⵔⵜⴰⵏ ⴷ ⵜⴱⵔⵉⴷⵜ ⵓⵇⵕⴹ ⵏⵏⵙ, ⵉⵙⵏⴽⴷ ⵜ ⵎⴰⵙⵙ ⵄⴱⴷ ⵍⵡⴰⴼⵉ ⵍⴼⵜⵉⵜ, ⴰⵎⴰⵡⵙⴰⵙ ⵏ ⵜⴳⵯⵏⵙⴰⵏⵜ, ⵉⴷⴷⵖ ⵉⵜⵜⵓⵙⴽⴰⵏ ⵉⵜⵜⵓⵖⵜⴰⵙ ⵉⵜⵜⵓⵙⵎⴰⴷ ⵓⵎⴷⵉⵡⵍⴰ ⵏⵏⵙ ⴳ ⵓⴳⵔⴰⵡ ⵢⴰⴹⵏ ⵏ ⵓⵙⵇⵇⵉⵎ ⵏ ⵜⵏⴰⴱⴹⵜ.
ⵉⴱⴷⴷⴰ ⵓⵙⵇⵇⵉⵎ ⵏ ⵜⵏⴱⴰⴹⵜ, ⴷⴼⴼⵔ ⵎⴰⵏ ⴰⵢⴰ, ⵅⴼ ⵓⵎⵢⴰⵇⵇⴰⵏ ⵏ ⵓⵙⵔⵇⴱ ⴷ ⵓⴼⵔⴰⴳ ⵉⵜⵜⵓⵙⵎⵔⴰⵔⵏ ⵉ ⵉⵙⵙⴰⵔⵓⵜⵏ ⵏⴳⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵏⴱⴰⴹⵜ ⵜⴳⴷⵓⴷⴰ ⵏ ⵍⵇⴰⵎⵔ ⵍⵎⵓⵜⵜⴰⵃⵉⴷⴰ, ⵉⵜⵜⵓⵙⴳⵎⴹⵏ ⴳ ⴷⴷⴰⵅⵍⴰ ⴳ 31 ⵎⴰⵕⵚ 2022, ⴰⴽⴷ ⵓⵙⵏⴼⴰⵔ ⴰⵣⵔⴼⴰⵏ ⵓⵟⵟⵓⵏ 32.22 ⵅⴼ ⵉⵎⵍⵍⴰ ⵓⵎⵙⴰⵙ ⵏ ⵜⵎⵢⴰⵇⵇⴰⵏⵜ ⵉⵜⵜⵓⴱⴷⴰⵔⵏ, ⵉⵙⵏⴽⴷ ⵜⵏ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉⵢ ⴷ ⵉⵎⵖⵔⴰⴱⵉⵢⵏ ⵏ ⴱⵕⵕⴰ.
ⵉⵙⵎⵎⴰⵍⵏ
ⵉⵔⴳⵍ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵎⴷⵉⵡⴰⵍ ⴷ ⵓⵙⵖⵣⵏ ⵅⴼ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⵉⵎⵙⴰⵙⴰⵏ ⴷ ⵉⵎⵉⵔ 92 ⴳ ⵓⴷⵓⵙⵜⵓⵔ.
- ⴳ ⵜⵎⴰⵡⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ, ⵉⵜⵜⵓⵙⵎⴰⵍ:
- ⵎⴰⵙⵙ ⵍⵓⵟⴼⵉ ⴱⵓⵃⵏⴷⴰⵔ, ⴷ ⴰⵏⵎⵀⴰⵍ ⵉ ⵓⴼⵏⵉⵇ ⴰⵎⵖⵔⵉⴱⵉ ⵏ ⵜⵏⵓⴼⵜ,
- ⵎⴰⵙⵙ ⵎⵓⵏⵚⵉⴼ ⴷⵔⵇⴰⵡⵉ, ⴷ ⴰⵏⵎⵀⴰⵍ ⵉ ⵜⵖⵓⵔⵉⵡⵉⵏ ⴷ ⵜⵉⴷⵎⵉ ⵜⴰⵥⵔⴼⴰⵏⵜ.
- ⴳ ⵜⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴳⵯⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ, ⵉⵜⵜⵓⵙⵎⴰⵍ:
- ⵎⴰⵙⵙⴰ ⵙⴰⵎⵉⵔⴰ ⴱⴰⵢⵏⴰ, ⴷ ⵜⴰⵏⵎⵀⴰⵍⵜ ⵉ ⵜⵎⵔⵙⵍⵜ ⵏ ⵜⴽⵏⵔⴰ ⵙ ⵜⵡⵓⵔⵉⵡⵉ ⵜⵉⵏⴰⵎⵓⵏⵉⵏ ⵉ ⵉⵎⵙⵖⴰⵏⵏ ⴷ ⵉⵎⵙⵡⵓⵔⵉⵢⵏ ⵏ ⵜⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴳⵯⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ- ⵉⴳⵔ ⵏ ⵜⴳⵯⵎⵔⵜ ⵜⴰⵢⵍⴰⵏⵜ .
- ⵎⴰⵙⵙⴰ ⵙⴰⵎⵉⵔⴰ ⴱⴰⵢⵏⴰ, ⴷ ⵜⴰⵏⵎⵀⴰⵍⵜ ⵉ ⵜⵎⵔⵙⵍⵜ ⵏ ⵜⴽⵏⵔⴰ ⵙ ⵜⵡⵓⵔⵉⵡⵉ ⵜⵉⵏⴰⵎⵓⵏⵉⵏ ⵉ ⵉⵎⵙⵖⴰⵏⵏ ⴷ ⵉⵎⵙⵡⵓⵔⵉⵢⵏ ⵏ ⵜⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴳⵯⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ- ⵉⴳⵔ ⵏ ⵜⴳⵯⵎⵔⵜ ⵜⴰⵢⵍⴰⵏⵜ .
