ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⵙⵉⵎⵡⴰⵙ 8 ⵛⵓⵜⴰⵏⴱⵉⵔ 2022
ⵜⴳⴰ ⵜⵏⴱⴰⴹⵜ, ⴰⵙⵙ ⵏ ⵓⴽⵡⴰⵙ 11 ⴳ ⵉⵏⴷⴼⵕ ⵏ ⵜⵄⵛⵓⵕⵜ 1444, ⵉⵎⵙⴰⵙⴰⵏ ⴰⴽⴷ 8 ⵛⵓⵜⴰⵏⴱⵉⵔ 2022, ⴰⴳⵔⴰⵡ ⵏ ⵜⵏⴱⴰⴹⵜ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵜⵜⵓⵙⵜⴰⵢⵏ ⵉ ⵓⵙⵎⵏⵉⴷ ⵏ ⵙⵉⵏ ⵉⵙⴽⴰⵏⵏ ⵉⵏⴰⴳⵔⴰⵏⵏ ⵢⴰⵏ ⴷⵉⴳⵙⵏ ⵅⴼ ⵉⵎⴰⵢⵏⵓⵜⵏ ⵏ ⵡⴰⴷⴰⴼ ⴰⵏⵎⵍⴰⵏ 2022- 2023, ⴷ ⵡⴰⵢⴹ ⵅⴼ ⵜⵎⴰⵖⵓⵏⵜ ⵜⴰⵏⴱⴰⴹⵜ ⴳ ⵓⴱⵕⵍⴰⵎⴰⵏ ⴳ ⵓⵙⴳⴳⵯⴰⵙ ⵓⵣⵔⵉⴼ ⴰⵎⵣⵡⴰⵔⵓ ⵙⴳ ⵍⵡⵉⵍⴰⵢⴰ ⵜⴰⵏⵣⵣⴰⵔⴼⵓⵜ ⵜⵉⵙ ⵢⴰⵏ ⴷ ⵎⵔⴰⵡⵜ, ⴷ ⵓⵎⵔⴰⵔⴰ ⵏ ⵡⴰⵡⴰⵍ ⵅⴼ ⵜⵓⴳⴳⵜ ⵏ ⵉⵙⵏⴼⴰⵔⵏ ⵏ ⵉⴹⵕⵉⵚⵏ ⵉⵣⵔⴼⴰⵏⵏ, ⴷ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⴷ ⵢⵓⵙⵏ ⴳ ⵢⵉⵎⵉⵔ 92 ⴳ ⵓⴷⵓⵙⵜⵓⵔ.
ⴰⵙⵉⵡⴹ ⴰⵏⵖⵎⴰⵙ (ⵜⵓⵏⵖⵉⵍⵜ ⵙ ⵜⵄⵕⴰⴱⵜ) ⴳ ⵜⵓⴹⴼⵉⵕⵉⵏ
- ⴷⴼⴼⵔ ⵎⴰⵏ ⴰⵢⵏⵏⵉ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 22 .27 ⴷ ⵢⵓⵡⵉⵏ ⵅⴼ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵣⵔⴼ ⵓⵟⵟⵓⵏ 65.00 ⴷ ⵜⵓⴳⵔⵉⵡⵜ ⵏ ⵓⵙⴰⴳⴳⵯⵓ ⴰⴷⵓⵙⴰⵏ ⴰⴷⵙⵍⴰⵏ, ⵉⵙⵏⴽⴷ ⵜ ⵎⴰⵙⵙ ⵅⴰⵍⵉⴷ ⴰⵢⵜ ⵟⵟⴰⵍⴱ, ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ.
- ⵙⴳ ⴷⴳⵙ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴰⴱⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.567 ⵙ ⵜⵉⴳⴳⵉ ⵏ ⵜⵎⵏⴰⴹⵜ ⵓⴷⵔⴰⴼ ⴰⵎⴳⵓⵔⴰⵏ ⴳ ⴼⴰⵙ ⵎⴽⵏⴰⵙ, ⵉⵙⵏⴽⴷ ⵜ ⵎⴰⵙⵙ ⵕⵉⵢⴰⴹ ⵎⵣⵡⴰⵔ, ⴰⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ.
- ⵉⵙⵙⵓⴷⵓ ⵓⵙⵇⵇⵉⵎ ⵏ ⵜⵏⴰⴱⴹⵜ ⴳ ⵜⵡⵓⵔⵉⵡⵉⵏ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.528 ⵏ ⵓⵙⵏⴼⵍ ⵏ ⵓⵎⵕⵚⵓⵎ ⵓⵟⵟⵓⵏ 2.18.448 ⴷ ⵉⴼⴼⵖⵏ ⴳ 27 ⴳ ⵉⵙⵡⵉ 1441 (19 ⵢⵓⵏⵢⵓ 2020) ⵏ ⵓⵙⴽⴰⵔ ⵙ ⵓⵣⵔⴼ ⵓⵟⵟⵓⵏ 74.15 ⵉⵇⵇⵏ ⵖⵔ ⵜⵎⵏⴰⴹⵜ ⵏ ⵓⵣⴰⵖⵓⵣ ⵏ ⵜⴼⵉⵍⴰⵍⵜ ⴷ ⴼⵉⴳⵉⴳ, ⵙ ⵢⵉⵙⵢ ⵙ ⵜⴰⵏⵏⴰⵢⵉⵏ ⵏⵏⵉ ⵉⵜⵜⵓⴼⴽⴰⵏ, ⵜⵙⵏⴽⴷ ⵜ ⵎⴰⵙⵙⴰ ⵍⴰⵢⵍⴰ ⴱⵏⵄⵍⵉ, ⵜⴰⵎⴰⵡⵙⴰⵙⵜ ⵏ ⵓⵎⵎⴰⵜⵉ ⴰⵎⵓⵟⵟⵓⵏ ⴷ ⵜⴳⵎⵉ ⵜⴰⵙⵓⵍⴰⵏⵜ.
ⵉⵔⴳⵍ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵎⴷⵉⵡⴰⵍ ⴷ ⵓⵙⵖⵣⵏ ⵅⴼ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⵉⵎⵙⴰⵙⴰⵏ ⴷ ⵉⵎⵉⵔ 92 ⴳ ⵓⴷⵓⵙⵜⵓⵔ.
- ⴳ ⵜⵎⴰⵡⴰⵙⵜ ⵏ ⵓⵎⴰⵡⴰ ⴷ ⵡⴰⵎⴰⵏ, ⵉⵜⵜⵓⵙⵎⴰⵍ:
- ⵎⴰⵙⵙ ⴰⵢⵜ ⵉⵃⴷⴰⴷ ⵄⴱⴷ ⵍⴽⵔⵉⵎ, ⴷ ⴰⵏⵎⵀⴰⵍ ⵏ ⵉⵎⴰⵡⴰⵜⵏ ⵏ ⵡⴰⵎⴰⵏ.
- ⴳ ⵜⵎⴰⵡⴰⵙⵜ ⵏ ⵓⵙⵉⴷⴼ ⴰⴷⵎⵙⴰⵏ ⴷ ⵜⵎⵙⵙⵏⵜⵉⵜⵉⵏ ⵜⵉⵎⵥⵥⵢⴰⵏⵉⵏ, ⴷ ⵜⵡⵓⵔⵉ ⴷ ⵜⵣⵎⵎⴰⵔ, ⵉⴳⵔ ⵏ ⵓⵙⵉⵍⵖ ⴰⵣⵣⵓⵍⴰⵏ:
- ⵎⴰⵙⵙ ⵙⵙⴱⴰⵇ ⵎⵓⵃⵎⵎⴰⴷ, ⴷ ⴰⵏⵎⵀⴰⵍ ⵏ ⵜⵖⴰⵡⵙⵉⵡⵉⵏ ⵏⵜⵉⵎⵙⵙⵓⴳⵓⵔⵉⵏ ⴷ ⵉⵙⵓⴳⴰⵎⵏ ⵉⵏⴰⴼⴳⴰⵏⵏ,
- ⴳ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ, ⵉⵜⵜⵓⵙⵎⴰⵍ:
- ⵎⴰⵙⵙ ⴱⴰⵀⵉ ⵍⵃⵓⵙⴰⵢⵏ, ⴷ ⴰⵏⵎⵀⴰⵍ ⵏ ⵓⵙⵉⵏⴰⴳ ⴰⴳⵍⴷⴰⵏ ⵉ ⵓⵙⵙⵉⵍⵖ ⵏ ⵉⵎⵙⵙⵓⴳⵔⵓⵏ ⵏ ⵜⵄⵓⵔⵔⵎⴰ ⴷ ⵜⵓⵏⵏⵓⵏⵜ;
- ⴳ ⵜⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴳⵯⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ, ⵉⴳⵔ ⵏ ⵜⴳⵯⵎⵔⵜ ⵜⴰⵢⵍⴰⵏⵜ :
- ⵎⴰⵙⵙ ⵉⴷⵔⵉⵙ ⵜⵜⴰⵣⵉ, ⴷ ⴰⵏⵎⵀⴰⵍ ⵏ ⵓⵙⵉⵍⵖ ⴰⵢⵉⵍⴰⵏ ⴷ ⵉⵔⴳⴰⵣⵏ ⵏ ⵢⵉⵍⵍ ⴷ ⵓⵊⵊⵏⵊⵎ.
