ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⵙⵉⵎⵡⴰⵙ 16 ⵛⵓⵜⴰⵏⴱⵉⵔ 2022
ⵜⴳⴰ ⵜⵏⴱⴰⴹⵜ, ⴰⵙⵙ ⵏ ⵓⴽⵡⴰⵙ 19 ⴳ ⵉⵏⴷⴼⵕ ⵏ ⵜⵄⵛⵓⵕⵜ 1444, ⵉⵎⵙⴰⵙⴰⵏ ⴰⴽⴷ 16 ⵛⵓⵜⴰⵏⴱⵉⵔ 2022, ⴰⴳⵔⴰⵡ ⵏ ⵜⵏⴱⴰⴹⵜ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵜⵜⵓⵙⵜⴰⵢⵏ ⵉ ⵓⵙⵎⵏⵉⴷ ⵏ ⵙⵉⵏ ⵉⵙⴽⴰⵏⵏ ⵉⵏⴰⴳⵔⴰⵏⵏ ⵢⴰⵏ ⴷⵉⴳⵙⵏ ⵅⴼ ⵜⴰⴷⵔⵙⵉ ⵏ ⵡⴰⵎⴰⵏ ⴷ ⵓⵙⵡⵓⴷⴷⵓ ⵓⴷⵔⵉⴼ ⴷ ⵉⵜⵜⵢⴰⵙⴰⵢⵏ, ⴷ ⵡⴰⵢⴹ ⵅⴼ ⵜⵎⴳⴳⵉⵜⵉⵏ ⵉⵙⵡⵓⴷⴷⵓⵜⵏ ⵔⴰⴷ ⵉⵜⵜⵓⴳⵏ ⴳ ⵓⵙⵙⵓⵊⴷ ⵉ ⵓⵙⴳⴳⵯⴰⵙ ⵏ ⵜⵢⵔⵣⴰ 2022-2023, ⴷ ⵓⵎⵔⴰⵔⴰ ⵏ ⵡⴰⵡⴰⵍ ⵅⴼ ⵜⵓⴳⴳⵜ ⵏ ⵉⵙⵏⴼⴰⵔⵏ ⵏ ⵉⴹⵕⵉⵚⵏ ⵉⵣⵔⴼⴰⵏⵏ, ⴷ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⴷ ⵢⵓⵙⵏ ⴳ ⵢⵉⵎⵉⵔ 92 ⴳ ⵓⴷⵓⵙⵜⵓⵔ.
ⴰⵙⵉⵡⴹ ⴰⵏⵖⵎⴰⵙ (ⵜⵓⵏⵖⵉⵍⵜ ⵙ ⵜⵄⵕⴰⴱⵜ) ⴳ ⵜⵓⴹⴼⵉⵕⵉⵏ
- ⴷⴼⴼⵔ ⵎⴰⵏ ⴰⵢⵏⵏⵉ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.711 ⵙ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵎⵕⵚⵓⵎ ⵓⵟⵟⵓⵏ 2.17.763 ⴷ ⵉⴼⴼⵖⵏ ⴳ 25 ⴳ ⵜⵔⵡⴰⵢⵉⵏ 1439 (14 ⴷⵓⵊⴰⵏⴱⵉⵔ 2017) ⵏ ⵓⵙⴽⴰⵔ ⵙ ⵓⵣⵔⴼ ⵓⵟⵟⵏ 60.16 ⵙ ⵜⴻⵜⵜⵓⴳ ⵜⵙⵏⵓⵔⴰⵢⵜ ⵜⴰⵎⵖⵔⴰⴱⵉⵜ ⵉ ⵜⴳⵎⵉ ⵏ ⵉⵙⵙⴰⵔⵓⵜⵏ ⴷ ⵉⵙⵉⴼⴹⵏ, ⵉⵙⵏⴽⴷ ⵜ ⵎⴰⵙⵙ ⵎⵓⵃⵙⵉⵏ ⵊⴰⵣⵓⵍⵉ, ⴰⵎⴰⵡⵙⴰⵙ ⵉⴳⴰⵏ ⴰⵎⴰⵔⵉ ⴷⴰⵔ ⵓⵏⵙⵙⵉⵅⴼ ⵏ ⵜⵏⴰⴱⴹⵜ ⵉⵜⵜⵓⵙⵎⴰⴳⵍⵏ ⵙ ⵙ ⵓⵙⵙⴰⵔⵓ ⴷ ⵜⵎⵙⵙⴰⵔⴳⵜ ⴷ ⵓⵙⵜⴰⵍ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ.
- ⵙⴳ ⴷⴳⵙ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴰⴱⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.573 ⵙ ⵓⵙⵡⵜⵜⵓ ⵏ ⵡⵓⵟⵟⵓⵏ ⵏ ⵜⵙⵇⵇⵉⵎⵜ ⵉⵏ ⵜⵉⵏⵎⵏⴰⴹⵉⵏ ⵉ ⵓⵕⴰⵄⴰ ⴳ ⵜⵉⴽⵜⵉⵡⵉⵏ ⵉⵇⵇⵏ ⵖⵔ ⵓⵔⴳⴰⵢ ⴷ ⵡⴰⵜⵉⴳ ⵏⵏⵙ ⴷ ⵎⴰⴳ ⵜⵜⵓⵙⵎⵔⴰⵙ, ⵜⵙⵏⴽⴷ ⵜ ⵎⴰⵙⵙⴰ ⵏⴰⴷⵉⵢⴰ ⴼⵜⵜⴰⵃ, ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ.
ⵉⵔⴳⵍ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵎⴷⵉⵡⴰⵍ ⴷ ⵓⵙⵖⵣⵏ ⵅⴼ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⵉⵎⵙⴰⵙⴰⵏ ⴷ ⵉⵎⵉⵔ 92 ⴳ ⵓⴷⵓⵙⵜⵓⵔ.
- ⴳ ⵜⵎⴰⵡⴰⵙⵜ ⵏ ⵡⴰⵙⵙⴰⵢ ⴷ ⵜⵍⵓⵊⵙⵜⵉⵜ, ⵉⵜⵜⵙⵎⴰⵍ:
- ⵎⴰⵙⵙ ⵏⴱⴰⵉⵍ ⵎⵙⴰⵍⵉ ⴷ ⴰⵏⵎⵀⴰⵍ ⵏ ⵡⴰⵢⵍⴰⵍ ⵓⵖⵔⵉⵎ.
- ⴳ ⵜⵎⴰⵡⴰⵙⵜ ⵏ ⵓⵎⴰⵡⴰ ⴷ ⵡⴰⵎⴰⵏ, ⵉⵜⵜⵓⵙⵎⴰⵍ:
- ⵎⴰⵙⵙ ⵔⴰⵛⵉⴷ ⵎⴷⴰⵃ, ⴷ ⴰⵏⵎⵀⴰⵍ ⵏ ⵜⵙⵏⵓⵔⴰⵢⵜ ⵏ ⵓⴳⵍⵎⴰⵎ ⵏ ⵡⴰⵎⴰⵏ ⵉ ⵓⵙⵓⵙ ⵎⴰⵙⵙⴰ.
- ⵎⴰⵙⵙ ⵄⴱⴷⵍⵍⴰ ⴱⵓⵔⴰⴽ, ⴷ ⴰⵏⵎⵀⴰⵍ ⵏ ⵜⵙⵏⵓⵔⴰⵢⵜ ⵏ ⵓⴳⵍⵎⴰⵎ ⵏ ⵡⴰⵎⴰⵏ ⵏ ⵙⴱⵓ.
- ⵎⴰⵙⵙ ⵄⵓⵎⴰⵕ ⵛⴰⴼⵉⵇ, ⴷ ⴰⵏⵎⵀⴰⵍ ⵏ ⵜⵙⵏⵓⵔⴰⵢⵜ ⵏ ⵓⴳⵍⵎⴰⵎ ⵏ ⵡⴰⵎⴰⵏ ⵏ ⴰⴱⵉ ⵔⵇⵔⴰⵇ ⴷ ⵛⵛⴰⵡⵉⵢⴰ.
