ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 6 ⴽⵜⵓⴱⵕ 2022

• ⴷⴼⴼⵔⵙ, ⵉⵎⵔⴰⵔⴰ  ⵓⵙⵇⵇⵉⵎ  ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.400 ⵏ ⵓⵙⵡⵜⵜⵓ ⵏ ⵜⵡⵓⵔⵉⵡⵉⵏ  ⴷ ⵓⵙⵏⵎⴰⵍⴰ ⵏ ⵜⵎⴰⵡⴰⵙⵜ ⵏ ⵏ ⵜⵏⵣⵣⴰⵔⴼⵓⵜ, ⵉⵙⵏⴽⴷ ⵜ ⵎⴰⵙⵙ ⵄⴱⴷⵍⵟⵉⴼ ⵡⵀⴱⵉ, ⴰⵎⴰⵡⵙⴰⵙ ⵏ ⵜⵏⵣⵣⴰⵔⴼⵓⵜ. 
• ⵖⵉⴼⵙ,ⵉⵎⵔⴰⵔⴰ  ⵓⵙⵇⵇⵉⵎ  ⵏ ⵜⵏⴱⴰⴹⵜ ⴰⵡⴰⵍ ⵉⵙⵏⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.586 ⵙ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵎⵕⵚⵓⵎ ⵓⵟⵟⵓⵏ 2.93.807 ⴳ ⵓⵙⴰⴽⵓⴷ ⵏ 6 ⴳ ⵡⵉⵏ ⵉⴳⵯⵔⵔⴰⵎⵏ 1415 (16 ⵢⵓⵏⵢⵓ 1994) ⵅⴼ ⵓⵏⴳⵔⴰⵡ ⴰⴷⵙⵍⴰⵏ ⵉⵥⵍⵉⵏ ⵙ ⵜⴳⵔⴰⵡⵜ ⵏ ⵓⴳⴳⵉⵡⵙ ⴰⵎⴰⵜⴰⵢ ⵉ ⵜⵥⵕⴼⵜ, ⵜⵙⵏⴽⴷ ⵜ ⵎⴰⵙⵙⴰ ⵏⴰⴷⵉⵢⴰ ⴼⵜⵜⴰⵃ, ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ.
• ⵉⵙⵙⵓⴷⵓ  ⵓⵙⵇⵇⵉⵎ  ⵏ ⵜⵏⴱⴰⴹⵜ ⴳ ⵜⵡⵓⵔⵉⵡⵉⵏ ⵏⵏⵙ, ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.780 ⵙ ⵓⵕⵥⵥⵓⵎ ⵏ ⵉⵖⴱⵓⵍⴰ ⵢⴰⴹⵏ ⵉ ⵜⵎⵙⴰⵙⵜⴰⵍⵜ ⵜⴰⵎⴰⵜⴰⵢⵜ, ⵉⵙⵏⴽⴷ ⵜ ⵎⴰⵙⵙ ⴼⴰⵡⵣⵉ ⵍⵇⵊⵄ, ⴰⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ.
• ⴳ ⵎⵉⵏ ⵉⵇⵇⵏ ⵖⵔ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.191 ⵉⵇⵇⵏ ⵖⵔ ⵜⵡⵓⵔⵉⵡⵉⵏ ⵏ ⵡⴰⵙⵙⴰⵢ ⵏ ⵢⵉⴳⵏⵏⴰ, ⵉⵜⵜⵓⵖⵜⴰⵙ ⴰⴷ ⵉⵜⵜⵓⵙⵎⴰⵜⵉ ⵎⴰ ⵔⴰⴷ ⴰⴷ ⵉⵜⵓⵙⴽⴰⵏ ⵅⴼ  ⵓⵙⵇⵇⵉⵎ  ⵏ ⵜⵏⴰⴱⴹⵜ ⵜⵉⴽⴽⵍⵜ ⵏⵏⵉⴹⵏ.
   

ⵉⵎⵎⵓⵜⵜⵉ  ⵓⵙⵇⵇⵉⵎ  ⵏ ⵜⵏⴱⴰⴹⵜ ⵖⵔ ⵉⴱⴷⴷⵉ ⵅⴼ ⵓⵎⵢⴰⵇⵇⴰⵏ ⴰⴳⵔⴰⵖⵍⴰⵏ ⵏⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰ ⵏ ⵊⵉⴱⵓⵜⵉ ⵜⵜⴰⴼ ⴰⴷ ⵢⵉⵍⵉ ⵓⵙⴱⵓⵖⵍⵓ ⴷ ⵓⴼⵔⴰⴳ ⵉ ⵉⵙⵎⵔⴰⵔⴰⵜⵏ ⵏ ⵉⵙⵙⴰⵔⵓⵜⵏ, ⵉⵜⵜⵓⵙⵎⴳⴹⵏ ⴳ ⵕⵕⴱⴰⵟ 25 ⵢⵓⵍⵢⵓ 2022,ⴷ ⵓⵙⵏⴼⴰⵔ ⴰⵣⵔⴼⴰⵏ  ⵓⵟⵟⵓⵏ 46.22 ⴷ ⵢⵓⵡⵉⵏ ⵅⴼ ⵓⵎⵙⴰⵙⴰ ⵏ ⵓⵎⵢⴰⵇⵇⴰⵏ ⵉⵜⵜⵓⴱⴷⴰⵔⵏ, ⵉⵙⵏⴽⴷ ⵜ ⵎⴰⵙⵙ ⵏⴰⵚⵕ ⴱⵓⵕⵉⵟ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉⵢ ⴷ ⵉⵎⵖⵔⴰⴱⵉⵢⵏ ⵏ ⴱⵕⵕⴰ.
ⵉⴳⴰ ⵓⵡⵜⵜⴰⵙ ⵏ ⵓⵎⵢⴰⵇⵇⴰⵏ ⴰⴷ ⴰⵙⵔⵇⴱ ⵏ ⵓⵙⵙⴰⵔⵓ ⵏⴳⵔ ⵙⵏⴰⵜ ⵜⵎⵉⵣⴰⵔ ⴷ ⵓⵙⴷⵓⵙ ⵏ ⵓⵎⵢⴰⵡⴰⴹ ⵏⴳⵔ ⵜⵎⵙⵙⵏⵜⵉⵜⵉⵏ  ⵏ ⵢⵉⴳⵔ ⵓⵙⵍⵉⴳ ⵙ ⵢⵉⵡⵉⵙ ⵏ ⵓⵙⵙⴹⵕⵓⵏ ⵜⴳⵎⵉ ⵜⴰⵙⴰⵓⵍⴰⵏⵜ, ⵙ ⵜⵙⴽⵔⵉⵡⵜ ⵏ ⵜⵡⵓⵔⵉ ⴳ ⴷ ⵓⵙⵎⴰⵜⵜⵉ ⵏ ⵜⵜⵉⴽⵏⵓⵍⵓⵊⵉⵜ ⵙ ⵓⵙⵀⵡⵏ ⵏ ⵉⵎⵔⴰⵢⵏ ⵍⵍⵉ ⵉⵜⵜⵎⴰⵏⴷⵏ ⴰⵎⵙⵙⵉⵔⵓ, ⵙ ⵜⵉⴽⴽⵉ ⵏ ⵜⵓⵔⴰⴳⵉⵏ ⵖⵔⵙ ⵉⵣⴷⵉⵏ, ⵙⵎⵉⵏ ⵅⴼ ⴷ ⵓⵡⵉⵏ ⵉⵣⵔⴼⴰⵏ ⴷ ⵉⵏⴰⴳⵔⴰⵡⵏ ⵙ ⵙⵙⵓⴷⵓⵏⵜ ⵜⵡⵓⵔⵉⵡⵉⵏ ⴰⴼⵍⵍⴰ ⵏ ⵡⴰⴽⴰⵍ ⵏ ⵙⵏⴰⵜ ⵜⵎⵉⵣⴰⵔ ⴰⴷ.