ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵢⵓⴳⴳⴰ ⴰⵙⴳⵎⴹ ⵏ ⵓⵎⵙⴰⵙⴰ ⴰⵙⴰⵜⵉ ⵖⴼ ⵓⵣⵣⴳⵉⵔ ⵏ ⵓⵖⴰⵡⴰⵙ ⵏ ⵓⵙⵉⵍⵉⵢ ⵏ ⵡⵓⵟⵟⵓⵏ ⵏ ⵉⵎⵣⵣⵓⵍⴰⵏ ⵏ ⵢⵉⴳⵔ ⵏ ⵜⴷⵓⵙⵉ ⴳ ⵉⴷⵉⵔ ⵏ ⵓⵙⴳⴳⵯⴰⵙ 2030
- ⴰⵙⵉⵍⵉⵢ ⵏ ⵜⴰⴳⴳⴰⵢⵜ ⵏ ⵉⵎⵙⵡⵓⵔⵉⵜⵏ ⴳ ⵢⵉⴳⵔ ⴰⴷⵓⵙⴰⵏ ⵙⴳ 68 ⵏ ⵢⵉⴼⴹ ⴰⵙⴳⴳⵯⴰⵙ ⵏ 2022 ⵙ ⵡⵓⴳⴳⴰⵔ ⵏ 90 ⵏ ⵢⵉⴼⴷ ⴳ ⵓⵙⴳⴳⵯⴰⵙ ⵏ 2030;
- ⴰⵡⴰⴹ ⵏ 24 ⵏ ⵓⵎⵣⵣⵓⵍ ⵏ ⵜⴷⵓⵙⵉ ⵉ ⴽⵓ 10.000 ⵏ ⵢⴰⵏ ⴳ ⵉⴷⵉⵔ ⵏ 2025 ⵉⵡⴰ ⵙ 45 ⴳ ⵉⴷⵉⵔ ⵏ 2030 ( ⵎⴳⴰⵍ ⵏ 17,5 ⵉ ⴽⵓ 10.000 ⵏ ⵢⴰⵏ ⵡⴰⵙⴰ);
- ⴰⵙⵙⵓⴹⵏ ⵏ ⵡⵓⴳⴳⴰⵔ ⵏ 3 ⵉⴷ ⵎⵍⵢⴰⵕ ⴷⵔⵀⵍ ⵉ ⵓⵣⵣⴳⵉⵔ ⵏ ⵓⵖⴰⵡⴰⵙ;
- ⴰⵙⵔⵓⵙ ⵏ 3 ⵜⵙⴷⴰⵡⵉⵜⵉⵏ ⵏ ⵓⵙⵓⵊⵊⵉ ⴷ ⵓⵙⴰⵙⴼⵔ ⴷ 3 ⵡⴰⵎⵎⴰⵙⵏ ⵉⵎⵙⴳⵏⴰⴼⵏⵏ ⵉⵙⴷⴰⵡⴰⵏⵏ ⴳ ⵉⵎⵜⵖⵔⵏ ⴷ ⴰⵢⵜ ⵎⵍⵍⴰⵍ ⴷ ⴳⵍⵎⵉⵎ.
ⵢⵓⴳⴳⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⴰⵣⵉⵣ ⴰⵅⵏⵓⵛ, ⴰⵙⵙ ⵏ ⵓⵢⵏⴰⵙ 24 ⵢⵓⵍⵢⵓⵙ 2022, ⵉⵎⵓⵙⵙⵓⵜⵏ ⵏ ⵓⵙⴳⵎⴹ ⵏ ⵓⵎⵙⴰⵙⴰ ⴰⵙⴰⵜⵉ ⵖⴼ ⵓⵣⵣⴳⵉⵔ ⵏ ⵓⵖⴰⵡⴰⵙ ⵏ ⵓⵙⵉⵍⵉⵢ ⵏ ⵡⵓⵟⵟⵓⵏ ⵏ ⵉⵎⵣⵣⵓⵎⵍⴰⵏⵏ ⵏ ⵢⵉⴳⵔ ⵏ ⵜⴷⵓⵙⵉ ⴳ ⵉⴷⵉⵔ ⵏ ⵓⵙⴳⴳⵯⴰⵙ ⵏ 2030. ⵉⵡⴰⵜⵙ ⵓⵎⵙⴰⵙⴰ ⴰⴷ ⴰⵙⴰⵉⵜ ⴰⵙⵉⴷⵔⵓⵙ ⵏ ⵡⴰⵙⵙⴰⵔ ⴰⵎⵉⵔⴰⵏ ⴳ ⵉⵙⵓⴳⴰⵎ ⵉⵏⴼⴳⴰⵏ ⵉⴷⵓⵙⴰⵏⵏ ⴷ ⵓⵎⵓⴽⵏ ⵏ ⵓⵏⴳⵔⴰⵡ ⵏ ⵓⵙⵎⵓⵜⵜⴳ. ⵉⵙⴳⵎⴹ ⴰⵙⴰⵙⴰ ⴰⴷ ⴰⵙⴰⵜⵉ ⵎⴰⵙⵙ ⵅⴰⵍⵉⴷ ⴰⵢⵜ ⵟⵟⴰⵍⴱ, ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ, ⴷ ⵎⴰⵙⵙ ⵄⴱⴷ ⵍⵍⵟⵉⴼ ⵎⵉⵔⴰⵡⵉ, ⴰⵎⴰⵡⵙⴰⵙ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⵓⵍⴼⵓ, ⴷ ⵎⴰⵙⵙ ⴼⴰⵡⵣⵉ ⵍⵇⵊⵄ; ⴰⵎⴰⵡⵙⴰⵙ ⴰⵎⴰⵔⵉ ⵖⵔ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵓⵥⵕⴼ, ⵉⵜⵜⵓⵙⵎⴰⴳⵍⵏ ⵙ ⵜⵎⵙⴰⵙⵜⵍⵜ.
ⵉⴷⴷⴰ ⴷ ⵓⵖⴰⵡⴰⵙ ⴰⴷ ⴰⴷ ⵉⵙⴼⴳⴳⴰ ⴰⵙⵀⵍⵍⴰ ⴰⵎⴰⵜⵜⴰⵢ ⵍⵍⵉ ⵢⴰⴽⴽⴰ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵢⴰⵡⵙ ⵜ ⵉ ⵜⵖⴰⵡⵙⵉⵡⵉⵏ ⵏ ⵜⴷⵓⵙⵉ ⴷ ⵓⵙⵖⵔⵜ ⵏ ⵓⴼⵔⴷⵉⵙ ⴰⵏⴼⴳⴰⵏ ⵏ ⵢⵉⴳⵔ, ⵉⴷⴷⵖ ⴳⴰⵏ ⵜⵉⵔⵙⵍⵜ ⵜⴰⵙⴳⵓⵎⴰⵏⵜ ⴳ ⵓⵙⵖⵏⵓ ⵏ ⵜⴳⵎⵉ ⴳ ⵜⵎⴰⵣⵉⵔⵜ ⵏⵏⵖ, ⴷ ⵓⵙⵎⵓⵔⵙ ⵏ ⵓⵙⵖⵏⵓ ⴰⴳⵍⴷⴰⵏ ⵉⵜⵜⵓⴳⵏⵙⴻⵙⵏ ⴳ ⵓⵙⵎⴰⵜⴰ ⵏ ⵓⴼⵔⴰⴳ ⴰⵏⴰⵎⵓⵏ ⵉ ⵎⴰⵕⵕⴰ ⵉⵎⵖⵔⵉⴱⵉⵢⵏ, ⴳ ⵓⵣⵣⴳⵉⵔ ⵏ ⵜⵓⵎⴰⵢⵉⵏ ⵏ ⵓⵙⵍⴳⵏ ⴰⵙⴰⵜⵉ ⵓⵟⵟⵓⵏ 09.21 ⵉⵥⵍⵉⵏ ⵙ ⵓⴼⵔⴰⴳ ⴰⵏⴰⵎⵓⵏ.
ⵉⵡⴰⵜⵙ ⵓⵖⴰⵡⴰⵙ ⴰⵙⵉⵍⵉⵢ ⵏ ⵡⵓⵟⵟⵓⵏ ⵏ ⵉⵎⵣⵣⵓⵍⴰⵏ ⵙⴳ 17.4 ⵉ ⴽⵓ 10.000 ⵏ ⵢⴰⵏ ⴰⵙⴳⴳⵯⴰⵙ ⵏ 2021 ⵙ 24 ⴳ ⵓⵙⴳⴳⵯⴰⵙ ⵏ 2025 ⵉⵡⴰ ⵙ 45 ⴳ ⵉⴷⵉⵔ ⵏ ⵓⵙⴳⴳⵯⴰⵙ ⵏ 2030, ⴰⵢⵍⵍⵉ ⵉⵙⵙⵓⵜⵓⵔⵏ ⴰⵙⵉⵍⵉⵢ ⵏ ⵡⵓⵟⵟⵓⵏ ⵏ ⵉⵏⴰⴼⵓⵖⵏ ⵏ ⵜⵙⴷⴰⵡⵉⵜⵉⵏ ⵏ ⵓⵙⵓⵊⵊⵉ ⴷ ⵓⵙⴰⵙⴼⵔ ⴷ ⵓⵙⵓⵊⵊⵉ ⵏ ⵜⵓⵖⵎⴰⵙ ⵙ ⵏⴰⵜ ⵜⵉⴽⴽⴰⵍ, ⴷ ⵡⵓⵟⵟⵓⵏ ⵏ ⵉⵏⴰⴼⵓⵖⵏ ⵏ ⵉⵙⵉⵏⴰⴳⵏ ⵉⵏⴰⴼⵍⵍⴰⵜⵏ ⵏ ⵜⴰⵣⵣⵓⵍⵉⵏ ⵏ ⵓⵙⵎⴰⴳⵍ ⴷ ⵜⴻⵜⵉⵇⵏⵉⵢⵉⵏ ⵏ ⵜⴷⵓⵙⵉ ⴽⵕⴰⴹ ⵜⵉⴽⴽⴰⵍ ⴳ ⵉⴷⵉⵔ ⵏ 2025, ⵔⵏⵓ ⴰⵙ ⴰⵙⵔⵓⵙ ⵏ ⵜⵎⵙⴳⴷⴰ ⵜⴰⵎⴰⵏⵓⵜ ⵏ ⵓⵙⵎⵓⵜⵜⴳ ⴰⴷⵙⵍⴰⵏ ⴳ ⵜⵖⵉⵡⴰⵏⵉⵏ ⵏ ⵓⵙⵓⵊⵊⵉ ⵏ ⵓⵙⵙⴼⴰⵔ ⴷ ⵓⵙⵓⵊⵊⵉ ⵏ ⵜⵓⵖⵎⴰⵙⵏ ⴷ ⵓⵙⵔⵓⵙ ⵏ ⴽⵕⴰⴹⵜ ⵜⵖⵉⵡⴰⵏⵉⵏ ⵏ ⵓⵙⵓⵊⵊⵉ ⴷ ⵓⵙⴰⵙⴼⵔ ⴷ 3 ⵡⴰⵎⵎⴰⵙⵏ ⵉⵎⵙⴳⵏⴰⴼⵏ ⵉⵙⴷⴰⵡⴰⵏⵏ ⴳ ⵉⵎⵜⵖⵔⵏ ⴷ ⴰⵢⵜ ⵎⵍⵍⴰⵍ ⴷ ⴳⵍⵎⵉⵎ.
ⵉⵍⴽⵎ ⵡⴰⵜⵉⴳ ⵏ ⵓⵣⵣⴳⵉⵔ ⵏ ⵓⵖⴰⵡⴰⵙ ⴰⵙ ⵓⴳⴳⴰⵔ ⵏ 3 ⵏ ⵉⴷ ⵎⵍⵢⴰⵕ ⵏ ⴷⵔⵀⵎ, ⴷ ⵡⴰⵜⵉⴳ ⵏ ⵓⵙⵔⵓⵙ ⵏ 3 ⵉⵎⵙⴳⵏⴰⴼⵏ ⵉⵙⴷⴰⵡⴰⵏⵏ ⵉⵎⴰⵢⵏⵓⵜⵏ.
ⵉⵙⵃⴰⴹⵕ ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴳ ⵜⴳⵓⵔⵉ ⵏⵏⵙ ⴳ ⵉⵎⵓⵙⵙⵓⵜⵏ ⵏ ⵓⵙⴳⵎⴹ ⵏ ⵓⵎⴰⵙⴰⵙⴰ ⴰⵙⴰⵜⵉ, ⴰⵏⵀⵍⵍⴰ ⴰⵎⵣⵣⵔⴰⵏ ⵍⵍⵉ ⵢⴰⴽⴽⴰ ⴱⴰⴱ ⵏ ⵡⵓⴷⴷⵔ ⴰⴳⵍⵍⵉⴷ ⵉ ⵜⴷⵓⵙⵉ ⴷ ⵉⵎⵣⵣⵓⵍⵏ ⵏ ⵢⵉⴳⵔ, ⴰⵢⵢⵍⵉ ⵉⵍⵍⴰⵏ ⵏ ⵉⵙⵡⴰⵍⴰⵜⵏ ⵏ ⴱⴰⴱ ⵏ ⵓⵡⴷⴷⵓⵔ ⴳ ⵓⵏⵀⵍⵍⴰ ⵙ ⵢⵉⴳⵔ ⴰⴷ, ⵍⵍⵉ ⵉⴳⴰⵏ ⵢⴰⵏ ⵙⴳ ⵉⵙⴳⵓⵎⵏ ⵏ ⵡⴰⵏⵏⴰⵍ ⵏ ⵜⵔⵙⴰⵍ ⵏ ⵓⵡⴰⵏⴽ ⴰⵏⴰⵎⵓⵏ.
ⵉⵏⵄⵜ ⵎⴰⵙ ⴷⴰ ⵉⵙⵙⵓⵜⵓⵔ ⵓⵣⵓⴳⴳⵣ ⵏ ⵓⵙⴰⵡⵔ ⴰⴳⵍⴷⴰⵏ ⵉⵜⵜⵓⴳⵏⵙⴻⵙⵏ ⴳ ⵓⴼⵔⴰⴳ ⴰⵏⴰⵎⵓⵏ ⵉ ⵎⴰⵕⵕⴰ ⵉⵎⵖⵔⵉⴱⵉⵢⵏ, ⴰⵙⵖⵔⵜ ⵉⴷⵜⵜⴰⵏ ⵉ ⵓⵏⴳⵔⴰⵡ ⵏ ⵜⴷⵓⵙⵉ ⴰⵏⴰⵎⵓⵏ, ⴷ ⵓⵙⵉⵍⵉⵢ ⵏ ⵡⵓⵟⵟⵓⵏ ⵏ ⵉⵎⵣⵣⵓⵍⴰⵏ ⵏ ⵢⵉⴳⵔ, ⵃⵎⴰ ⴰⴷ ⵉⵔⴰⵔ ⵖⵔ ⵜⴳⴰⵏⵏⵉⵢⵉⵏ ⵏ ⵜⵏⵎⵓⵔⵉⵏ ⴷ ⵉⵏⵎⵓⵔⴰⵏ.
ⵉⴼⵓⴽⴽ ⴰⴷ ⵉⵜⵜⵓⴱⴷⵔ ⵎⴰⵙ ⵜⵙⵔⵙ ⵜⵏⴱⴰⴹⵜ ⵃⵎⴰ ⴰⴷ ⵜⴹⴼⴰⵕ ⴰⵙⴰⵡⵔ ⴰⴷ ⴰⵎⵣⵣⵔⴰⵏ ⵏ ⵓⴼⵔⴰⴳ ⴰⵏⴰⵎⵓⵏ, ⵜⴰⵙⵜⵔⴰⵜⵊⵉⵜ ⵜⴰⵏⴰⴼⴰⵡⵜ ⵉ ⵓⵎⵓⴽⵏ ⵏ ⵓⵏⴳⵔⴰⵡ ⴰⴷⵓⵙⴰⵏ ⵉⵙⴽⵓⵜⵜⴰⵏ ⵖⴼ ⵜⵓⴳⵜ ⵏ ⵉⵎⵏⵣⴰⵢⵏ ⵉⵎⵙⵡⴰⵍⴰⵜⵏ, ⴳ ⵉⵍⵍⴰ ⵓⵙⵙⵉⵜⴳ ⵏ ⵉⵙⵓⴳⴰⵎ ⵉⵏⴼⴳⴰⵏⵏ ⴷ ⵓⵙⵖⵔⵜ ⵏ ⵓⴼⵙⴰⵔ ⵏ ⵜⵎⵔⵙⴰⵍ ⵏ ⵓⵏⵀⵍⵍⴰ ⴰⵎⵏⵣⵉ ⴷ ⵡⴰⵎⵎⴰⵙⵏ ⵉⵎⵙⴳⵏⴰⴼⵏ ⴷ ⵉⵙⴳⴰⵡⴰⵏⵏ ⴷ ⵉⵏⵎⵏⴰⴹⵏ ⴷ ⵉⵙⴷⴰⵡⴰⵏⵏ.
