ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⴱⵔⵔⴽ ⵜⴰⵏⵎⵀⴰⵍⵜ ⵜⴰⵎⴰⵜⴰⵢⵜ ⵏ ⵜⴳⴳⴰⵢⵉⵏ ⵜⵉⵏⴰⵎⵓⵏⵉⵏ ⵏ ⵓⵙⵙⴳⵎⵉ ⴷ ⵜⵓⵙⵙⵏⴰ ⴷ ⵜⴷⵍⵙⴰ “ⵍⵢⵓⵏⵉⵙⴽⵓ”

ⵉⵙⴱⵔⵔⴽ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⵙⵙ ⵏ ⵓⴽⵡⴰⵙ 24 ⵎⴰⵕⵚ 2022, ⵜⴰⵏⵎⵀⴰⵍⵜ ⵜⴰⵎⴰⵜⴰⵢⵜ ⵏ ⵜⵎⴰⴷⴷⴰⵙⵜ  ⵏ ⵜⴰⴳⴳⴰⵢⵉⵏ ⵜⵉⵏⴰⵎⵓⵏⵉⵏ ⵏ ⵓⵙⵙⴳⵎⵉ ⴷ ⵜⵓⵙⵙⵏⴰ ⴷ ⵜⴷⵍⵙⴰ (ⵍⵢⵓⵏⵉⵙⴽⵓ), ⵎⴰⵙⵙⴰ ⴰⵏⴷⵔⵉ ⴰⵥⵓⵍⴰⵢ, ⵏⵏⴰ ⵉⵙⵙⴽⵔⵏ ⵢⴰⵏ ⵓⵔⵣⴰⴼ ⵉ ⵍⵎⵖⵔⵉⴱ, ⵜⴽⵛⵎ ⴳ ⵓⵙⴰⵜⵉ ⵏ ⵓⵙⴼⵓⴳⵍⵓ ⵏ ⵜⵎⵍⴷⴰ ⵏⵜⵉⵙⵙ ⵎⵔⴰⵡ ⵏ ⵉⵙⵎⵉⵍⵏ ⵏ ⵜⵎⴰⵥⵓⵏⵜ ⵕⴱⴰⵜ ⴰⵎⵎⴰⵙ ⵏ ⵓⵢⴷⴰ ⴰⵎⴰⴹⵍⴰⵏ. 
ⵉⵍⵍⴰ ⴳ  ⵓⵏⵎⵓⵇⵇⴰⵔ   ⵎⴰⵙⵙ  ⵎⵓⵃⵎⵎⴰⴷ ⵎⵀⴷⵉ ⴱⵏ ⵙⵄⵉⴷ, ⴰⵎⴰⵡⴰⵙ ⵏ ⵜⵄⵓⵔⵔⵎⴰ, ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ, ⴷ ⵎⴰⵙⵙ ⴽⴰⵔⵉⵎ ⵀⵉⵏⴷⵉⵍⵉ, ⴰⵏⵎⵀⴰⵍ ⵏ ⵓⵙⵉⵔⴰ ⵏ ⵍⵢⵓⵏⵉⵙⴽⵓ ⵏ ⵜⵙⴳⴰ ⵜⴰⵎⵖⵔⵉⴱⵉⵢⵜ ⴷ ⵡⴰⵏⵖ ⵏ ⵓⵏⵎⵓⴳⴳⴰⵔ, ⵢⴰⵏ ⵓⵎⵡⴰⵊⴱ ⵏ ⵡⴰⵡⴰⵍ ⵅⴼ  ⵡⴰⵜⵉⴳ ⵏ ⵜⵓⵛⵛⵓⵔⵜ ⴷ ⵓⵎⵢⴰⵡⴰⵙ ⵏⵏⴰ ⵉⵣⴷⵉⵏ ⴳⵔ ⵍⵎⵖⵔⵉⴱ ⴷ ⵜⵎⴰⴷⴷⴰⵙⵜ  ⵏ ⵍⵢⵓⵏⵉⵙⴽⵓ “, ⴷ ⵜⵎⵍⴷⴰ ⵏ ⵓⵙⴼⵙⵔ ⵏ ⵜⵎⴰⵎⴽⵉⵏ ⵏ ⵓⵙⵜⴰⵍ ⵏⵏⵙⵏ. ⵓⵍⴰ ⴰⵙⴼⵙⵔ ⵏ ⵜⵣⵎⵎⴰⵔ ⵏⵏⴰ ⵉⵜⵜⴳⴳⴰ ⵍⵎⵖⵔⵉⴱ ⵙ ⵓ  ⵙ ⵜⵏⴰⵔⴰ ⵏ ⴱⴰⴱ ⵏ ⵜⵎⴰⴳⴰⵔⵜ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⵕⴱⴱⵉ ⴰⴷ ⵜ ⵢⴰⴷⴷⵊ, ⴰⴼⴰⴷ ⴰⴷ ⵉⵃⴹⵓ ⴰⵢⴷⴰ ⴷ ⵉⴷⵖⴰⵔⵏ ⵏ ⵜⴰⵢⵙⵉ. 
ⵉⵙⵙⵏⵜⵉ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴷⵜ ⴳ ⵓⵏⵎⵓⴳⴳⴰⵔ ⴰⴷ, ⵅⴼ ⵓⴽⵛⵛⵓⵎ ⵏ ⵜⴳⵍⴷⵉⵜ ⴳ ⵓⵙⴷⵓⵙ ⵏ ⵜⵣⵎⵎⴰⵔ ⵏ ⵡⴰⵏⵙⴰ ⴰⴷ ⵏ ⵜⴰⴳⴳⴰⵢⵉⵏ ⴳ ⵓⵙⵙⵏⵜⵉ ⵏ ⵜⵔⵙⴰⵍ ⵏ ⵍⴰⵎⴰⵏ ⴷ ⵓⴼⵔⴰ ⴷ  ⵜⵎⵢⵉⴷⵉⵔⵜ ⴳⵔ ⵉⴳⴷⵓⴷⵏ, ⵉⵏⵏⴰⵏ ⵎⴰⵙⴷ ⵉⴳⵔⴰⵏ ⵏⵏⴰ ⴳ ⵜⵜ  ⵜⵏⵎⵍⴰⵢⵜ ⵜⴰⴳⴷⵓⴷⴰⵏⵜ, ⴳ ⵉⵅⴼ ⵏⵏⵙⵏⵜ ⴰⵙⵙⴳⵎⵉ ⴷ ⵜⴷⵍⵙⴰ ⴷ ⵜⴰⵢⵙⵉ, ⴷ ⵏⵉⵜⵏⵉ ⴰⴷ ⵉⴳⴰⵏ ⵉⴳⵔⴰⵏ ⵏⵉⵜ ⵍⵍⵉ ⵉⵍⵍⴰⵏ ⴳⵔ ⵜⵖⴰⵡⵙⵉⵡⵉⵏ ⵜⵉⵎⵣⵡⵓⵔⴰ ⵏ ⵜⵏⴱⴰⴹⵜ. 
ⵙⴳ ⵜⵙⴳⴰ ⵏⵏⵙ, ⵜⵙⵏⵉⵎⵎⵔ ⵎⴰⵙⵙⴰ ⵓⴷⵔⵉ  ⴰⵥⵓⵍⴰⵢⵅⴼ ⵓⵡⵇⵇⴰ  ⴷ ⵓⵙⴷⵓⵙ ⵏⵏⴰ ⵉⵜⵜⵓⴼⴽⴰⵏ ⵉ “ⵍⵢⵓⵏⵉⵙⴽⵓ” ⴳ ⵍⵎⵖⵔⵉⴱ, ⵜⴼⴽ ⴰⵙⵏ ⴰⵡⴰⵍ ⴰⴷ ⵣⴷⵏⵜ ⵜⵡⵓⵔⵉⵡⵉⵏ ⴰⴽⴷ ⵜⴳⵍⴷⵉⵜ ⴳ ⴽⵉⴳⴰⵏ ⵏ ⵉⵖⴰⵡⴰⵙⵏ ⵏⵏⴰ ⴳⴳ ⵜⵜ ⵜⵉⵡⵉ. 
ⵉⵍⴰⵇ ⴰⴷ ⵏⴱⴷⵔ ⵎⴰⵙⴷ ⵜⴰⵎⴷⴷⴰⵙⵜ ⵏ “ⵍⵢⵓⵏⵉⵙⴽⵓ” ⵏⵏⴰ ⵉⴹⴼⴰⵕⵏ ⵉ ⵜⴳⴷⵓⴷⵉⵏ ⵜⵉⵏⴰⵎⵓⵏⵉⵏ, ⵜⵙⵙⴽⵔ ⵢⴰⵏ ⵓⵙⵉⵔⴰ  ⵏⵏⵙ ⴳ ⵕⵕⴱⴰⴹ ⴳ ⵓⵙⴳⴳⵯⴰⵙ ⵏ 1991, ⴰⵔ ⵉⴷⴷⴰⵍ ⵇⵇⴰⵃ ⵜⵉⵎⵉⵣⴰⵔ ⵏ ⵜⵎⴰⵣⵖⴰ ⵙ ⵙⵎⵎⵓⵙ.