ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵕⴰⵙ 12 ⴽⵜⵓⴱⵕ 2022
ⵜⴳⴰ ⵜⵏⴱⴰⴹⵜ, ⴰⵙⵙ ⵏ ⵓⴽⵕⴰⵙ 15 ⴳ ⵜⵉⵔⵡⴰⵢⵉⵏ 1444, ⵉⵎⵙⴰⵙⴰⵏ ⴰⴽⴷ 12 ⴽⵜⵓⴱⵕ 2022, ⴰⴳⵔⴰⵡ ⵏ ⵜⵏⴱⴰⴹⵜ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵜⵜⵓⵙⵜⴰⵢⵏ ⵉ ⵓⵙⵎⵏⵉⴷ ⵏ ⵓⵙⴽⴰⵏ ⴰⵏⵉⴳⵔⴰⵏ ⵅⴼ ⵜⵎⴳⴳⵉⵜⵉⵏ ⵏ ⵓⵙⵙⵓⵊⴷ ⵉ ⵓⵙⴽⴰⵔ ⵏ ⵓⵙⵏⴼⴰⵔ ⴰⵣⵔⴼⴰⵏ ⵏ ⵜⵥⵕⴼⵜ ⵏ ⵓⵙⴳⴳⵯⴰⵙ ⵏ 2023, ⴷ ⵉⴱⴷⴷⵉ ⵅⴼ ⵜⵓⴳⴳⵜ ⵏ ⵉⵏⵙⵏⴼⴰⵔⵏ ⵏ ⵉⴹⵕⵉⵚⵏ ⵉⵣⵔⴼⴰⵏⵏ ⴷ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ, ⵎⴰ ⵔⴰⴷ ⵜⵜⵓⵙⴽⴰⵏ ⵣⵣⴰⵜ ⵡⴰⵍⵏ ⵏ ⵓⵙⵇⵇⵉⵎ ⴰⵎⴰⵡⵙⴰⵙ, ⴰⵢⵏⵏⴰ ⵉⵜⵜⴳⵏ:
ⴰⵙⵏⴼⴰⵔ ⵏ ⵓⵣⵔⴼⴰⵏ ⴰⵎⵙⵙⵓⴷⵙ ⵓⵟⵟⵓⵏ 13.22 ⵙ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵣⵔⴼ ⴰⵎⵙⵙⵓⴷⵙ ⵓⵟⵟⵏ 100.13 ⵉⵇⵇⵏ ⵖⵔ ⵓⵙⵇⴰⵎⵓ ⴰⵏⴰⴼⵍⵍⴰ ⵏ ⵜⵏⴱⴰⴹⵜ ⵜⵉⵏⴱⴹⵉⵜ, ⵉⵙⵏⴽⴷ ⵜ ⵎⴰⵙⵙ ⵄⴱⴷⵍⵟⵉⴼ ⵡⵀⴱⵉ, ⴰⵎⴰⵡⵙⴰⵙ ⵏ ⵜⵏⵣⵣⴰⵔⴼⵓⵜ.
ⴰⵙⵏⴼⴰⵔ ⵏ ⵓⵣⵔⴼ ⴰⵎⵙⵙⵓⴷⵙ ⵓⵟⵟⵓⵏ 14.22 ⵙ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵣⵔⴼ ⴰⵎⵙⵙⵓⴷⵙ ⵓⵟⵟⵓⵏ 106.13 ⵉⵇⵇⵏ ⵖⵔ ⵓⵏⴳⵔⴰⵡ ⴰⴷⵙⵍⴰⵏ ⵏ ⵉⵏⴱⴹⴰⵢⵏ, ⵉⵙⵏⴽⴷ ⵜ ⵎⴰⵙⵙ ⵄⴱⴷⵍⵟⵉⴼ ⵡⵀⴱⵉ, ⴰⵎⴰⵡⵙⴰⵙ ⵏ ⵜⵏⵣⵣⴰⵔⴼⵓⵜ.
ⴰⵙⵏⴼⴰⵔ ⵏ ⵓⵣⵔⴼ ⴰⵎⵙⵙⵓⴷⵙ ⵓⵟⵟⵓⵏ 48.22 ⴷ ⵢⵓⵡⵉⵏ ⵅⴼ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵣⵔⴼ ⴰⵎⵙⵙⵓⴷⵙ ⵓⵟⵟⵓⵏ 02.12 ⵉⵇⵇⵏ ⵖⵔ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵜⵙⴽⵔⵉⵡⵜ ⵙ ⵉⵏⴱⴰⴹⵏ ⵏ ⵉⵎⵉⵔⵏ 49 ⴷ 92 ⵏ ⵓⴷⵓⵙⵜⵓⵔ, ⵜⵙⵏⴽⴷ ⵜ ⵎⴰⵙⵙⴰ ⵖⵉⵜⴰ ⵎⵣⵡⴰⵔ, ⵜⴰⵎⴰⵡⵙⴰⵙ ⵜⴰⵎⴰⵔⵉⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵎⴰⵜⵉ ⴰⵎⵓⵟⵟⵓⵏ ⴷ ⵜⵙⵏⴳⴰⴷⴷⴰⵢⵜ ⵏ ⵜⵎⵙⵙⵓⴳⵓⵔⵜ.
ⴰⵙⵏⴼⴰⵔ ⵏ ⵓⵎⵕⵚⵓⵎ ⵓⵟⵟⵓⵏ 2.22.816 ⵙ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⴹⴰⵀⵉⵕ ⵛⵛⴰⵔⵉⴼ ⵓⵟⵟⵏ 1.57.015 ⴷ ⵉⴼⴼⵖⵏ ⴳ 13 ⵏ ⵓⵜⴼⴼⴰⵙ ⵡⵉⵙ ⵙⵉⵏ 1376 (15 ⵉⵏⵏⴰⵢⵔ 1075) ⵙ ⵓⵙⵡⵜⵜⵓ ⵏ ⵜⵖⵔⴰⴷ ⵏ ⵉⵙⵔⴷⴰⵙ ⵉⵜⵜⴰⵎⵥⵏ ⵜⵉⵖⵔⴰⴷ ⵏ ⵡⴰⵢⵢⵓⵔ ⵉⴹⴼⴰⵕⵏ ⵉ ⵜⵖⴰⵍⵉⵏ ⵜⵉⴼⴰⵍⵉⵏ ⵜⵉⴳⵍⴷⴰⵏⵉⵏ, ⵉⵙⵏⴽⴷ ⵜ ⵎⴰⵙⵙ ⵄⴱⴷⵍⵟⵉⴼ ⵍⵡⵉⴷⵉ, ⴰⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵓⵏⵙⵙⵉⵅⴼ ⵏ ⵜⵏⴰⴱⴹⵜ ⵉⵜⵜⵓⵙⵎⴰⴳⵍⵏ ⵙ ⵜⵎⵙⵙⵓⴳⵓⵔⵜ ⵏ ⵓⵎⵣⴰⵖ ⴰⵏⴰⵎⵓⵔ.
ⴰⵙⵏⴼⴰⵔ ⵏ ⵓⵎⵕⵚⵓⵎ ⵓⵟⵟⵓⵏ 2.22.687 ⵙ ⵜⵙⴽⵔⵉⵡⵜ ⵙ ⵓⵣⵔⴼ ⵓⵟⵟⵓⵏ 43.20 ⵉⵇⵇⵏ ⵖⵔ ⵜⵡⵓⵔⵉⵡⵉⵏ ⵏ ⵜⴼⵍⵙⵜ ⴳ ⵜⵎⵓⴳⴳⴰ ⵜⵉⵍⵉⴽⵟⵕⵓⵏⵉⵢⵉⵏ, ⵉⵙⵏⴽⴷ ⵜ ⴰⵍⵜⵓ ⵎⴰⵙⵙ ⵄⴱⴷⵍⵟⵉⴼ ⵍⵡⵉⴷⵉ, ⴰⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵓⵏⵙⵙⵉⵅⴼ ⵏ ⵜⵏⴰⴱⴹⵜ ⵉⵜⵜⵓⵙⵎⴰⴳⵍⵏ ⵙ ⵜⵎⵙⵙⵓⴳⵓⵔⵜ ⵏ ⵓⵎⵣⴰⵖ ⴰⵏⴰⵎⵓⵔ.
ⴰⵙⵉⵡⴹ ⴰⵏⵖⵎⴰⵙ (ⵜⵓⵏⵖⵉⵍⵜ ⵙ ⵜⵄⵕⴰⴱⵜ) ⴳ ⵜⵓⴹⴼⵉⵕⵉⵏ
ⵉⵎⵎⴰⵜⵜⵉ ⵓⵙⵇⵇⵉⵎ ⵏ ⵜⵏⴱⴰⴹⵜ ⵖⵔ ⵉⴱⴷⴷⵉ ⵅⴼ ⵜⵓⴳⵜ ⵏ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ, ⵉⵙⵏⴽⴷ ⵜⵏⵜ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉⵢ ⴷ ⵉⵎⵖⵔⴰⴱⵉⵢⵏ ⵉⵍⵍⴰⵏ ⴱⵕⵕⴰ, ⴰⵢⵏⵏⴰ ⵉⵜⵜⴳⵏ:
ⴰⵎⵛⴰⵛⴽⴰ ⵅⴼ ⵜⵡⵓⵔⵉⵡⵉⵏ ⵏ ⵢⵉⴳⵏⵏⴰⵏⴳⵔ ⵜⵏⴰⴱⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵏⴱⴰⴹⵜ ⵏ ⵜⴳⴷⵓⴷⴰ ⵏ ⵕⵕⴰⵙ ⵍⴰⵅⴹⴰⵕ, ⵉⵜⵜⵓⵙⴳⵎⴹⵏ ⴳ ⴷⴷⴰⵅⵍⴰ ⴳ 31 ⵖⵓⵛⵜ 2022? ⴷ ⵓⵙⵏⴼⴰⵔ ⴰⵣⵔⴼⴰⵏ ⵓⵟⵟⵓⵏ 49.22 ⵉⵎⵙⴰⵙⵏ ⵅⴼ ⵓⵎⵢⴰⵇⵇⴰⵏ ⵉⵜⵜⵓⴱⴷⴰⵔⵏ.
ⵜⴰⵎⵢⴰⵇⵇⴰⵏⵜ ⵜⴰⵙⵓⵜⴰⵢⵜ ⵏ ⵓⵎⵢⴰⵡⴰⵙ ⴳ ⵢⵉⴳⵔⴰ ⵏ ⵉⵙⵎⵔⵙⵏ ⵉⵏⴳⵔⴰⵢⵏ ⵏ ⵜⵣⵎⵔⵜ ⵜⴰⴱⵍⴽⵉⵎⵜ ⵏⴳⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵏⴱⴰⴹⵜ ⵏ ⵜⴳⵍⴷⵉⵜ ⵜⴰⵄⵕⴰⴱⵜ ⵜⴰⵙⴰⵄⵓⴷⵉⵜ, ⵉⵜⵜⵓⵙⴳⵎⴹⵏ ⴳ ⵕⵕⵢⴰⴹ 9 ⵎⴰⵢⵢⵓ 2022.
ⵜⴰⵎⵢⴰⵇⵇⴰⵏⵜ ⵏ ⵜⵙⵇⵇⵉⵎⵜ ⵜⴰⵡⴼⵔⵉⵇⵉⵢⵜ ⵏ ⵜⵣⵎⵔⵜ, ⵉⵜⵜⵓⵙⵖⵣⵏ ⴳ ⵍⵓⵙⴽⴰ(ⵥⴰⵎⴱⵢⴰ) ⴳ 11 ⵢⵓⵍⵢⵓ 2001. ⴷ ⵓⵙⵏⴼⴰⵔ ⴰⵣⵔⴼⴰⵏ ⵓⵟⵟⵓⵏ 17.22 ⴷ ⵢⵓⵡⵉⵏ ⵅⴼ ⵓⵎⵙⴰⵙ ⵏ ⵜⵎⵢⴰⵇⵇⴰⵏⵜ ⵉⵜⵜⵓⴱⴷⴰⵔⵏ.
ⵜⴰⵎⵢⴰⵇⵇⴰⵏⵜ ⵜⴰⵄⵕⴰⴱⵜ ⵉ ⵓⵙⵏⵎⴰⵍⴰ ⵏ ⵡⴰⵙⵙⴰⵢ ⵏ ⵉⵎⵏⴰⵢⵏ ⵅⴼ ⵉⴱⵔⴷⴰⵏ ⵏⴳⵔ ⵜⵎⵉⵣⴰⵔ ⵏ ⵡⴰⵄⵕⴰⴱⵏ, ⵉⵜⵓⵙⵖⵣⵏ ⴳ ⵍⵇⴰⵀⵉⵔⴰ ⴳ 6 ⵛⵓⵜⴰⵏⴱⵉⵔ 2006. ⴷ ⵓⵙⵏⴼⴰⵔ ⴰⵣⵔⴼⴰⵏ ⵓⵟⵟⵓⵏ 45.22ⴷ ⵢⵓⵡⵉⵏ ⵅⴼ ⵓⵎⵙⴰⵙⴰ ⵏ ⵜⵎⵢⴰⵇⵇⴰⵏⵜ ⵉⵜⵜⵓⴱⴷⴰⵔⵏ.
ⴰⵎⵛⴰⵛⴽⴰ ⵏ ⵓⵙⵇⵇⵉⵎ ⵏⴳⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵙⵏⵓⵔⴰⵢⵜ ⵜⴰⵙⴷⴰⵡⴰⵏⵜ ⵜⴰⴼⵕⴰⵏⴽⵓⴼⵓⵏⵉⵜ ⵅⴼ ⵜⵉⴳⴳⵉ ⵏ ⵓⵙⵖⵉⵎ ⵏ ⵜⴳⴰⴷⵉⵎⵉⵜ ⵜⴰⴳⵔⴰⵖⵍⴰⵏⵜ ⵜⴰⴼⵕⴰⵏⴽⵓⴼⵓⵏⵉⵜ ⵜⴰⵎⴰⵙⵙⴰⵏⵜ ⴳ ⵍⵎⵖⵔⵉⴱ, ⵉⵜⵜⵓⵙⴳⵎⴹⵏ ⴳ ⵕⵕⴱⴰⵟ ⴳ 28 ⵎⴰⵢⵢⵓ 2022. ⴷ ⵓⵙⵏⴼⴰⵔ ⴰⵣⵔⴼⴰⵏ ⵓⵟⵟⵓⵏ 36.22 ⴷ ⵢⵓⵡⵉⵏ ⵅⴼ ⵓⵎⵙⴰⵙⴰ ⵉⵜⵜⵓⴱⴷⴰⵔⵏ.
