ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ “ ⵏⵓⵡⴰⵏⵏⴱⵉⵔ 2022
ⵜⴳⴰ ⵜⵏⴱⴰⴹⵜ, ⴰⵙⵙ ⵏ ⵓⴽⵡⴰⵙ 8 ⴳ ⵉⵏⴹⵕ ⵏ ⵜⵔⵡⴰⵢⵉⵏ 1444, ⵉⵎⵙⴰⵙⴰⵏ ⴰⴽⴷ 03 ⵏⵓⵡⴰⵏⵏⴱⵉⵔ 2022, ⴰⴳⵔⴰⵡ ⵏ ⵜⵏⴱⴰⴹⵜ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵜⵜⵓⵙⵜⴰⵢⵏ ⵉ ⵓⵙⵎⵏⵉⴷ ⵏ ⵉⵙⴽⴰⵏ ⵉⵏⴰⴳⵔⴰⵏ, ⴰⵎⵣⵡⴰⵔⵓ ⵉⵇⵇⵏ ⵖⵔ ⵉⵎⴰⵢⵏⵓⵜⵏ ⵏ ⵓⵙⵏⴼⴰⵔ ⴰⵣⵔⴼⴰⵏ ⵜⴰⵍⴳⴰⵎⵜ ⵜⴰⵖⵔⵎⴰⵏⵜ, ⵡⵉⵙ ⵙⵉⵏ ⵅⴼ ⵓⵙⵓⴳⴳⵣ ⵏ ⵓⵙⴰⵡⵔ ⵏ ⵓⵙⵖⵓⴷⵓ ⵏ ⵓⵏⴰⴳⵔⴰⵡ ⴰⴷⵓⵙⴰⵏ ⴰⵏⴰⵎⵓⵔ, ⵡⵉⵙ ⴽⵕⴰⴹ ⵅⴼ ⵓⵙⵔⵇⵇⴱ ⵅⴼ ⵜⴷⴰⵎⵙⴰ ⴳ ⵢⵉⴳⵔ ⵏ ⵜⵣⵎⵔⵜ; ⴷ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵙⵖⵣⵏ ⵅⴼ ⵜⵓⴳⴳⵜ ⵏ ⵉⵙⵏⴼⴰⵔⵏ ⵏ ⵉⴹⵕⵉⵚⵏ ⵉⵣⵔⴼⴰⵏⵏ, ⴷ ⵉⴱⴷⴷⵉ ⵅⴼ ⵓⵎⵢⴰⵇⵇⴰⵏ ⴰⴳⵔⴰⵖⵍⴰⵏ, ⴷ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⴷ ⵢⵓⵙⵏ ⴳ ⵢⵉⵎⵉⵔ 92 ⴳ ⵓⴷⵓⵙⵜⵓⵔ.
ⴰⵙⵉⵡⴹ ⴰⵏⵖⵎⴰⵙ (ⵜⵓⵏⵖⵉⵍⵜ ⵙ ⵜⵄⵕⴰⴱⵜ) ⴳ ⵜⵓⴹⴼⵉⵕⵉⵏ
- ⵉⵎⵎⴰⵜⵜⵢ ⵓⵙⵇⵇⵉⵎ ⵏ ⵜⵏⴱⴰⴹⵜ ⵖⵔ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵙⵖⵣⵏ ⵅⴼ ⵓⵙⵏⴼⴰⵔ ⴰⵣⵔⴼⴰⵏ ⵓⵟⵟⵓⵏ 40.22 ⵉⵇⵇⵏ ⵖⵔ ⵓⵙⵡⵜⵜⵓ ⵏ ⵎⵛⵜⴰ ⵏ ⵉⵎⵏⵏⵉⵥⴹⵏ ⵉⵙⵉⵎⴰⵏⵏⴷ ⵜⴼⴰⴷⵉⵡⵉⵏ ⴷ ⵜⵍⴳⴰⵎⵜ ⵏ ⵓⵙⵎⵎⴰⵍ ⵏⵏⵙⵏ ⴳ ⵉⵎⴰⵙⵙⵏ ⵓⵎⵙⴰⵡⴰⴹ ⵏ ⵜⵎⵙⵙⵜⵉⵜⵉⵏ ⵜⵉⴳⴷⵓⴷⴰⵏⵉⵏ, ⵜⵙⵏⴽⴷ ⵜ ⵎⴰⵙⵙⴰ ⵏⴰⴷⵉⵢⴰ ⴼⵜⵜⴰⵃ, ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ.
- ⴷⴼⴼⵔ ⵎⴰⵏ ⴰⵢⵏⵏⵉ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.778 ⵙ ⵓⵙⵏⴼⵍ ⵏ ⵓⴹⴰⵀⵉⵕ ⵛⵛⴰⵔⵉⴼ ⵓⵟⵟⵓⵏ 1.63.038 ⴷ ⵉⴼⴼⵖⵏ ⴳ 5 ⵉⵙⵡⵉ 1382 (ⴰⵎⵣⵡⴰⵔⵓ ⵏ ⵎⴰⵕⵚ 196) ⵅⴼ ⵓⵏⴰⴳⵔⴰⵡ ⴰⴷⵙⵍⴰⵏ ⵓⵙⵍⵉⴳ ⵏ ⵉⵎⵏⵏⵓⵥⴹⵏ ⴳ ⵜⵎⴰⵡⴰⵙⵜ ⵜⴰⴳⵯⵏⵙⴰⵏⵜ, ⵉⵙⵏⴽⴷ ⵜ ⵎⴰⵙⵙ ⵄⴱⴷⵍⵡⴰⴼⵉ ⵍⴼⵜⵉⵜ, ⴰⵎⴰⵡⵙⴰⵙ ⵏ ⵜⴳⵯⵏⵙⴰⵏⵜ.
- ⵉⵙⵙⵓⴷⵓ ⵓⵙⵇⵇⵉⵎ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.630 ⵙ ⵓⵙⵡⵜⵜⵓ ⵏ ⵏ ⵜⴼⴰⴷⵡⵉⵏ ⵏ ⵓⵙⵎⵔⵙ ⵏ ⵡⴰⵍⵍⴰⵏ ⴷ ⵉⵎⴰⵙⵙⵏ ⵍⵍⵉ ⵉⵥⴹⴰⵕⵏ ⴰⴷ ⵉⵙⵙⵉⵖ ⵜⴰⴷⵓⵙⵉ ⵏ ⵜⵉⴳⴳⵉ ⵏⵖ ⵜⵓⵡⵉ ⴰⴼⴰⵔⴰ ⵏⵏⵙⵏ ⵖⵔ ⵉⵎⵉⵣⵉ, ⵉⵙⵏⴽⴷ ⵜ ⵎⴰⵙⵙ ⵢⵓⵏⵙ ⵙⵙⴽⵓⵔⵉ ⵓⴱⵃⵙⵓ, ⴰⵎⴰⵡⵙⴰⵙ ⵏ ⵓⵙⵉⴷⴼ ⴰⴷⵎⵙⴰⵏ ⴷ ⵜⵎⵙⵙⵏⵜⵉⵜⵉⵏ ⵜⵉⵎⵥⵥⵢⴰⵏⵉⵏ ⴷ ⵓⵙⵡⵓⵔⵉ ⴷ ⵜⵣⵎⵎⴰⵔ.
ⵉⵔⴳⵍ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵎⴷⵉⵡⴰⵍ ⴷ ⵓⵙⵖⵣⵏ ⵅⴼ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⵉⵎⵙⴰⵙⴰⵏ ⴷ ⵉⵎⵉⵔ 92 ⴳ ⵓⴷⵓⵙⵜⵓⵔ.
- ⴳ ⵜⵎⴰⵡⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ,ⵉⵜⵜⵓⵙⵎⴰⵍ:
- ⵎⴰⵙⵙ ⵄⴱⴷⵍⵟⵉⴼ ⵍⵄⵎⵕⴰⵏⵉ, ⴷ ⴰⵏⵎⵀⴰⵍ ⴰⵎⴰⵜⴰⵢ ⵉ ⵜⵎⵙⵙⵓⴳⵓⵔⵜ ⵏ ⵜⴷⵉⵡⴰⵏⵉⵜ ⴷ ⵉⵔⴳⴰⵢⵏ ⴰⵔⵓⵙⵔⵉⴷⵏ;
- ⵎⴰⵙⵙ ⵏⴰⴱⵉⵍ ⵍⵅⴹⵕ, ⴷ ⴰⵎⴰⵔⵉ ⴰⵎⴰⵜⴰⵢ ⵉ ⵜⵎⴰⵡⴰⵙⵜ ⵏ ⵜⴷⵎⵙⴰ ⴷ ⵜⵥⵕⴼⵜ ;
- ⵎⴰⵙⵙ ⵢⵓⵏⵙ ⵉⴷⵔⵉⵙⵉ ⵇⵉⵟⵓⵏⵉ, ⴷ ⴰⵏⵎⵀⴰⵍ ⴰⵎⴰⵜⴰⵢ ⵉ ⵉⵔⴳⴰⵢⵏ.
- ⴳ ⵜⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴳⵯⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ- ⵉⴳⵔ ⵏ ⵜⴼⵍⵍⴰⵃⵜ, ⵉⵜⵜⵓⵙⵎⴰⵍ:
- ⵎⴰⵙⵙ ⵍⵎⵀⴷⵉ ⵔⵔⵉⴼⵉ, ⴷ ⴰⵏⵎⵀⴰⵍ ⴰⵎⴰⵜⴰⵢ ⵉ ⵜⵙⵏⵓⵔⴰⵢⵜ ⵏ ⵜⴳⵎⵉ ⵜⴰⵏⴼⵍⴰⵃⵜ;
- ⵎⴰⵙⵙ ⴱⵉⵍⴰⵍ ⵃⵊⵓⵊⵉ, ⴷ ⴰⵏⵎⵀⴰⵍ ⵉ ⵓⵙⵍⵎⴷ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ.
- ⴳ ⵜⵎⴰⵡⴰⵙⵜ ⵏ ⵜⴰⵎⴰⵍⴰⵍⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴰⴱⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵙⵙⴰⵔⵓ ⴷ ⵜⵎⵙⵙⴰⴳⵔⵜ ⴷ ⵓⵙⵜⴰⵍ ⵏ ⵜⵙⵔⵜⴰⵢ ⵏⵜⵉⴳⴷⵓⴷⴰⵏⵉⵏ , ⵉⵜⵜⵓⵙⵎⴰⵍ:
- ⵎⴰⵙⵙ ⵍⵖⴰⵍⵉ ⵚⵚⵇⵍⵍⵉ, ⴷ ⴰⵏⵎⵀⴰⵍ ⵉ ⵓⵙⵙⴰⵔⵓ ⴷ ⵓⵏⵣⵡⵉ ⵏ ⵜⵡⵓⵔⵉⵡⵉⵏ;
- ⵎⴰⵙⵙ ⵣⴰⴽⴰⵔⵉⵢⴰ ⴼⵕⵃⴰⵜ, ⴷ ⴰⵏⵎⵀⴰⵍ ⵏ ⵓⵎⵢⴰⵡⴰⴹ ⴷ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴷ ⵜⵎⵢⴰⵇⵇⴰⵏⵉⵏ;
- ⴳ ⵜⵎⴰⵡⴰⵙⵜ ⵏ ⵓⵎⴰⵡⴰ ⴷ ⵡⴰⵎⴰⵏ, ⵉⵜⵜⵓⵙⵎⴰⴳⵍ:
- ⵎⴰⵙⵙ ⵄⴱⴷⵎⴽⴱⵉⵔ ⵣⵀⵓⴷ, ⴷ ⴰⵏⵎⵀⴰⵍ ⴰⵎⴰⵜⴰⵢ ⵉ ⵜⵎⵎⵙⵏⵜⵉⵜ ⵜⴰⵏⴰⵎⵓⵔⵜ ⵏ ⵜⵖⵓⵔⵉⵡⵉⵏ ⵏ ⵉⵎⵉ ⵏ ⵊⴰⴱⴰⵍ ⵟⴰⵕⵉⵇ.
