ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ ⴰⵎⵣⵡⴰⵔⵓ ⵏ ⴷⵓⵊⴰⵏⴱⵉⵔ 2022

ⴷⴷⴼⵔ ⵏ ⵓⵢⵏⵏⴰ, ⵉⵎⵔⴰⵔⴰ  ⵓⵙⵇⵇⵉⵎ  ⵏ ⵜⵏⴱⴰⴹⵜ ⴰⵡⴰⵍ ⵅⴼ ⵙⵎⵎⵓⵙ ⵏ ⵉⵙⵏⴼⴰⵔⵏ ⵉⵣⵔⴼⴰⵏⵏ, ⵉⵙⵏⴽⴷ ⵜⵏ ⵎⴰⵙⵙ ⵅⴰⵍⵉⴷ ⴰⵢⵜ ⵟⵟⴰⵍⴱ, ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ, ⴳ ⵎⵉⵏ ⵉⵇⵇⵏ ⵖⵔ:

• ⴰⵙⵏⴼⴰⵔ ⴰⵣⵔⴼⴰⵏ ⵓⵟⵟⵓⵏ 07.22 ⵉⵇⵇⵏ ⴷ ⵜⵙⴽⵔⵉⵡⵜ ⵏ ⵜⴳⵔⴰⵡⵜ ⵜⴰⵏⴰⴼⵍⵍⴰⵜ ⵏ ⵜⴷⵓⵙⵉ, ⵍⵍⵉ ⵢⴰⵎⵓⵏ ⴳ ⵓⵙⴰⵜⵉ ⵏ ⵜⵉⴳⴳⵉ ⵏ ⵉⵙⵡⴰⵍⴰⵜⵏ ⵉⴳⵍⴷⴰⵏⵏ ⵉⵎⴰⵜⵜⴰⵢⵏ ⵉⵙⵙⵓⵜⵓⵔⵏ ⴳ ⵢⵉⵍⵙ ⵉ ⵓⵔⴰⵄⴰ ⴳ ⵜⵏⴰⴳⵔⴰⵡⵜ ⵜⴰⴷⵓⵙⴰⵏⵜ,  ⵙ ⵓⵙⵎⵀⵍ ⵏ ⵏ ⵡⴰⵏⵏⴰⵍⵏ ⵏ ⵓⵙⵖⵓⴷⵓ ⵏ ⵓⵏⴰⴳⵔⴰⵡ ⴰⴷⵓⵙⴰⵏ ⴰⵎⵍⵖⵓ, ⵙⵍⴰⵡⴰⵏ ⴰⴽⴽⵯ ⵜⴰⵏⵏⴰⵍⵜ ⵉⵇⵇⵏ ⵖⵔ ⵓⵏⴰⴱⴹ, ⵙ ⵓⵎⵙⴰⵙⴰ ⴷ ⵎⵉⵏ ⴷ ⵜⵓⵡⵉ ⵜⵎⵜⵜⴰ 32 ⵙⴳ ⵓⵣⵔⴼ-ⴰⵙⴰⵜⴰⵢ ⵓⵟⵟⵓⵏ 06.22 ⵉⵇⵇⵏ ⵖⵔ ⵓⵏⴳⵔⴰⵡ ⴰⴷⵓⵙⴰⵏ ⴰⵏⴰⵎⵓⵔ. 
• ⴰⵙⵏⴼⴰⵔ ⴰⵣⵔⴼⴰⵏ ⵓⵟⵟⵓⵏ 08.22 ⵉⵇⵇⵏ ⵖⵔ ⵜⵙⴽⵔⵉⵡⵜ ⵏ ⵜⴳⵔⴰⵡⵉⵏ ⵜⵉⴷⵓⵙⴰⵏⵉⵏ ⵜⵉⵏⴰⵎⵓⵔⵉⵏ, ⵏⵏⴰ ⵢⴰⵎⵓⵏ ⴳ ⵓⵙⴰⵜⵉ ⵏ ⵓⵙⵎⵀⵍ ⵏ ⵉⵙⴱⴷⴰⴷⵏ ⵏ ⵜⵎⵜⵜⴰ 32 ⵙⴳ ⵓⵣⵔⴼⴰ-ⴰⵙⴰⵜⴰⵢ  ⵓⵟⵟⵓⵏ 06.22 ⵉⵇⵇⵏ ⵖⵔ ⵓⵏⴳⵔⴰⵡ ⴰⴷⵓⵙⴰⵏ ⴰⵏⴰⵎⵓⵔ.
• ⴰⵙⵏⴼⴰⵔ ⴰⵣⵔⴼⴰⵏ ⵓⵟⵟⵓⵏ 09.22 ⵉⵇⵇⵏ ⵖⵔ ⵉⵙⴱⴷⴰⴷⵏ ⵉⴷⵙⵍⴰⵏ ⵉⵜⵜⵓⴼⴽⴰⵏ ⵉ ⵉⵙⵓⴳⴰⵎⵏ ⵉⵏⴰⴼⴳⴰⵏⵏ ⴳ ⵜⵙⵖⴰⵏⵜ ⵜⴰⴷⵓⵙⴰⵏⵜ, ⵏⵏⴰ ⵢⴰⵎⵓⵏ ⴳ ⵓⵙⴰⵜⴰⵢ ⵏ ⵓⵙⵎⵀⵎⵍ ⵏ ⵉⵙⴱⴷⴰⴷⵏ ⵏ ⵜⵎⵜⵜⴰ 23 ⵙⴳ ⵓⵣⵔⴼⴰ-ⴰⵙⴰⵜⴰⵢ ⵓⵟⵟⵓⵏ 06.22 ⵉⵇⵇⵏ ⵖⵔ ⵓⵏⴳⵔⴰⵡ ⴰⴷⵓⵙⴰⵏ ⴰⵏⴰⵎⵓⵔ.
• ⴰⵙⵏⴼⴰⵔ ⴰⵣⵔⴼⴰⵏ ⵓⵟⵟⵓⵏ 10.22 ⵉⵇⵇⵏ ⵖⵔ ⵜⵙⴽⵔⵉⵡⵜ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⵙⴰⴼⴰⵔⵏ ⴷ ⵜⵢⴰⴼⵓⵜⵉⵏ ⵜⵉⴷⵓⵙⴰⵏⵉⵏ, ⵏⵏⵉ ⵢⴰⵎⵓⵏ ⴷⴳ ⵓⵙⴰⵜⴰⵢ ⵏ ⵓⵙⵎⵀⵍ ⵏ ⵉⵙⴱⴷⴰⴷⵏ ⵏ ⵜⵎⵟⵟⴰ 32 ⵙⴳ ⵓⵣⵔⴼ- ⴰⵙⴰⵜⴰⵢ ⵓⵟⵟⵓⵏ 06.22 ⵉⵇⵇⵏ ⴰⴽⴷ ⵓⵏⴰⴳⵔⴰⵡ ⴰⴷⵓⵙⴰⵏ ⴰⵏⴰⵎⵓⵔ.
• ⴰⵙⵏⴼⴰⵔⴰⵣⵔⴼⴰⵏ ⵓⵟⵟⵓⵏ 11.22 ⵉⵇⵇⵏ ⵖⵔ ⵜⵙⴽⵔⵉⵡⵜ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵢⵜ ⵏⵉ ⵉⴷⴰⵎⵎⵏ ⴷ ⵜⴰⵏⴰⴼⵓⵖⵉⵏ ⵏⵏⵙⵏ, ⵍⵍⵉ ⵢⴰⵎⵓⵏ ⴳ ⵓⵙⴰⵜⵉ ⵏ ⵓⵙⵎⵀⵍ ⵏ ⵉⵙⴱⴷⴰⴷⵏ ⵏ ⵜⵎⵜⵜⴰ 32 ⵙⴳ ⵓⵣⵔⴼ-ⴰⵙⴰⵜⴰⵢ ⵓⵟⵟⵓⵏ 06.22 ⵉⵇⵇⵏ ⵖⵔ ⵓⵏⴰⴳⵔⴰⵡ ⴰⴷⵓⵙⴰⵏ ⴰⵏⴰⵎⵓⵔ.
• ⴷⴼⴼⵔ ⵎⴰⵏ ⴰⵢⵏⵏⵉ, ⵉⵎⵔⴰⵔⴰ  ⵓⵙⵇⵇⵉⵎ  ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.964  ⵏ ⵓⵙⵎⵎⴰⵍ ⵏ ⵉⴳⵏⵙⴰⵙ ⵏ ⵓⵡⴰⵏⴽ ⴳ  ⵓⵙⵇⵇⵉⵎ  ⵏ ⵓⵙⵙⵓⴷⴷⵓ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵓⵙⵡⵓⴷⴷⵓ ⴰⵙⵜⵕⴰⵜⵉⵊⵉⵢ ⵏ ⵜⵉⵛⵛⵓⵔⴽⴰ ⵏ ⵓⵡⴰⵏⴽ ⴷ ⵓⴹⴼⵓⵕ ⵏ ⵜⵖⵓⴷⵉ ⵏ ⵓⵙⵙⵓⴷⵓ ⵏ ⵜⵎⵔⵙⴰⵍ ⴷ ⵜⵎⵙⵙⵏⵜⵉⵜⵉⵏ ⵜⵉⴳⴷⵓⴷⴰⵏⵉⵏ , ⵜⵙⵏⴽⴷ ⵜ ⵎⴰⵙⵙⴰ ⵏⴰⴷⵉⵢⴰ ⴼⵜⵜⴰⵃ, ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ. 
   

ⵉⵔⴳⵍ  ⵓⵙⵇⵇⵉⵎ  ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵎⴷⵉⵡⴰⵍ ⴷ ⵓⵙⵖⵣⵏ ⵅⴼ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⵉⵎⵙⴰⵙⴰⵏ ⴷ ⵉⵎⵉⵔ 92 ⴳ ⵓⴷⵓⵙⵜⵓⵔ.

• ⴳ ⵜⵎⴰⵡⴰⵙⵜ ⵏ ⵜⵏⵣⵣⴰⵔⴼⵓⵜ ⵉⵜⵜⵓⵙⴰⵎⵍ: 
  • ⵎⴰⵙⵙ ⵄⴱⴷⵕⵕⴰⵃⵉⵎ ⵎⵉⵢⴰⴷ, ⴷ ⴰⵎⴰⵔⵉ ⴰⵎⴰⵜⴰⵢ;
• ⴳⵜⵎⴰⵡⴰⵙⵜ ⵏ ⵓⵎⴰⵡⴰ ⴷ ⵡⴰⵎⴰⵏ, ⵜⴻⵜⵜⵓⵙⵎⴰⵍ:
  • ⵎⴰⵙⵙⴰ ⵏⴰⵕⵊⵉⵙ ⵍⵄⵎⴰⵕⵜⵉ ⵙⵓⴼⵢⴰⵏ, ⴷ ⵜⴰⵏⵎⵀⴰⵍⵜ ⵉ ⵜⵙⵏⵓⵔⴰⵢⵜ ⵏ ⵓⴳⵍⵎⴰⵎ ⵏ ⵡⴰⵎⴰⵏ ⵏ ⵎⵍⵡⵉⵢⴰ;
• ⴳ ⵜⵎⴰⵡⴰⵙⵜ ⵏ ⵓⵙⵎⵓⵜⵜⴳ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵥⴽⴰⵡ ⴷ ⵜⵣⴷⵓⵖⵜ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ- ⵉⴳⵔ ⵏ ⵜⵣⴷⵓⵖⵜ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ, ⵜⴻⵜⵜⵓⵙⵎⴰⵍ: 
  • ⵎⴰⵙⵙⴰ ⵚⴰⴼⴰ ⴱⵓⵎⵕⴰⵃ, ⴷ ⵜⴰⵏⵎⵀⴰⵍⵜ ⵉ ⵉⵙⵓⴳⴰⵎⵏ ⵉⵏⴰⴼⴳⴰⵏⵏ ⴷ ⵜⵖⴰⵡⵙⵉⵡⵉⵏ ⵜⵉⵥⵕⴼⴰⵏⵉⵏ ⴷ ⵜⴰⵎⴰⵜⴰⵢⵉⵏ;
• ⴳ ⵜⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴳⵯⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ, ⵉⵜⵜⵓⵙⵎⴰⵍ:
  • ⵎⴰⵙⵙ ⵊⴰⵎⴰⵍ ⵎⵉⵎⵓⵏⵉ, ⴷ ⴰⵏⵎⵀⴰⵍ ⵉ ⵓⵙⵉⵔⴰ ⴰⵏⵎⵏⴰⴹ ⵏ ⵓⵙⵙⴰⵔⵓ ⴰⵏⴼⵍⴰⵃ ⵏ ⵜⴼⵉⵍⴰⵍⵜ;
• ⴳ ⵜⵎⴰⵡⴰⵙⵜ ⵏ ⵜⵎⴳⵓⵔⵉ  ⴷ ⵜⵙⴱⴱⴰⴱⵜ, ⵉⵜⵜⵓⵙⵎⴰⵍ: 
  • ⵎⴰⵙⵙ ⴰⴳⵔⵔⴰⵎ ⵄⴰⵍⴰⵡⵉ, ⴷ ⴰⵏⵎⵀⴰⵍ ⵏ ⵜⵓⵚⴽⴰⵡⵉⵏ ⵜⵉⵏⴰⴷⴷⴰⵡⵉⵏ ⵜⵉⵎⵓⴳⵔⴰⵏⵉⵏ ⴷ ⵜⵙⴱⴱⴰⴱⵜ ⴷ ⵜⵜⵉⴽⵏⵓⵍⵓⵊⵉⵜ ⴷ ⵓⵔⵣⵣⵓ ⴷ ⵓⵙⴱⵓⵖⵍⵓ;
• ⴳ ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⵏⴰⵏ ⴷ ⵓⵙⵏⴼⵍⵓⵍ,ⵉⵜⵜⵓⵙⵎⴰⵍ:
  • ⵎⴰⵙⵙ ⵎⵚⵟⴰⴼⴰ ⴰⴱⵓ ⵎⵄⵕⵓⴼ , ⴷ ⴰⵏⵙⵙⵉⵅⴼ ⵉ ⵜⵙⴷⴰⵡⵉⵜ ⵏ ⵚⵚⵓⵍⵟⴰⵏ ⵎⵓⵍⴰⵢ ⵙⵎⴰⵄⵉⵍ ⴳ ⴰⵢⵜ ⵎⵍⵍⴰⵍ;
• ⴳ ⵜⵎⴰⵡⴰⵙⵜ ⵏ ⵓⵎⵎⴰⵜⵉ ⴰⵣⵎⵔⴰⵏ ⴷ ⵜⴳⵎⵉ ⵜⴰⵙⵓⵍⴰⵏⵜ, ⵉⵜⵜⵓⵙⵎⴰⵍ: 
  • ⵎⴰⵙⵙ ⵄⵓⵎⴰⵕ ⵓⵙⵙⵓⵄⴷⵉ, ⴷ ⴰⵏⵎⵀⴰⵍ ⵉ ⵜⵉⵏⵎⵍ ⵜⴰⵏⴰⵎⵓⵔⵜ ⵜⴰⵏⴰⴼⵍⵍⴰⵜ ⵏ ⵉⵎⵖⵓⵣⵏ ⴳ ⵕⵕⴱⴰⵟ;