ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⴱⴷⴷⴰ ⵅⴼ ⵓⵙⴳⵎⴹ ⵏ ⵜⵎⴰⵇⵇⴰⵏⵜ ⵏ ⵜⵏⴱⴰⴹⵜ ⴷ ⵜⵏⴰⵎⵎⴰⵙⵉⵏ ⵉⵏⵎⵎⴰⵍⴰⵜⵉⵏ ⵏ ⵓⵙⵍⵎⴷ ⵏⵏⴰ ⴷⴰⵔ ⵜⵓⴳⴳⵜ ⴳ ⵓⵙⵎⴷⵢⴰ
- ⵢⴰⵜ ⵜⵔⵙⵍⵜ ⵜⴰⴳⵊⴷⴰⵏⵜ ⴳ ⵓⵖⵔⴰⵙ ⵏ ⵓⵙⵎⵀⵍ ⵏ ⵜⴽⵕⴹⴰ ⵏ ⵓⴱⵔⵉⴷ ⵏ ⵓⵙⵖⵓⴷⵓ ⵏ ⵜⵉⵏⵎⴰⵍ ⵜⵉⴳⴷⵓⴷⴰⵏⵉⵏ 2022-2026 ⵉⵎⵙⴰⵙⴰⵏ ⴰⴽⴷ ⵜⵉⵔⵉⵜ ⵜⴳⵍⴷⴰⵏⵜ ⵢⴰⵜⵜⵓⵢⵏ ⴷ ⵓⵎⴳⴳⴰⵎ ⵏ ⵜⴰⵡⵊⵉⵡⵉⵏ ⵜⵉⵎⵖⵔⵉⴱⵉⵢⵉⵏ,
- ⴰⵙⴳⴰⵡ ⴰⴳⵊⴷⴰⵏ ⵉⵎⵓⵏⵏ ⵏⵏⴰ ⵉⵍⵍⴰⵏ ⵅⴼ ⵇⵇⴰⵃ ⵉⵏⵎⵓⵔⴰ ⵏ ⵢⵉⴳⵔ, ⵉⵙⵙⵔⵙⵍ ⵜⵉⴽⴽⵍⵜ ⵏⵏⵙ ⵜⴰⵎⵣⵡⴰⵔⵓⵜ ⵉ ⵉⵡⵜⵜⴰⵙⵏ ⵏ ⵓⵙⵖⵓⴷⵓ ⵏ ⵜⵉⵕⵡⵉ ⵏ ⵢⵉⴳⵔ ⵏ ⵓⵙⵍⵎⴷ ⴷ ⵢⵉⵙⵢ ⵙⴳ ⵡⴼⵓⵍⴽⵉ ⵏ ⵜⴰⵣⵣⵓⵍⵜ ⵏ ⵓⵙⵍⵎⴷ ,
- ⴰⴽⴰⵎ ⵏ ⵉⵎⵙⵖⴰⵏⵏ ⵏ ⵢⵉⴳⵔ ⵏ ⵓⵙⵍⵎⴷ ⴳ ⵜⵖⴰⵔⴰⵙⵜ ⵏⵏⵙ ⵜⴰⵣⵣⵓⵍⴰⵏⵜ, ⵙⵙⵓⴼⵓⵏ ⵙ ⵉⵙⵖⴰⵏⵏ ⵓⵏⵏⴱⵉⴹⵏ ⴳ ⵓⵙⵖⵓⴷⵓ ⵏ ⵜⵉⵏⵎⵍ ⵜⴰⵎⵖⵔⵉⴱⵉⵢⵜ.
ⵉⵙⵓⴳⴳⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⵏ ⵓⵚⵉⴹⵢⴰⵙ 14 ⵢⴰⵏⴰⵢⵔ 2023 ⴳ ⵕⵕⴱⴰⴹ, ⵅⴼ ⵓⵙⴳⵎⴹ ⵏ ⵜⵏⵜⵜⴰⵎⵜ ⴳⵔ ⵜⵎⴰⵡⴰⵙⵜ ⵏ ⵓⵙⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ- ⵉⴳⵔ ⵏ ⵓⵙⵙⴳⵎⵉ ⴰⵏⴰⵎⵓⵔ- ⴷ ⵓⵏⵎⴰⵍⵍⵓ ⴰⵙⵍⵎⴷⴰⵏ ⵏⵏⴰ ⵎⵉ ⴳⴳⵓⴷⵉⵏ ⵉⵙⵎⴷⵢⴰⵜⵏ, ⴷ ⵎⴰⵏ ⴰⵢⴰ ⵉⴳⴰ ⵢⴰⵏ ⵓⵙⵓⴼⵓ ⵙⴳ ⵜⴰⵏⴱⴰⴹⵜ ⵉ ⵢⴰⵏ ⵙⴳ ⵉⵙⵖⴰⵏⵏ ⵏⵏⵙ, ⵍⵍⵉ ⵉⴳⴰⵏ ⵢⴰⵏ ⵓⴽⴰⵎ ⵉ ⵉⴼⵔⴷⵉⵙⵏ ⵏ ⵜⴰⵡⵊⴰ ⵏ ⵓⵙⵍⵎⴷ ⵉⴳ ⵢⴰⵜ ⵜⴳⴳⵓⵔⵜ ⵏ ⵓⵙⵖⵓⴷⵓ ⵏ ⵜⵉⵏⵎⵍ ⵜⴰⵎⵖⵔⵉⴱⵉⵢⵜ ⵜⴰⴳⴷⵓⴷⴰⵏⵜ, ⵜⴰⵏⴰⴼⵓⵜ ⵉ ⵉⵏⵍⵎⴰⴷ ⴷ ⵜⴰⵡⵊⴰ ⵜⴰⵎⵖⵔⵉⴱⵉⵜ.
ⵉⵙⴳⵎⴹ ⵅⴼ ⵓⵏⵇⵇⵉⵙ ⵏ ⵜⵎⴰⵇⵇⴰⵏⵜ, ⵎⴰⵙⵙ ⵛⴰⴽⵉⴱ ⴱⵏ ⵎⵓⵙⴰ, ⴰⵎⴰⵡⴰⵙ ⵏ ⵓⵙⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ, ⴷ ⵎⴰⵙⵙ ⴼⴰⵡⵣⵉ ⵍⵇⵊⵄ, ⴰⵎⴰⵡⴰⵙ ⴰⵏⵎⴰⵍⴰⵍ ⴷⴰⵔ ⵓⵎⴰⵡⴰⵙ ⵏ ⵜⴷⵎⵙⴰ ⴷ ⵜⵥⵕⴼⵜ ⵏⵏⴰ ⵉⵥⵍⵉⵏ ⵙ ⵜⵎⵙⴰⵙⵜⵍⵜ, ⴷ ⵎⴰⵙⵙⴰ ⵖⵉⵜⴰ ⵎⵣⵡⵡⵕ, ⵜⴰⵎⴰⵡⴰⵙⵜ ⵜⴰⵏⵎⴰⵍⴰⵍⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵥⵍⵉⵏ ⵙ ⵓⵙⵏⴼⵍ ⴰⵎⵙⵙⵉⵟⵏ ⴷ ⵓⵙⵖⵓⴷⵓ ⵏ ⵜⵏⵎⴰⵀⵍⴰ, ⴷ ⵉⵎⴳⴳⵉⵜⵏ ⵉⴳⴷⵓⴷⴰⵏⵏ ⵏ ⵜⵏⴱⴰⴹⵜ ⵎⴰⵙⵙ ⵉⵙⵎⴷⵢⴰⵜⵏ ⵏ ⵜⵙⴷⴰⵡⵉⵜ ⵜⴰⵏⴰⵎⵓⵔⵜ ⵏ ⵓⵙⵍⵎⴷ UMT, ⴷ ⵓⵏⵎⴰⵍⵍⵓ ⴰⵏⴰⵎⵓⵔ ⵏ ⵓⵙⵍⵎⴷ CDT, ⴷ ⵜⵙⴷⴰⵡⵉⵜ ⵏ ⵜⵍⴻⵍⵍⵉ ⵏ ⵓⵙⵍⵎⴷ UGTM, ⴷ ⵓⵏⵎⴰⵍⵍⵓ ⴰⵏⴰⵎⵓⵔ ⵏ ⵓⵙⵍⵎⴷ FDT.
ⵍⵍⴰⵏ ⵙⵉⵏ ⵉⴳⵣⵣⵓⵎⵏ ⴳ ⵓⵎⴳⴳⵏⵜ ⵏ ⵓⵎⵙⴰⵙⴰ, ⴰⵎⵣⵡⴰⵔⵓ ⵉⵥⵍⵉ ⵙ ⵉⵙⴷⴰⵡⵏ ⴷ ⵜⵎⵏⵜⵉⵍⵉⵏ ⵢⵓⴳⵍⵏ ⵏⵏⴰ ⵅⴼ ⵎⵙⴰⵙⴰⵏ, ⴷ ⵡⵉⵙⵙ ⵙⵉⵏ ⵉⵣⴷⵉ ⵙ ⵉⵙⵖⴰⵏⵏ ⵏ ⵜⵙⴳⴳⵉⵡⵉⵏ, ⴰⵔ ⵜⵙⵡⵓⵔⵉ ⵅⴼ ⵉⵙⴷⴰⵡⵏ ⵏⵏⴰ ⵅⴼ ⵎⵙⴰⵙⴰⵏ :
ⴰⵃⵟⵟⵓ ⵏ ⵉⵎⵖⵉⵏⵏ ⴳ ⵓⵢⵏⵏⴰ ⵉⵍⵍⴰ ⵓⵃⵟⵟⵓ ⵏ ⵉⵙⴰⵜⵉⵏ ⵏ ⵖⵉⵍⴰ, ⴰⴽⴷ ⵜⵡⵓⵔⵉ ⵅⴼ ⵜⵉⴳⴳⵉ ⴷ ⵓⵙⵙⴽⴰⵔ ⵏ ⵉⵙⴰⵜⴳⵏ ⵉⵎⴰⵢⵏⵓⵜⵏ;
ⴰⵙⵢⵉⵡⵏ ⵏ ⵓⵙⵎⵎⵓⴷ ⴰⵣⵣⵓⵍⴰⵏ ⵉ ⵇⵇⴰⵃ ⵉⵙⴰⵜⴳⵏ, ⴷ ⵜⵉⴳⴳⵉ ⵏ ⵉⵙⴰⴽⴰⵜⵏ ⴷ ⵍⵇⵏⴰⴹⵕ ⴳⵔ ⵓⵢⴷⴷⵖ ⵏ ⵉⵙⴰⵜⴳⵏ ⴷ ⵜⵎⵔⵙⴰⵍ; ⴰⵚⵚⵕⵚⵓ ⵏ ⵜⵀⵏⴷⴰⵙⵜ ⵜⴰⵙⴳⵎⴰⵏⵜ ⵜⴰⵎⴰⵢⵏⵓⵜ ⵏⵏⴰ ⵉⵙⴽⴰⵔⵏ ⴰⵙⵎⵎⵓⴷ ⴷ ⵓⴽⵛⵛⵓⵎ ⴳⵔ ⵉⵙⵇⵇⵉⵎⵏ ⵉⵎⵢⴰⵏⴰⵡⵏ, ⴰⵔ ⵜⵜⴹⵎⵏ ⵉⵏⴰⵍⵏ ⴷ ⵓⵎⵙⴰⵙⴰ ⵏ ⵉⵎⵡⴰⵊⴱⵏ ⴳⵔ ⵉⵎⵙⵖⴰⵏ;
ⴰⵙⵉⵜⵜⵢ ⵙ ⵡⴰⴷⴷⴰⴷ ⴰⵣⵣⵓⵍⴰⵏ ⴷ ⵓⵏⴰⵎⵓⵔ ⵉ ⵇⵇⵃ ⵉⵎⵙⵖⴰⵏ;
ⴰⵙⵜⴰⵍ ⵏ ⵜⵡⵓⵔⵉ ⵜⴰⵣⵣⵓⵍⴰⵏⵜ ⵙ ⵉⴷⵙⵏ ⵏ ⵉⵍⵓⴳⵏ ⵉⵎⵙⵖⴰⵔⵓⵜⵏ ⴷⴰⵔ ⵜⴰⵣⵎⵔⵜ ⵏ ⵓⵄⴱⴰⵕ;
ⴰⵙⵓⴳⴳⵉ ⵏ ⵜⵎⵙⴽⵔⵜ ⵜⴰⵣⵣⵓⵍⴰⵏⵜ ⴰⵎⵎⴰⵙ ⵏ ⵢⵉⴳⵔ ⵏ ⵓⵙⵙⴳⵎⵉ;
ⵙⴼⵍⵙ ⵏ ⵡⴰⴽⵓⴷ ⴰⵏⵎⵍⴰⵏ ⴷ ⵡⴰⴽⵓⴷ ⴰⵙⴳⵎⴰⵏ
ⴰⵙⵖⵜⵙ ⵏ ⵓⵙⴳⴰⵡ ⴰⵎⴰⵢⵏⵓ ⵏ ⵓⴽⴰⵎ ⵏ ⵜⵔⴰⴱⴱⵓⵜ ⵜⴰⵙⴳⵎⴰⵏⵜ ⴷ ⵜⵏⵎⵀⴰⵍⵜ ⴳ ⵜⵎⵔⵙⴰⵍ ⵜⵉⵙⴳⵎⴰⵏⵉⵏ ⴷ ⵓⵙⵍⵎⴷ ⴰⴳⴷⵓⴷⴰⵏ ⵏⵏⴰ ⴷⴰⵔ ⵜⴰⵔⴰⵏⴰⵡⵜ;
ⴰⴷⴰⴼ ⵏ ⵜ ⵜⵎⵙⴽⵉⵔⵉⵏ ⵏ ⵜⵏⵎⴰⵀⵍⴰ ⵜⴰⵙⴳⵎⴰⵏⵜ ⴷ ⵜⵏⵎⴰⵀⵍⴰ ⵜⴰⵏⵎⵍⴰⵏⵜ ⴰⵎⵎⴰⵙ ⵏ ⵉⵙⴱⴷⴰⴷⵏ ⵏ ⵓⵙⴳⴰⵡ ⴰⴳⵊⴷⴰⵏ ⴰⵎⴰⵢⵏⵓ.
ⵙⴳ ⵜⵖⴰⵡⵙⵉⵡⵉⵏ ⵜⵉⵎⴰⵢⵏⵓⵜⵉⵏ ⵏⵏⴰ ⵇⴰⴷ ⵢⴰⵛⴽ ⴳ ⵓⵙⴳⴰⵡ ⴰⵎⴰⵢⵏⵓ, ⵇⴰⴷ ⴽⵛⵎⵏ ⵇⵇⴰⵃ ⵉⵎⵙⵖⴰⵏ ⵉ ⵉⵏⴱⴰⴹⵏ ⵏⵏⵙ ⴷ ⵉⵙⴱⴷⴰⴷⵏ ⵏⵏⵙ, ⴷ ⴰⴷ ⴰⵙⵏ ⵜⵜⵓⴼⴽⴰⵏ ⵣⵓⵏⴷ ⵉⵣⵔⴼⴰⵏ ⴷ ⵜⵓⵖⵓⵏⵉⵏ ⴳ ⵜⵖⴰⵔⴰⵙⵜ ⵏⵏⵙⵏ ⵜⴰⵣⵣⵓⵍⴰⵏⵜ ⵙⴳ ⵉⵙⵖⴰⵏ ⵏ ⵜⵏⵜⵜⴰⵎⵜ, ⴷ ⵡⵓⴽⵓⵙ ⵏ ⵜⵏⴳⵔⴰⵡⵉⵏ ⵜⵉⴳⵊⴷⴰⵏⵉⵏ (12 ⵏ ⵜⵏⴳⵔⴰⵡⵉⵏ) ⵉⵥⵍⵉⵏ ⵙ ⵉⵙⴰⵜⵉⴳⵏ ⵏ ⵜⴽⴰⴷⵉⵎⵉⵢⴰⵜⵉⵏ ⵜⵉⵏⵎⵏⴰⴹⵉⵏ ⵏ ⵓⵙⵙⴳⵎⵉ ⴷ ⵓⵙⵍⵎⴷ , ⴰⵙⵔⵙⵍ ⴰⵎⵣⵡⴰⵔⵓ ⵉ ⵉⵡⵜⵜⴰⵙⵏ ⵏ ⵓⵙⵖⵓⴷⵓ ⴷ ⵓⵚⵚⵕⵡⵓ ⵏ ⵓⵙⵏⴰⵢ ⴷ ⵓⵕⵥⵥⵓⵎ ⵏ ⵉⴱⵔⴷⴰⵏ ⵏ ⵓⵙⴰⵜⵜⵉ ⴰⵣⵣⵓⵍⴰⵏ.
ⵉⴳⴰ ⵓⵎⵙⴰⵙⴰ ⴰⴷ, ⵜⴰⵏⴰⴼⵓⵜ ⵏ ⵢⴰⵏ ⵓⵙⴳⴳⵯⴰⵙ ⵏ ⵉⵎⵛⴰⵡⵕⵏ ⴷ ⵉⵎⵙⴰⵡⴰⵍⵏ ⵉⴳⵔⴰⵖⵍⴰⵏⵏ ⵏⵏⴰ ⴳ ⵜⵍⵍⴰ ⵜⵎⵢⵉⵎⵏⵜ ⴷ ⵜⵎⴰⵙⴰⵢⵜ ⴳⵔ ⵜⵏⴱⴰⴹⵜ ⴷ ⵉⵎⴳⴳⵉⵜⵏ ⵏⵏⵙ ⵉⴳⴷⵓⴷⴰⵏⵏ, ⵎⴽⵉⵏⵏⴰ ⵉⵔⵣⵎ ⵜⵉⴼⵍⵓⵜ ⴷⴰⵜ ⵏ ⵓⵙⵎⵀⵍ ⵏ ⵜⴽⵕⴷⴰ ⵏ ⵓⴱⵔⵉⴷ ⵏ ⵓⵙⵖⵓⴷⵓ ⵏ ⵜⵉⵏⵎⵍ ⵜⴰⴳⴷⵓⴷⴰⵏⵜ ⵜⴰⵎⵖⵔⵉⴱⵉⵢⵜ, ⵅⴼ ⵡⴰⴽⴰⵍ ⵏ ⵜⴰⵍⵡⵉⵜ, ⴷ ⵓⵎⵙⴰⵙⴰ ⴰⴽⴷ ⵜⴰⵏⵏⴰⵢⵜ ⵉⴼⴰⵡⵏ ⵏ ⵜⵉⵔⵉⵜ ⵏ ⴱⴰⴱ ⵏ ⵜⵎⴰⴳⴰⵔⵜ ⵕⴱⴱⵉ ⴰⴷ ⵜ ⵢⴰⵊⵊ.
ⵎⴰⵏ ⴰⵢⴰ; ⵉⵍⴰⵇ ⴰⴷ ⴷⵉⵖ ⵏⴱⴷⵔ, ⵎⴰⵙⴷ ⵎⵇⵇⴰⵔ ⵉⵛⵇⵇⴰ ⵡⴰⴷⴷⴰⴷ, ⵜⵙⵜⵡⴰ ⵜⵏⴱⴰⴹⵜ ⵉⵙⴷⴰⵡⵏ ⵏ ⵜⵓⵜⵔⵉⵡⵉⵏ ⵏⵏⴰ ⵉⴱⴷⴷⴰⵏ ⵉⵙⴳⴳⵯⴰⵙⵏ ⴰⵢⴰ, ⵎⴽⵉⵏⵏⴰ ⵜⵥⵍⵢ ⴳ ⵜⴳⵉⵔⴰ ⵏ ⵓⵙⴳⴳⵯⴰⵙ 2022, ⴷⴰⵔ 2 ⵏ ⵉⴷ ⵎⵍⵢⴰⵕ ⵉ ⵓⵙⵜⵡⴰ ⵏ ⵜⵓⴽⵍⴰⵍⵉⵏ ⵏ ⵢⵉⵍⵢ ⵏ 85 ⵏ ⵢⵉⴼⴹ ⴳ ⵢⵉⴳⵔ ⵏ ⵓⵙⵍⵎⴷ .
ⴰⴷ ⵏⴽⵯⵜⵉ ⵎⴰⵙⴷ ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ ⵓⵙⵎⵙⴰⵙⴰ, ⵉⵍⵍⴰ ⴳⵉⵙ ⵙⴳ ⴷⴰⵔ ⵜⵏⴱⴰⴷⵜ, ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ, ⵜⴰⵎⴰⵡⴰⵙⵜ ⵏ ⵜⴷⵎⵙⴰ ⴷ ⵜⵥⵕⴼⵜ, ⴷ ⵎⴰⵙⵙ ⵛⴰⴽⵉⴱ ⴱⵏ ⵎⵓⵙⴰ, ⴰⵎⴰⵡⴰⵙ ⵏ ⵓⵙⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ, ⴷ ⵎⴰⵙⵙ ⵢⵓⵏⵙ ⵙⵙⴽⴽⵓⵔⵉ, ⴰⵎⴰⵡⴰⵙ ⵏ ⵡⴰⴷⴰⴼ ⴰⴷⵎⵙⴰⵏ ⴷ ⵜⵎⵙⵙⵏⵜⵉⵜ ⵜⴰⵎⵥⵥⵢⴰⵏⵜ, ⴷ ⵜⵡⵓⵔⵉ ⴷ ⵜⵎⵙⵙⵓⴳⴰⵔ, ⴷ ⵎⴰⵙⵙ ⴼⵓⵣⵉ ⵍⵇⵊⵄ, ⴰⵎⴰⵡⵙ ⴰⵏⵎⴰⵍⴰⵍ ⴷⴰⵔ ⵜⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵜⵥⵕⴼⵜ, ⵉⵥⵍⵉⵏ ⵙ ⵜⵎⵙⴰⵙⵜⵍⵜ, ⴷ ⵎⴰⵙⵙⴰ ⵖⵉⵜⴰ ⵎⵣⵡⵔ, ⵜⴰⵏⵙⵙⵉⵡⴼⵜ ⵜⴰⵏⵎⴰⵍⴰⵍⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵥⵍⵉⵏ ⵙ ⵓⵙⵏⴼⵍ ⴰⵎⵚⵚⵉⵟⵏ ⴷ ⵓⵙⵖⵓⴷⵓ ⵏ ⵜⵏⵎⴰⵀⵍⴰ.
