ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 30 ⵎⴰⵕⵚ 2023
ⵜⴳⴰ ⵜⵏⴱⴰⴹⵜ, ⴰⵙⵙ ⵏ ⵓⴽⵡⴰⵙ ⴰⵎⵣⵡⴰⵔⵓ ⴳ ⵕⵎⴹⴰⵏ 1444, ⵉⵎⵙⴰⵙⴰⵏ ⴰⴽⴷ 23 ⵎⴰⵕⵚ 2023, ⴰⴳⵔⴰⵡ ⵏ ⵜⵏⴱⴰⴹⵜ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵜⵜⵙⵜⴰⵢⵏ ⵉ ⵓⵎⴷⵉⵡⴰⵍ ⴷ ⵓⵙⵖⵣⵏ ⵅⴼ ⵜⵓⴳⴳⵜ ⵏ ⵉⵙⵏⴼⴰⵔⵏ ⵏ ⵉⴹⵕⵉⵚⵏ ⵉⵣⵔⴼⴰⵏⵏ, ⴷ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⴷ ⵢⵓⵙⵏ ⴳ ⵢⵉⵎⵉⵔ 92 ⴳ ⵓⴷⵓⵙⵜⵓⵔ.
ⴰⵙⵉⵡⴹ ⴰⵏⵖⵎⴰⵙ (ⵜⵓⵏⵖⵉⵍⵜ ⵙ ⵜⵄⵕⴰⴱⵜ) ⴳ ⵜⵓⴹⴼⵉⵕⵉⵏ
- ⴷⵉ ⵎⴰⵏ ⴰⵢⵏⵏⵉ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵎⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 16.22 ⵏ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⴹⴰⵀⵉⵕ ⴰⵛⵛⵔⵉⴼ ⴷ ⴰⵣⵔⴼ ⵓⵟⵟⵓⵏ 1.75.292 ⴳ ⵓⵙⴰⴽⵓⴷ ⵏ 5 ⴳ ⵉⵙⵡⵉ 1397 (19 ⵛⵓⵜⴰⵏⴱⵉⵔ) ⵉⵇⵇⵏ ⵖⵔ ⵜⵉⴳⴳⵉ ⵏ ⵉⵙⵡⵓⴷⴷⵓⵜⵏ ⵉⵣⴷⵉⵏ ⵙ ⵓⴼⵔⴰⴳ ⵉ ⵉⵎⵓⴷⴰⵔ ⵉⵏⴰⵎⵢⴰⵔⵏ ⵙⴳ ⵜⵎⵓⴹⴰⵏ ⵉⵅⵛⵏⵏ, ⵉⵙⵏⴽⴷ ⵜ ⵎⴰⵙⵙ ⵎⵓⵃⵎⵎⴰⴷ ⵚⵉⴷⵇⵉ, ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵯⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ.
- ⴷⴼⴼⵔ ⵎⴰⵏ ⴰⵢⵏⵏⵉ, ⵉⵎⴷⴰⵡⴰⵍ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵣⵏ ⵅⴼ ⵓⵎⵕⵚⵎ ⵓⵟⵟⵓⵏ 2.23.107 ⵏ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵎⵕⵚⵓⵎ ⵓⵟⵟⵓⵏ 2.17.321 ⴳ ⵓⵙⴰⴽⵓⴷ 22 ⴳ ⵉⵙⵡⵉ 1438 (17 ⵢⵓⵍⵢⵓⵣ 2017) ⵉ ⵜⵙⴽⵔⴰⵡⵜ ⵏ ⵜⵎⵀⵍⴰ ⵜⴰⵎⴽⵓⴷⵜ ⴳ ⵜⵎⴰⵡⴰⵙⵜ ⵏ ⵓⵎⴰⵡⴰ ⴷ ⵡⴰⵙⵙⴰⵢ ⴷ ⵜⵍⵓⵊⵙⵜⵉⵜ ⴷ ⵡⴰⵎⴰⵏ ⵜⵜⴰⴼ ⴰⴷ ⵜⴱⴷⴷ ⵅⴼ ⵜⵉⴳⴳⵉ ⵏ ⵜⵡⵓⵔⵉⵡⵉⵏ ⵏ ⵓⵄⴷⴰⵍ ⵏ ⵓⴱⵔⵉⴷ ⴰⵏⴰⵎⵓⵔ ⵓⵟⵟⵓⵏ 1 ⵏⴳⵔ ⵜⵉⵣⵏⵉⵜ ⴷ ⴷⴷⴰⵅⵍⴰ, ⵉⵙⵏⴽⴷ ⵜ ⵎⴰⵙⵙ ⵕⵢⴰⴹ ⵎⵣⵡⴰⵔ, ⴰⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ, ⴳ ⵓⴷⵖⴰⵔ ⵏ ⵎⴰⵙⵙ ⵏⵉⵥⴰⵕ ⴱⴰⵔⴰⴽⴰ, ⴰⵎⴰⵡⵙⴰⵙ ⵏ ⵓⵎⴰⵡⴰ ⴷ ⵡⴰⵎⴰⵏ.
- ⵉⵙⵙⵓⴷⵓ ⵓⵙⵇⵇⵉⵎ ⵏ ⵜⵏⴱⴰⴹⵜ ⴳ ⵜⵡⵓⵔⵉⵡⵉⵏ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.23.162 ⵏ ⵓⵙⵏⴼⵍ ⵏ ⵓⵎⵕⵚⵓⵎ ⵓⵟⵟⵓⵏ 2.93.66 ⴷ ⵉⴼⴼⵖⵏ ⴳ 14 ⴳ ⵜⵔⵡⴰⵢⵉⵏ 1414 (ⴰⵎⵣⵡⴰⵔⵓ ⵏ ⴽⵜⵓⴱⵕ 1993) ⵏ ⵓⵙⴽⴰⵔ ⵙ ⵓⵣⵔⴼ ⵓⵟⵟⵓⵏ 016.89 ⵉⵇⵇⵏ ⵖⵔ ⵜⵉⴳⴳⵉ ⵏ ⵜⴰⵣⵣⵓⵍⵜ ⵏ ⵜⵎⵙⴷⴰⴳⵜ ⴷ ⵜⵉⴳⴳⵉ ⵏ ⵜⴳⵔⴰⵡⵜ ⵏ ⵉⵎⵜⵡⵉⵍⵏ ⵉⵎⵙⴷⴰⴳⵏ ⵉⵏⴰⵎⵓⵔⵏ, ⵜⵙⵏⴽⴷ ⵜ ⵎⴰⵙⵙⴰ ⴼⴰⵟⵉⵎⵣⵣⵀⵕⴰ ⵍⵎⵏⵚⵓⵕⵉ, ⵜⴰⵎⴰⵡⵙⴰⵙⵜ ⵏ ⵓⵙⵎⵓⵜⵜⴳ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵥⴽⴰⵡ ⴷ ⵜⵣⴷⵓⵖⵜ ⴷ ⵜⵙⵔⵜⵉⵜ ⵏ ⵜⵎⴷⵉⵜ.
ⵉⵔⴳⵍ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵎⴷⵉⵡⴰⵍ ⴷ ⵓⵙⵖⵣⵏ ⵅⴼ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⵉⵎⵙⴰⵙⴰⵏ ⴷ ⵉⵎⵉⵔ 92 ⴳ ⵓⴷⵓⵙⵜⵓⵔ.
- ⴳ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ, ⵉⵜⵜⵓⵙⵎⴰⵍ:
- ⵎⴰⵙⵙ ⵎⵓⵃⵎⵎⴰⴷ ⵄⴳⴳⵓⵔⵉ, ⴷ ⴰⵏⵎⵀⴰⵍ ⵅⴼ ⵡⴰⵎⵎⴰⵙ ⵏ ⵓⵙⵓⵊⵊⵉ ⴰⵙⴷⴰⵡⴰⵏ ⵉ ⵜⵙⴳⴰ ⵏ ⵟⴰⵏⵊⴰ -ⵜⵉⵟⵡⴰⵏ- ⵍⵃⵓⵙⵉⵎⴰ;
- ⴳ ⵜⵎⴰⵡⴰⵙⵜ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ ⵉⵜⵜⵓⵙⵎⴰⵍ:
- ⵎⴰⵙⵙ ⵄⴱⴷⵕⵕⴰⵃⵉⵎ ⵟⵟⵢⴱⵉ, ⴷ ⴰⵏⵎⵀⴰⵍ ⵉ ⵓⵙⵉⵏⴰⴳ ⴰⵎⵖⵔⴰⴱⵉ ⵏ ⵓⵙⵖⵉⵍ;
- ⵎⴰⵙⵙ ⵢⵓⵙⴼ ⵣⵣⵀⵡⵉ, ⴷ ⴰⵏⵎⵀⴰⵍ ⵉ ⵜⵎⵢⴰⵇⵇⴰⵏⵉⵏ ⵏ ⵜⵙⴱⴱⴰⴱⵜ ⵜⴰⴳⵔⴰⵖⵍⴰⵏⵜ.
