ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 13 ⵉⴱⵔⵉⵔ 2023

• ⵉⵎⵔⴰⵔⴰ  ⵓⵙⵇⵇⵉⵎ  ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵣⵔⴼⴰⵏ ⵓⵟⵟⵓⵏ 37.22 ⵉⵇⵇⵏ ⵖⵔ ⵓⵙⵉⵏⴰⴳ ⴰⵏⴰⴼⵍⵍⴰ ⵏ ⵜⵏⴱⴹⴰⵢⵜ, ⵉⵙⵏⴽⴷ ⵜ ⵎⴰⵙⵙ ⵄⴱⴷⵍⵟⵉⴼ ⵡⵀⴱⵉ, ⴰⵎⴰⵡⵙⴰⵙ ⵏ ⵜⵏⵣⵣⴰⵔⴼⵓⵜ.
• ⴷⵉ ⵎⴰⵏ ⴰⵢⵏⵏⵉ, ⵉⵎⵔⴰⵔ  ⵓⵙⵇⵇⵉⵎ  ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵣⵔⴼⴰⵏ ⵓⵟⵟⵓⵏ 15.23 ⵉⵇⵇⵏ ⵖⵔ ⵜⵉⴳⴳⵉ ⵏ  ⵜⵙⵇⵇⵉⵎⵜ  ⵜⴰⵎⴽⵓⴷⵜ ⵉ ⵓⵙⵡⵓⴷⴷⵓ ⵏ ⵉⵙⴽⴽⵉⵏ ⵏ ⵢⵉⴳⵔ ⵏ ⵜⵖⵎⵙⴰ ⴷ ⵜⵥⵕⵉⴳⵜ, ⵉⵙⵏⴽⴷ ⵜ ⵎⴰⵙⵙ ⵎⵓⵃⵎⵎⴰⴷ ⵍⵎⵀⴷⵉ ⴱⵏⵙⵄⵉⴷ, ⴰⵎⴰⵡⵙⴰⵙ ⵏ ⵜⵄⵓⵔⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ.
• ⴷⴼⴼⵔ ⵎⴰⵏ ⴰⵢⵏⵏⵉ, ⵉⵎⵔⴰⵔⴰ  ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵣⵔⴼⴰⵏ ⵓⵟⵟⵓⵏ 2.23.335 ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵎⵕⵚⵓⵎ ⵓⵟⵟⵓⵏ 2.06.574 ⴷ ⵉⴼⴼⵖⵏ ⴳ 10 ⴳ ⵜⴼⴰⵙⴽⴰ 1427 (31 ⴷⵓⵊⴰⵏⴱⵉⵔ2006) ⵅⴼ ⵜⵉⴳⴳⵉ ⵏ ⵓⵔⴳⴰⵢ ⵅⴼ ⵡⴰⵜⵉⴳ ⴰⵎⵔⵏⵉⵡ ⵅⴼ ⴷ ⵢⵓⵡⵉ ⴳ ⵜⵣⵓⵏⵉ ⵜⵉⵙⵙ ⴽⵕⴰⴹⵜ ⵙⴳ ⵜⵓⴳⵔⵉⵡⵜ ⵜⴰⵎⴰⵜⵓⵜ ⵏ ⵉⵔⴳⴰⵢⵏ.
• ⵉⵔⴳⵍ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵉⴱⴷⴷⵉ ⵅⴼ ⵓⵏⴳⵔⴰⵡ ⴰⴷⵙⵍⴰⵏ ⵏ ⵡⴰⵎⵎⴰⵙ ⵏ ⵜⵡⵓⵔⵉ ⵉ ⵜⵎⴰⴷⴷⴰⵙⵜ ⵏ ⵜⵡⵉⵣⵉ ⵜⴰⵏⵙⵍⵎⵜ, ⵉⵙⵖⵣⵏ  ⵓⵙⵇⵇⵉⵎ  ⵏ ⵉⵎⴰⵡⵙⴰⵙⵏ ⵏ ⴱⵕⵕⴰ ⵏ ⵜⵎⴰⴷⴷⴰⵙⵜ ⵏ ⵜⵡⵉⵣⵉ ⵜⴰⵏⵙⵍⵎⵜ ⴳ ⵜⵙⵓⵜⵍⵜ ⵏⵏⵙ ⵜⵉⵙⵙ ⴽⴽⵓⵎⵔⴰⵡⵜ ⴷ ⴽⵕⴰⴹⵜ ⵉⵜⵜⵓⴳⴰⵏ ⴳ ⵟⴰⵛⵇⴰⵏⴷ (ⵜⴰⴳⴷⵓⴷⴰ ⵏ ⵓⵣⴱⴰⴽⵉⵙⵜⴰⵏ) ⴷⵉ 18 ⴷ 19 ⴽⵜⵓⴱⵕ 2016, ⴷ ⵓⵙⵏⴼⴰⵔ ⴰⵣⵔⴼⴰⵏ ⵓⵟⵟⵓⵏ 14.23 ⴳ ⵉⵍⵍⴰ ⵓⵎⵙⴰⵙⴰ ⵅⴼ ⵓⵏⴰⴳⵔⴰⵡ ⴰⴷⵙⵍⴰⵏ ⵉⵜⵜⵓⴱⴷⴰⵔⵏ, ⵉⵙⵏⴽⴷ ⵜ ⵎⴰⵙⵙ ⵏⴰⵚⵕ ⴱⵓⵕⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⴰⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉⵢ ⴷ ⵉⵎⵖⵔⴰⴱⵉⵢⵏ ⵉⵣⴷⵖⵏ ⴳ ⵜⵎⵉⵣⴰⵔ ⵏ ⴱⵕⵕⴰ.
   

ⵉⵔⴳⵍ  ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵎⴷⵉⵡⴰⵍ ⴷ ⵓⵙⵖⵣⵏ ⵅⴼ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⵉⵎⵙⴰⵙⴰⵏ ⴰⴽⴷ ⵢⵉⵎⵉⵔ 92 ⴳ ⵓⴷⵓⵙⵜⵓⵔ.

• ⴳ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ - ⵉⴳⵔ ⵏ ⵓⵙⴳⵎⵉ ⴰⵏⴰⵎⵓⵔ, ⵉⵜⵜⵓⵙⵎⴰⵍ:
  • ⵎⴰⵙⵙ ⵢⵓⵏⵙ ⵙⵙⵃⵉⵎⵉ, ⴷ ⴰⵎⴰⵔⵉ ⴰⵎⴰⵜⴰⵢ; 
• ⴷⵉ ⵜⵎⴰⵡⴰⵙⵜ ⵏ ⵓⵎⴰⵡⴰ ⴷ ⵡⴰⵎⴰⵏ , ⵜⴻⵜⵜⵓⵙⵎⴰⵍ:
  • ⵎⴰⵙⵙⴰ ⵣⵉⵏⴱ ⴱⵏⵃⴱⵉⴱⴰ, ⴷ ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵏ ⵜⵡⵓⵔⵉⵡⵉⵏ ⵜⵉⵏⴰⵎⵓⵏⵉⵏ ⵉ ⵜⵡⵓⵔⵉⵡⵉⵏ ⵜⵉⴳⴷⵓⴷⴰⵏⵉⵏ;
  • ⵎⴰⵙⵙ  ⵊⴰⵡⴰⴷ ⴱⵓⵟⴰⵀⵕ, ⴷ ⴰⵏⵎⵀⴰⵍ ⵉ ⵜⵉⵏⵎⵍ ⵏ ⵍⵃⴰⵙⴰⵏⵉⵢⴰ ⵉ ⵜⵡⵓⵔⵉⵡⵉⵏ ⵜⵉⴳⴷⵓⴷⴰⵏⵉⵏ.