ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 27 ⵉⴱⵔⵉⵔ 2023
ⵜⴳⴰ ⵜⵏⴱⴰⴹⵜ, ⴰⵙⵙ ⵏ ⵓⴽⵡⴰⵙ 6 ⴳ ⵉⵙⵡⵉ 1444, ⵉⵎⵙⴰⵙⴰⵏ ⴰⴽⴷ 27 ⵉⴱⵔⵉⵔ 2023, ⴰⴳⵔⴰⵡ ⵏ ⵜⵏⴱⴰⴹⵜ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵜⵓⵜⴰⵢⵏ ⵉ ⵓⵎⴷⵉⵡⴰⵍ ⴷ ⵓⵙⵖⵣⵏ ⵅⴼ ⵜⵓⴳⴳⵜ ⵏ ⵉⵙⵏⴼⴰⵔⵏ ⵏ ⵉⴹⵕⵉⵚⵏ ⵉⵣⵔⴼⴰⵏⵏ.
ⴰⵙⵉⵡⴹ ⴰⵏⵖⵎⴰⵙ (ⵜⵓⵏⵖⵉⵍⵜ ⵙ ⵜⵄⵕⴰⴱⵜ) ⴳ ⵜⵓⴹⴼⵉⵕⵉⵏ
اجتماع مجلس الحكومة ليومه الخميس 27 أبريل 2023
اجتماع مجلس الحكومة ليومه الخميس 27 أبريل 2023
اجتماع مجلس الحكومة ليومه الخميس 27 أبريل 2023
- ⴳ ⵜⵉⵣⵡⵓⵔⵉ ⵏ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴰⴷ, ⵉⵎⵔⴰⵔ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.481 ⵉⵇⵇⵏ ⵖⵔ ⵜⵙⵇⵇⵉⵎⵜ ⵜⴰⵏⴰⵎⵎⴰⵙⵜ ⵏ ⵓⴼⵔⴰ ⴰⵢⵉⵍⴰⵏ ⴷ ⵡⴰⵔⴰⵢ ⵙⴳ ⵜⵎⵔⴽⵉⵜ - ⵉⵖⵔⵔⵓⴱⴰ ⵏ ⵜⴳⵯⵎⵔⵜ ⵏ ⵢⵉⵍⵍ, ⵉⵙⵏⴽⴷ ⵜ ⵎⴰⵙⵙ ⵎⵓⵃⵎⵎⴰⴷ ⵚⵉⴷⵇⵉ, ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵯⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ.
- ⴷⴼⴼⵔ ⵎⴰⵏ ⴰⵢⴰ, ⵉⵎⵔⴰⵔ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.800 ⵏ ⵓⵙⵡⵜⵜⵓ ⵏ ⵉⵍⴳⴰⵎⵏ ⵏ ⵡⴰⵙⵙⴰⵢ ⵏ ⵢⵉⴳⵏⵏⴰ ⵏ ⵎⵉⴷⴷⵏ ⵉⵍⵍⴰⵏ ⴳ ⵓⵙⵓⵔⵙ ⵏ ⵜⵉⵎⵎⵉⵄⴹⵕⵜ ⵏⵉⵖ ⴰⵢⵜ ⵉⵎⵓⵙⵙⵓⵜⵏ ⵉⴳⵓⵎⵎⴳⵔⴰⵏ, ⵉⵙⵏⴽⴷ ⵜ ⵎⴰⵙⵙ ⵎⵓⵃⵎⵎⴰⴷ ⵄⴱⴷⵍⵊⴰⵍⵉⵍ, ⴰⵎⴰⵡⵙⴰⵙ ⵏ ⵡⴰⵙⵙⴰⵢ ⴷ ⵜⵍⵓⵊⵙⵜⵉⵜ.
- ⵉⵔⴳⵍ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵔⵓⵔⵡⵉⵏ ⵏⵏⵙ ⵙ ⵓⵎⵔⴰⵔ ⵏ ⵡⴰⵡⴰⵍ ⴷ ⵓⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.23.112 ⵏ ⵓⵙⴽⴰⵔ ⵙ ⵓⵣⵔⴼ ⵓⵟⵟⵓⵏ 25.19 ⵉⵇⵇⵏ ⵖⵔ ⵓⵙⵉⵔⴰ ⴰⵎⵖⵔⴰⴱⵉⵢⵏ ⵉ ⵉⵣⵔⴼⴰⵏ ⵏ ⵉⵎⴳⴳⵉ ⴷ ⵉⵣⵔⴼⴰⵏ ⵜ ⵉⵏⵎⴰⵍⴰⵏ, ⵉⵙⵏⴽⴷ ⵜ ⵎⴰⵙⵙ ⵎⵓⵃⵎⵎⴰⴷ ⵍⵎⵀⴷⵉ ⴱⵏⵙⵄⵉⴷ, ⴰⵎⴰⵡⵙⴰⵙ ⵏ ⵜⵄⵓⵔⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ.
