ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 06 ⵢⵓⵏⵢⵓ 2024
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 28 ⴷⵉⵍⵇⵇⵉⵄⴷⴰ 1445 ⵉⵎⵙⴰⵙⴰⵏ ⴰⴽⴷ 06 ⵢⵓⵏⵢⵓ 2024 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⵏⵉⴷ ⵏ ⵓⵙⴼⵙⴰⵔ ⴰⵣⵓⵏⴰⵏ ⴷ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵎⴹⴰⴽⴰⵕ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ 92 ⵏ ⵓⴷⵓⵙⵜⵓⵔ.
ⴳ ⵜⵣⵡⵓⵔⵉ ⵏ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴰⴷ, ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴹⵜ ⵢⴰⵏ ⵓⵙⴼⵙⵔ ⵅⴼ ⵓⵖⴰⵡⴰⵙ ⵏ ⵓⵙⵙⵓⵊⴷ ⵏ ⵍⵄⵉⴷ ⵏ ⵜⴼⴰⵙⴽⴰ ⵜⴰⵎⴱⴰⵕⴽⵉⵜ, ⵢⵉⵃⵉⵍ ⵜ ⵉⴷ ⵎⴰⵙⵙ ⵎⵓⵃⵎⵎⴰⴷ ⵚⴰⴷⵉⵇⵉ ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ.
ⴳ ⵜⵣⵡⵉⵔⵉ ⵏ ⵓⵙⴼⵙⵔ ⴰⴷ, ⵢⵉⵡⵉ ⴷ ⵎⴰⵙⵙ ⴰⵎⴰⵡⴰⵙⴰⵙ ⵅⴼ ⵜⵎⴳⴳⵉⵢⵉⵏ ⵍⵍⵉ ⵉⵜⵜⵓⵙⴽⴰⵔⵏ ⵖ ⵓⵙⵡⵓⴷⴷⵓ ⵏ ⵓⵖⴰⵡⴰⵙ ⵏ ⵓⵙⵓⵊⵊⴷ ⵏ ⵜⴰⴼⴰⵙⴽⴰ ⵜⴰⵎⴱⴰⵕⴽⵉⵜ ⵍⵍⵉⵖ ⴷ ⵢⵉⵡⵉ ⵎⴰ ⵙ ⴷ ⴰⵔ ⵜⴳⴳⴰ ⵜⵎⴰⵡⴰⵙⵜ ⴰⵙⵓⴳⴷ ⵉⵏⵖⴷⵏ ⵏ ⵉⵙⵎⵉⵎⴰⵏⵏ ⵏ ⵓⵙⴽⴰⵏ ⵙ ⵓⵎⵙⴰⵙⴰ ⴷ ⵉⵎⵙⵡⵓⵔⵉⵏ. ⵖⵉⴽⵍⵍⵉ ⴷ ⵢⵉⵡⵉ ⵎⴰⵙⵙ ⴰⵎⴰⵡⵙⴰⵙ ⵎⴰ ⵙ ⵢⵓⵜⵉ ⴳⵉⴳⴰⵏ ⵓⵙⴽⴰⵏ ⴰⵙⵓⵜⵔ ⴷ ⵎⴰ ⵙ ⵜⴰⵡⵓⵔⵉ ⵏ ⵓⵙⵉⴹⵏ ⵉⵣⴰⵎⵎⴰⵔⵏ ⴷ ⵡⴰⵖⴰⴹⵏ ⵜⵍⵍⴰ ⴳⵉⵙ ⵜⵎⵔⵏⵉⵡⵜ.
ⴳ ⵓⵙⵡⵉⵔ ⴰⴷⵓⵙⴰⵏ, ⵉⵙⴷⴷⵉⴷ ⵎⴰⵙⵙ ⴰⵎⴰⵡⵙⴰⵙ ⵎⴰ ⵙ ⴷ ⴰⴷⴷⴰⴷ ⴰⴷⵓⵙⴰⵏ ⵏ ⵡⵓⵍⵍⵉ ⵉⵥⵉⵍ ⴱⴰⵀⵔⴰ ⵙ ⵜⵡⵓⵙⵉ ⵏ ⵜⵉⴹⴰⴼ ⴷ ⵡⴰⵔⴰⵢ ⵏ ⵡⵓⵍⵍⵉ ⴰⴷⵓⵙⴰⵏ ⵖ ⵜⵎⵓⴹⴰⵏ ⵍⵍⵉ ⵉⵜⵜⵎⴰⵜⵜⴰⵢⵏ, ⵉⵜⵜⵓⵙⴽⴰⵔ ⴰⵔ ⵖⵉⵍⴰⴷ ⵎⴰ ⵉⵜⵜⴳⴰⵏ 1486 ⵏ ⵓⵎⴰⵜⵔ ⵏ ⵍⵄⵍⴼ ⴷ ⵉⵙⴰⴼⴰⵔⵏ ⵍⵍⵉ ⵉⵜⵜⴰⵡⴼⴽⴰⵏ ⴰⵔ 31 ⵎⴰⵢⵢⵓ 2024.
ⴰⴷ ⵏ ⵜⵎⵎⵉ ⵉ ⵜⴰⵖⴰⵔⵜ ⵍⵍⵉ ⵉⵍⵍⴰⵏ ⴳ ⵜⵎⴰⵣⵉⵔⵜ, ⵜⵙⴽⵔⵜ ⵜⴰⵏⴱⴹⵜ ⴰⵔⵥⵥⵓⵎ ⵏ ⵓⵙⴽⵛⵎ ⵏ ⵡⵓⵍⵍⵉ ⵙ ⵜⵖⴰⵔⴰⵙⵜ ⵜⵙⵓⵔⵉⴷ ⵜⴰⵔⵙⵓⵍⴰⵏⵜ ⴱⴰⵛ ⴰⴷ ⵜⴰⵍⵍ ⴳ ⵓⵙⴽⴰⵏ ⴷ ⵡⴰⵔⴰⵢ ⵏ ⵡⵓⵍⵉ ⵏ ⵜⵎⴰⵣⵉⵔⵜ ⵏⵏⵖ.
ⴰⵢⵍⵍⵉ ⵉⵥⵍⵉⵏ ⵙ ⵓⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 35.23 ⵉⵥⵍⵉⵏ ⵙ ⵓⵙⴼⵙⴰⵔ ⵏ ⵢⴰⴼⵓⵜⵏ ⵏ ⵜⴳⵎⵔⵜ ⵜⴰⵢⵍⴰⵏⵜ ⵖ ⵜⵉⴽⴽⵍⵉⵜ ⵜⴰⵎⵣⴰⵡⴰⵔⵓⵜ ⴳ ⵓⴳⴰⴷⴰⵣ, ⵉⵜⵜⴰⵡⵖⵜⴰⵙ ⴰⴷ ⵉⵥⵔⵉ ⵖ ⵓⵙⵇⵇⵉⵎ ⵓⵏⴱⵉⴹ ⵢⴰⴹⵏⵉⵏ ⴰⴼⴰⴷ ⴰⴷ ⴳⵉⵙ ⵉⵙⵙⴷⵔⵓ ⵓⵎⴹⴰⴽⴰⵕ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵉⵙⵖⵥⵏ ⵓⵙⵇⵇⵉⵎ ⵜⵏⴱⴰⴹⵜ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.371 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2-22-400 ⵍⵍⵉ ⴷ ⵉⴼⴼⴰⵖⵏ ⴳ 21 ⵕⴰⴱⵉⵝ ⴰⵎⵣⴰⵡⴰⵔⵓ ⵉⵎⵙⴰⵙⴰⵏ ⴷ (18 ⴽⵜⵓⴱⵔ 2022) ⵉⵣⵍⵉⵏ ⵙ ⵓⵙⵔⵓⵙ ⵏ ⵜⵡⵓⵔⵉⵡⵉⵏ ⵍⵍⵉ ⵜⴳⴳⴰ ⵜⵎⴰⵡⴰⵙⵜ ⵏ ⵏ ⵜⵣⵔⴼⵜ, ⵉⵃⵢⵉⵍ ⵜ ⵉⴷ ⵎⴰⵙⵙ ⵎⴰⵙⵙ ⵄⴰⴱⴷⵍⵍⴰⵟⵉⴼ ⵡⴰⵀⴱⵉ ⴰⵎⴰⵡⵙⴰⵙ ⵏ ⵜⵣⵔⴼⵜ.
- ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⴹⴰⴽⴰⵕ ⴷ ⵓⵙⵖⵥⵏ ⵏ ⵓⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.23.400, ⵉⵃⵢⵉⵍ ⵜ ⵉⴷ ⵎⴰⵙⵙ ⵏⵥⴰⵕ ⴱⴰⵔⴰⴽⴰ ⴰⵎⴰⵡⴰⵙⴰⵙ ⵏ ⵓⵇⵡⵡⵎ ⴷ ⵡⴰⵎⴰⵏ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ.
- ⴳ ⵜⵎⴰⵡⴰⵙⵜ ⵏ ⵓⵇⵡⵡⵎ ⴷ ⵡⴰⵎⴰⵏ, ⵉⵜⵜⵓⵙⵏⵎⴰⵍⴰ:
- ⵎⴰⵙⵙ ⵅⴰⵍⵉⴷ ⵍⵖⵎⴰⵕⵉ, ⴰⵏⵎⵀⴰⵍ ⵏ ⵜⵙⵏⵓⵔⴰⵢⵜ ⵏ ⵓⵎⴷⴰ ⵏ ⵡⴰⵎⴰⵏ ⵏ ⵙⴱⵓ ;
- ⴳ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ, ⵜⴻⵜⵜⵓⵙⵏⵎⴰⵍⴰ :
- ⵎⴰⵙⵙⴰ ⴽⴰⵔⵉⵎⵉ ⴼⵔⵉⵊⵉ, ⵜⵏⵎⵀⴰⵍⵜ ⵏ ⵡⴰⵎⵎⴰⵙ ⴰⵙⴳⵏⴰⴼ ⴰⵙⴷⴰⵡⴰⵏ ⵏ ⵎⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴳ ⵎⵕⵕⴰⴽⵯⵛ ;
- ⴳ ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ, ⵜⵜⵓⵙⵏⵎⴰⵍⴰⵏ :
- ⵎⴰⵙⵙ ⵎⵓⵃⴰⵎⵎⴰⴷ ⴱⵏ ⵜⵜⵀⴰⵎⵉ, ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵉⵎⴰⵙⵙⴰⵏ ⴳ ⵇⵇⵏⵉⵟⵕⴰ ;
- ⵎⴰⵙⵙ ⵅⴰⵍⵉⴷ ⴱⵕⵕⴰⴷⴰ, ⴰⵏⵎⵀⴰⵍ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵜⴳⵎⵉ ⵜⴰⴱⵉⴷⴰⴳⵓⵊⵉⵜ ;
- ⴳ ⵜⵎⴰⵡⴰⵙⵜ ⵏ ⵜⵄⵄⵓⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ, ⵜⴻⵜⵜⵓⵙⵏⵎⴰⵍⴰ :
- ⵎⴰⵙⵙⴰ ⴼⴰⵜⵉⵎⴰ ⵎⵓⴼⵜⴰⵇⵇⵉⵔ, ⵜⴰⵏⵎⵀⴰⵍⵜ ⵏ ⵓⴷⵍⵉⵙ ⴷ ⵜⵙⴷⵍⵉⵙⵉⵏ ⴷ ⵜⵉⵎⵃⴹⴰⵢ.
