ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 04 ⵉⴱⵔⵉⵔ 2024
ⵉⵜⵜⵓⵙⵏⵎⴰⵍⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴰⵙⵙ ⵏ ⵓⴽⵡⴰⵙ 24 ⵕⵎⴹⴰⵏ 1445 ⵉⵎⵙⴰⵙⴰⵏ ⴰⴽⴷ 04 ⵉⴱⵔⵉⵔ 2024. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵙⵏⵖⵎⵙ ⵅⴼ ⵢⴰⵏ ⵓⵎⵙⴰⵙⴰ ⴰⴳⵔⴰⵖⵍⴰⵏ ⴷ ⵓⵎⴹⴰⴽⴰⵕ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ 92 ⵏ ⵓⴷⵓⵙⵜⵓⵔ.
ⴳ ⵜⵣⵡⵓⵔⵉ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⴰⴷ, ⵙ ⵓⵣⵎⵣⵣⵓ ⵏ ⵍⵄⵉⴷ ⵎⵥⵥⵉⵏ, ⵉⵙⵎⵉⴷ ⵎⴰⵙⵙ ⴰⵏⵙⵙⵉⵅⴼ ⵙ ⵉⵙⵎ ⵏⵏⵙ ⴷ ⵉⵙⵎ ⵏ ⵉⴳⵎⴰⵎⵏ ⵏ ⵜⵏⴱⴰⴹⵜ ⵙ ⵉⵙⵔⵖⵓⴷⵏ ⵉⵣⴷⴷⵉⴳⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵉⵙⵔⵏⵓ ⵔⴱⴱⵉ ⴷ ⵜⵡⵊⴰ ⵜⴰⴳⵍⴷⴰⵏⵜ ⵜⴰⵎⴰⵖⵓⵜⴷ ⵓⴳⴷⵓⴷ ⴰⵎⵖⵔⴰⴱⵉ ⴽⵓⵍⵍⵓⵜ. ⵖⵉⴽⵍⵍⵉ ⵉⵜⵜⵔ ⴱⴰⴱ ⵏ ⵉⴳⵡⵏⵡⴰⵏ ⴰⴷ ⴼⵍⵍⴰⵖ ⵉⵙⴽⵛⵎ ⵜⴰⴼⵓⴳⵍⴰ ⵅⴼ ⴰⵎⵏⵓⴽⴽⴰⵍ ⵏ ⵉⵎⵓⵎⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵉⵙⵔⵏⵓ ⵔⴱⴱⵉ ⵙ ⵜⴷⵓⵙⵉ ⴷ ⵜⵓⵎⵔⵜ ⵓⵍⴰ ⵅⴼ ⵜⵎⴰⵣⵉⵔⵜ ⵏⵏⵖ ⵙ ⵜⵏⴼⴰⵔⵉⵜ ⴷ ⵜⴳⵎⵉ ⵉⵙⴱⵓⵖⴰⵍⵏ
- ⴹⴰⵕⴰⵜ ⵎⴰⵢⴰⴷ ⵉⵎⴹⴰⴽⴰⵕ ⵉⵙⵖⵥⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵙⵏⵜⵉ ⵏ ⵓⵎⵕⵚⵓⵎ ⵓⵟⵟⵓⵏ 2.23.557 ⵉⵥⵍⵉⵏ ⵙ ⵜⵉⵕⵡⵉ ⵏ ⵉⵙⵢⴰⴼⵓⵜⵏ ⵉⵜⵜⴰⵡⵥⵍⴰⵢⵏ ⵙ ⵓⵜⵛⵉ ⵏ ⵉⵎⵓⴷⴰⵔ ⵍⵍⵉ ⵉⵙⴽⴰⵔⵏ ⵉⵙⵢⴰⴼⵓⵜⵏ ⵏ ⵓⵜⵛⵉ ⴷ ⵓⵙⴷⵓⵙ ⵏⵏⵙ, ⵉⵀⵢⵉⵍ ⵜ ⵉⴷ ⵎⴰⵙⵙ ⵎⵓⵃⵎⵎⴰⴷ ⵚⴰⴷⵉⵇⵉ, ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ.
- ⴹⵕⴰⵜ ⵎⴰⵢⴰ ⴰⴷ, ⵉⵎⴹⴰⴽⴰⵕ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵚⵓⵎ ⵓⵟⵟⵓⵏ 2.24.296 ⵉⵙⵏⴼⵍⵏ ⵓⵎⵕⵙⵓⵎ ⵓⵟⵟⵓⵏ 2.15.183 ⵏ 7 ⵛⵡⵡⴰⵍ 1436 ⵉⵎⵙⴰⵙⴰⵏ ⴷ 24 ⵢⵓⵍⵢⵓⵣ 2015 ⵍⵍⵉ ⵉⴼⵔⵔⵣⵏ ⵜⴰⵍⴳⴰⵎⵜ ⵏ ⵜⵙⴷⴰⵡⵉⵏ ⴷ ⵜⵎⵔⵙⴰⵍ ⵖⵓⵔ ⵜⵍⵍⴰ ⵜⴷⵔⴰⵡⵜ ⴷ ⵡⴰⵏⴽ ⴳ ⵉⴳⵔ ⵓⵙⴱⵓⵖⵍⵓ ⵏ ⵓⵙⵍⵎⴷ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ, ⵉⵃⵢⵉⵍ ⵜ ⵉⴷ ⵎⴰⵙⵙ ⵄⴱⴷⵍⵍⴰⵜⵉⴼ ⵎⵉⵕⴰⵡⵉ, ⴰⵎⴰⵡⵙⴰⵙ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ.
- ⵉⴹⴼⴰⵔ ⵓⵙⵇⵇⵉⵎ ⵜⴰⵡⵡⵓⵔⵉ ⵏⵏⵙ ⵉⵎⴹⴰⴽⴰⵕ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵚⵓⵎ ⵓⵟⵟⵓⵏ 2.23.662 ⵉⵙⵏⴼⵍⵏ ⵓⵎⵕⵙⵓⵎ ⵓⵟⵟⵓⵏ 2.16.88 ⵏ 21 ⵕⴰⵊⴰⴱ1437 ⵉⵎⵙⴰⵙⴰⵏ 29 ⵉⴱⵔⵉⵔ 2016 ⵉⵥⵍⵉⵏ ⵙ ⵙ ⵓⵏⴳⵔⴰⵡ ⴰⵎⴰⵜⴰⵢ ⵉⵥⵍⵉⵏ ⵙ ⵉⵎⵙⵖⴰⵏⵏ ⵏ ⵜⵎⴰⵙⵙⵓⴳⵓⵔⵜ ⵏ ⵉⴱⵏⵏⵉⵇⵏ ⴷ ⵡⴰⵍⵍⴰⵙ ⵓⵙⵉⴷⴼ, ⵜⵃⵢⵉⵍ ⵜ ⵉⴷ ⵎⴰⵙⵙⴰ ⵖⵉⵜⴰ ⵎⵣⵣⵓⵔ, ⵜⴰⵎⴰⵡⵙⴰⵙⵜ ⵜⴰⵎⵉⵔⵉⵜ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴳⴰⵍⵏ ⵙ ⵓⵎⵓⵜⵜⵉ ⴰⵎⴰⵟⵟⵓⵏ ⴷ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ.
- ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵢⴰⴳⴳ ⵏⵏ ⴳ ⵢⴰⵏ ⵓⵎⵙⴰⵙⴰ ⵏ ⵜⵡⵉⵙⵉ ⴳ ⵉⴳⵔ ⵏ ⵜⴳⵎⵔⵜ ⵜⴰⵢⵍⴰⵏⵜ ⴳⵔ ⵜⵏⴰⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵏⴱⴰⴹⵜ ⵏ ⵜⴳⴷⵓⴷⴰⵏⵜ ⵏ ⵄⴰⵎⴱⵢⴰ ⵍⵍⵉ ⵉⵙⴳⵎⴹⵏ 25 ⵉⵏⵏⴰⵢⵔ 2024 ⴳ ⴷⴷⴰⵅⵍⴰ ⴷ ⵓⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 07.24 ⵉⵥⵍⵉⵏ ⵙ ⵓⵙⵖⵥⵏ ⵏ ⵓⵎⵙⴰⵙⴰ ⵢⴰⴷ, ⵉⵃⵢⵢⵉⵍ ⵜⵏ ⴷ ⵎⴰⵙⵙ ⵎⵓⵃⵎⵎⴰⴷ ⵚⴰⴷⵉⵇⵉ, ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ ⴳ ⵓⴷⵖⴰⵔ ⵏ ⵏⴰⵚⵕ ⴱⵓⵕⵉⵟⴰ ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵉⴼⵔⵉⵇⵢⴰ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ.
- ⵉⴳⴰ ⵓⵡⵜⵜⴰⵙ ⵏ ⵓⵎⵙⴰⵙⴰ ⵢⴰⴷ ⴰⵙⵉⵍⵉⵢ ⵏ ⵓⵎⵢⴰⵡⴰⵙ ⵏⴳⵔ ⵙⴰⵏⴰⵜ ⵜⵎⵉⵣⴰⵔ ⴳ ⵉⴳⵔⴰⵏ ⵏ ⵓⵙⵎⵓⵜⵜⴳ ⴰⵢⵍⴰⵏ ⴷ ⵓⵔⵣⵣⵓ ⴰⵜⵉⵇⵏⵉ ⴳ ⵉⴳⵔ ⵔⴳⵎⵔⵜ ⵜⴰⵢⵍⴰⵏⵜ ⴷ ⵜⵎⴳⵓⵔⵉ ⴷ ⵓⵙⵏⴼⵍ ⵏ ⵉⵙⵢⴰⴼⵓⵜⵏ ⵏ ⵜⴳⵎⵔⵜ ⵏⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵏⴱⴰⴹⵜ ⵏ ⵜⴳⴷⵓⴷⴰⵏⵜ ⵏ ⵄⴰⵎⴱⵢⴰ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ.
- ⴳ ⵜⴰⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ, ⵜⵜⵓⵙⵏⵎⴰⵍⴰⵏ :
- ⵎⴰⵙⵙ ⵎⵓⵃⵎⵎⴰⴷ ⴱⵍⴰⵛⵀⴰⴱ, ⴰⵏⴱⴷⴰⴷ ⵏ ⵜⵖⵡⴰⵏⵜ ⵏ ⵜⵙⴽⵍⴰ ⴷ ⵉⵎⴰⵙⵙⴰⵏ ⵉⵏⴰⴼⴳⴰⵏ ⴳ ⴱⵏⵉⵎⵍⵍⴰⵍ ;
- ⵎⴰⵙⵙ ⴰⵃⵎⴰⴷ ⴱⴰⵔⴰⴽⴰⵜ, ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵉⵎⴰⵙⵙⴰⵏⵉⵏ ⴷ ⵜⵉⵜⵉⵇⵏⵉⵏ ⴳ ⴱⵏⵉⵎⵍⵍⴰⵍ ;
- ⴳ ⵜⴰⵎⴰⵡⴰⵙⵜ ⵏ ⵜⵡⵉⵣⵉ ⴷ ⵓⵙⵉⴷⴼ ⴰⵏⴰⵎⵓⵏ ⴷ ⵜⵡⵓⵊⴰ ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵀⵉⵛⴰⵎ ⴱⵍⵎⵄⵟⵉ, ⴰⵏⵎⵀⴰⵍ ⵏ ⵓⵙⵉⵏⴰⴳ ⴰⵏⵎⵓⵔ ⵏ ⵜⵡⵓⵔⵉ ⵜⴰⵏⴰⵎⵓⵏⵜ ;
- ⴳ ⵜⴰⵎⴰⵡⴰⵙⵜ ⵏ ⵓⵎⵓⵜⵜⵉ ⴰⵎⴰⵟⵟⵓⵏ ⴷ ⵓⵙⴳⴷⴷ ⵏ ⵜⵎⵙⵙⵓⴳⵓⵔⵜ, ⵜⴻⵜⵜⵓⵙⵏⵎⴰⵍⴰⵏ :
- ⵎⴰⵙⵙⴰ ⴽⴰⵔⵉⵎⴰ ⵅⴰⵍⴷⵓⵏ, ⵜⴰⵏⵎⵀⴰⵍⵜ ⵏ ⵜⴳⵎⵉ ⵏ ⵓⵙⵎⵔⵙ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ
- ⴳ ⵜⴰⵎⴰⵡⴰⵙⵜ ⵏ ⵓⵎⵓⵜⵜⵉ ⴰⵥⴹⴰⵕⴰⵏ ⴷ ⵜⴳⵎⵉ ⵜⵙⵓⵍⴰⵏⵜ-ⵉⴳⵔ ⵏ ⵓⵎⵓⵜⵜⵉ ⴰⵥⴹⴰⵕⴰⵏ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙⴰ ⵄⴰⴱⴷ ⵕⵕⴰⵡⴼ ⴱⵏⵄⴱⴱⵓ, ⴰⵏⵎⵀⴰⵍ ⵏ ⵜⵥⴹⴰⵕⵉⵏ ⵜⵓⵙⵙⵓⵍⴰⵏⵉⵏ ⴷ ⵓⵙⴷⵓⵙ ⵏ ⵜⵥⴹⴰⵕⵜ ;
- ⴳ ⵜⴰⵎⴰⵡⴰⵙⵜ ⵏ ⵓⵎⵓⵜⵜⵉ ⴰⵥⴹⴰⵕⴰⵏ ⴷ ⵜⴳⵎⵉ ⵜⵙⵓⵍⴰⵏⵜ-ⵉⴳⵔ ⵏ ⵜⴳⵎⵉ ⵜⵙⵓⵍⴰⵏⵜ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⴱⵓⵣⴽⵔⵉ ⵕⵕⴰⵥⵉ, ⴰⵏⵎⵀⴰⵍ ⴷ ⵜⵉⴹⴰⴼ ⵏ ⵜⵡⵏⵏⴰⴹⵜ ⴷ ⵜⵖⴰⵡⵙⵉⵏ ⵜⵓⵙⵍⵉⴳⵉⵏ.
- ⵎⴰⵙⵙ ⴱⵓⵣⴽⵔⵉ ⵕⵕⴰⵥⵉ, ⴰⵏⵎⵀⴰⵍ ⴷ ⵜⵉⴹⴰⴼ ⵏ ⵜⵡⵏⵏⴰⴹⵜ ⴷ ⵜⵖⴰⵡⵙⵉⵏ ⵜⵓⵙⵍⵉⴳⵉⵏ.
