ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵢⴰⵏ ⵓⴳⵔⴰⵡ ⵏ ⵜⵙⵇⵇⵉⵎⵜ ⵜⵏⵓⴱⵉⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⴽⴰⵏ ⵏ ⵍⵎⵖⵔⵉⴱ ⴳ ⵉⴳⵔ ⵏ ⵓⵀⵉⴷⵕⵓⵊⵉⵏ ⴰⵣⴳⵣⴰ
![CG--3-29-08-2024.jpeg](/sites/default/files/styles/thumbnail_album_detail/public/activites_cg/CG--3-29-08-2024.jpeg?itok=xWX9ES4O)
- ⵜⵎⴹⴰⴽⴰⵕ ⵜⵙⵇⵇⵉⵎⵜ ⵅⴼ ⵜⵖⴰⵔⴰⵙⵜ ⵍⵍⵉ ⵜⴳⴳⴰ ⴳ ⵓⵙⵜⴰⵢ ⵏ ⵉⵚⵏⴼⴰⵕⵏ ⵙ ⵜⵎⵙⵜⴰⵍ ⵉⴼⴰⵡⵏ ;
- ⴹⴰⵕⴰⵜ ⵚⴹⵉⵚ ⵏ ⵡⴰⵢⵢⵓⵔⵏ ⵍⵍⵉ ⵙ ⴷ ⵉⴼⴼⴰⵖ ⵡⵓⵥⵕⵉⴳ ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵍⴽⵎ ⴷ ⵜⴰⵙⵏⵓⵔⴰⵢⵜ ⵜⵎⴰⵖⵔⵉⴱⵉⵜ ⵏ ⵜⵥⴹⴰⵕⵜ ⵜⴰⵙⵓⵍⴰⵏⵜ ⵎⴰ ⵉⵜⵜⴳⴰⵏ 40 ⵏ ⵜⵓⵜⵔⴰ ⵏ ⵓⵚⵏⴼⴰⵕ ⴳ ⵜⵓⴳⵜ ⵏ ⵜⵙⴳⴳⵉⵡⵏ ⵏ ⵜⴳⵍⴷⵉⵜ.
ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⵙⵙ ⵏ ⵓⴽⵡⴰⵙ ⴳ ⵕⵕⴱⴰⵟ ⵢⴰⵏ ⵓⴳⵔⴰⵡ ⵏ ⵜⵙⵇⵇⵉⵎⵜ ⵏ ⵜⵏⵓⴱⴹⴰ ⵉⵜⵜⵓⵙⵎⴰⴳⴰⵍⵏ ⵙ ⵓⵙⴽⴰⵏ ⵏ ⵍⵎⵖⵔⵉⴱ ⴳ ⵉⴳⵔ ⵏ ⵓⵀⵉⴷⵕⵓⵊⵉⵏ ⴰⵣⴳⵣⴰ ⵙ ⵖⵎⴽⵍⵍⵉ ⴷ ⵉⴷⴷⴰⵏ ⴳ ⵜⴰⵔⴰⵜⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵔⴱⴱⵉ ⵃⵎⴰ ⴰⴷ ⵢⵉⵍⵉ ⵓⵖⴰⵡⵍ ⴳ ⵓⵙⵓⴳⴳⵣ ⵏ ⵓⵙⴽⴰⵏ ⵏ ⵙ ⵓⵖⵓⴷⵓ ⵍⵍⵉ ⴷ ⵉⵇⵇⴰⵏ, ⴰⵢⵍⵍⵉ ⵔⴰⴷ ⵉⵙⵖⵓⴷⵓ ⵜⵉⵥⴹⵉⵔⵉⵏ ⵏ ⵜⵎⴰⵣⵉⵔⵜ ⵏⵏⵖ ⵍⵍⵉ ⵔⴰⴷ ⵢⴰⵡⵙ ⵉⵎⵙⵙⴰⵔⵓⵜⵏ ⵉⴳⵔⴰⵖⵍⴰⵏⵏ ⴳ ⵉⴳⵔ ⴰⴷ ⵉⵍⵍⴰⵏ ⵉⵎⴰⵍ ⵉⵥⵉⵍⵏ.
ⵜⵎⴹⴰⴽⴰⵕ ⵜⵙⵇⵇⵉⵎⵜ ⵏ ⵜⵏⵏⵓⴱⴹⴰ ⴷⴷⴰⵡ ⵜⴰⵏⵙⵙⵉⵅⴼⵜ ⵏ ⵓⵏⵙⵙⵉⵅⴼ ⵏ ⵜⵏⴰⴱⴰⴹⵜ ⵙ ⵜⵖⴰⵔⴰⵙⵜ ⵏ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⵅⴼ ⵓⵙⵡⵓⴷⴷⵓ ⵏ ⵓⵣⵓⴳⴳⵣ ⵏ ⵜⵓⴳⵜ ⵏ ⵉⵚⵏⴼⴰⵕⵏ ⵉⵥⵍⵉⵏ ⵙ ⵏ ⵓⵙⴽⴰⵏ ⵍⵎⵖⵔⵉⴱ ⵃⵎⴰ ⴰⴷ ⵢⵉⵍⵉ ⵓⵙⵖⵓⴷⵓ ⵏ ⵉⴳⵔ ⵏ ⵓⵀⵉⴷⵕⵓⵊⵉⵏ ⴰⵣⴳⵣⴰ. ⴳ ⵎⵏⵉⴷ ⴰⴷ ⵏⵉⵜ , ⵜⵎⴹⴰⴽⴰⵕ ⵜⵙⵇⵇⵉⵎⵜ ⵅⴼ ⵜⵖⴰⵔⴰⵙⵜ ⵍⵍⵉ ⵜⵔⵙⵜ ⴳ ⵓⵙⵓⵜⴳ ⴷ ⵓⵙⵜⴰⵢ ⵏ ⵉⵙⵏⴼⴰⵕⵏ ⵖ ⵓⵙⵔⵓⵙ ⵉⴼⴰⵡⴰⵏ ⵏ ⵜⵎⵙⵜⴰⵍ.
ⴳ ⵓⴳⵔⴰⵡ ⴰⴷ ⵍⵍⵉ ⴷ ⵉⴷⴷⴰⵏ ⴹⴰⵕⴰⵜ ⵚⴹⵉⵚ ⵏ ⵡⴰⵢⵢⵓⵔⵏ ⵎⴰ ⴼ ⵉⴼⴼⴰⵖ ⵡⵓⵥⵕⵉⴳ ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵍⴽⵎ ⴷ ⵜⴰⵙⵏⵓⵔⴰⵢⵜ ⵜⵎⴰⵖⵔⵉⴱⵉⵜ ⵏ ⵜⵥⴹⴰⵕⵜ ⵜⴰⵙⵓⵍⴰⵏⵜ (ⵎⴰⵥⵏ) ⵎⴰ ⵉⵜⵜⴳⴰⵏ 40 ⵏ ⵜⵓⵜⵔⴰ ⵏ ⵓⵚⵏⴼⴰⵕ ⴳ ⵜⵓⴳⵜ, ⴰⵢⵍⵍⵉ ⵉⵎⵎⴰⵍⴰⵏ ⴰⵜⵉⴳ ⵉⵅⴰⵜⵔⵏ ⵍⵍⵉ ⴰⴽⴽⴰⵏ ⵉⵎⵙⵙⴰⵔⵓⵜⵏ ⵉⵏⴰⵎⵓⵔⵏ ⴷ ⵉⵏⵎⵖⵓⵔⵏ ⵉⴳⵔⴰⵖⵍⴰⵏⵏ ⵉ ⵉⴳⵔ ⵏ ⵜⵥⴹⴰⵕⵜ ⴷ ⵓⵙⴽⴰⵏ ⵏ ⵍⵎⵖⵔⵉⴱ ⵍⵍⵉ ⵉⴳⴰⵏ ⴰⵎⵃⵉⵣⵡⴰⵔ ⵉⴼⴰⵡ ⵉⴳ ⵡⵉⵏ ⵓⵙⵡⵓⵔⵉ. ⵉⵇⵇⴰⵏ ⴷ ⴰⴷ ⵏⵙⴽⵜⵉ ⵎⴰ ⵙ ⴳⴰⵏ ⵉⵎⵙⵙⴰⵔⵓⵜⵏ ⴰⵜⵉⴳ ⵉ ⵜⵓⴳⵜ ⵜⵙⴳⴳⵉⵡⵉⵏ ⵣⵖ ⵉⵥⵥⵍⵎⴹ ⵏ ⵍⵎⵖⵔⵉⴱ ⴰⵔ ⵜⵉⵙⴳⴳⵉⵡⵉⵏ ⵏ ⵉⴼⴼⵓⵙ.
ⴳ ⵎⵏⵉⴷ ⴰⴷ ⵏⵉⵜ, ⵉⵇⵇⴰⵏ ⴷ ⴰⴷ ⵏⵙⴽⵜⵉ ⵎⴰ ⵙ ⵉⵙⴽⵔ ⵡⴰⵏⴽ ⵙ ⵜⵖⴰⵔⴰⵙⵜ ⵏ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⴰⵏⵎⴰⵍⴰ ⵏ ⵉⴽⴰⵍⵉⵡⵏ ⵉⴳⴷⵓⴷⴰⵏⵏ ⵉⴳⵓⵜⵏ ⵍⵍⵉ ⵔⴰⴷ ⵢⴰⵡⵙ ⴳ ⵓⴹⴼⵉⵔ ⵏ ⵉⵙⵏⴼⴰⵕⵏ ⵎⴰ ⵉⵜⵜⴳⴳⴰⵏ ⵎⵍⵢⵓⵏ ⵏ ⵀⴽⴰⵜⴰⵕ ⴳ ⵜⴳⵎⵉ ⵏ ⵉⴳⵔ ⴰⴷ ⵉⵍⵍⴰⵏ ⵉⵎⴰⵍ ⵉⵥⵉⵍⵏ ⵖⵉⴽⵍⵍⵉ ⵉⵎⵎⴰⵖ ⵡⴰⵏⴽ ⴳ ⵓⵃⵟⵟⵓ ⵓⴱⵓⵖⵍⵓ ⵏ ⵡⴰⴽⴰⵍ ⴰⴳⴷⵓⴷⴰⵏ.
ⵉⵃⴰⴹⵕ ⴳ ⵓⴳⵔⴰⵡ ⴰⴷ ⵎⴰⵙⵙ ⵄⴰⴱⴷ ⵍⵡⴰⴼⵉ ⵍⴼⵜⵉⵜ, ⴰⵎⴰⵡⵙⴰⵙ ⵏ ⵓⴳⵯⵏⵙ ⴷ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ, ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⴷ ⵎⴰⵙⵙ ⵏⵉⵥⴰⵕ ⴱⴰⵕⴰⴽⴰⵜ, ⴰⵎⴰⵡⵙⴰⵙ ⵏ ⵓⵇⵇⵓⵎ ⴷ ⵡⴰⵎⴰⵏ ⴷ ⵕⵉⵢⴰⴹ ⵎⵣⵓⵕ, ⴰⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ ⴷ ⵎⴰⵙⵙ ⵎⵓⵃⵙⵉⵏ ⵊⴰⵣⵓⵍⵉ, ⴰⵎⴰⵡⵙⴰⵙ ⴰⵎⴰⵔⵉ ⵖⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵙⴰⵔⵓ ⴷ ⵓⵎⵙⴰⵙⴰ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⵏⵉⵏ ⴷ ⵎⴰⵙⵙ ⴼⴰⵡⵣⵉ ⵍⵇⵊⵄ, ⴰⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵍⵜ ⴷ ⵎⴰⵙⵙ ⵜⴰⵕⵉⵇ ⵎⴼⴹⴹⵍ ⴰⵏⵙⵙⵉⵅⴼ ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵜⵥⴹⵉⵕⵜ ⵜⴰⵙⵓⵍⴰⵏⵜ (ⵎⴰⵥⵏ), ⴰⵡⴷ ⴷ ⴰⵏⴼⵍⵓⵙ ⴰⵎⴰⵜⴰⵢ ⵏ ⵜⵎⴰⵡⴰⵙⵜ ⵏ ⵓⵎⵓⵜⵜⵉ ⴰⵎⵥⴹⴰⵕ ⴷ ⵜⴳⵎⵉ ⵜⴰⵙⵓⵍⴰⵏⵜ.