ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⵙⵉⵎⵡⴰⵙ 18 ⴽⵟⵓⴱⵕ 2024
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⵙⵉⵎⵡⴰⵙ 14 ⵖ ⵕⴰⴱⵉⵄ ⴰⵎⴳⴳⴰⵔⵓ1446 ⵉⵎⵙⴰⵙⴰⵏ ⴰⴽⴷ18 ⴽⵟⵓⵏⵕ 2024 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⵉⵥⵍⵉ ⵓⴳⵔⴰⵡ ⵙ ⵓⵙⵎⵏⵉⴷ ⵏ ⵢⴰⵜ ⵜⴽⵛⵛⵓⵎⵜ ⵅⴼ ⵜⵎⴳⴳⵉⵢⵉⵏ ⵏ ⵓⵙⵙⵓⵊⴷ ⵏ ⵓⵙⵔⵓⵙ ⵏ ⵓⵙⵏⵜⵉ ⵏ ⵓⵙⵍⴳⵏ ⵏ ⵜⵥⵕⴼⵜ ⵏ ⵓⵙⴳⴳⵯⴰⵙ ⵏ 2025 ⴷ ⵓⵎⴹⴰⴽⴰⵕ ⵅⴼ ⵜⴳⵓⵜ ⵉⵙⵏⵜⵉⵏ ⵏ ⵉⵎⵕⵙⵓⵎⵏ ⴳ ⵉⴳⵔ ⵏ ⵓⵙⵔⴷⴰⵙ ⴷ ⵓⵎⴷⴰⴽⴰⵕ ⵅⴼ ⵉⵙⵏⵜⵉⵏ ⵉⵎⵕⵙⵓⵎⵏ ⵢⴰⴹⵏⵉⵏ.
ⴳ ⵜⵣⵡⵓⵔⵉ ⵏ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴰⴷ, ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵢⴰⵜ ⵜⴽⵛⵛⵓⵎⵜ ⵅⴼ ⵅⴼ ⵜⵎⴳⴳⵉⵢⵉⵏ ⵏ ⵓⵙⵙⵓⵊⴷ ⵏ ⵓⵙⵔⵓⵙ ⵏ ⵓⵙⵏⵜⵉ ⵏ ⵓⵙⵍⴳⵏ ⵏ ⵜⵥⵕⴼⵜ ⵏ ⵓⵙⴳⴳⵯⴰⵙ ⵏ 2025, ⵜⵙⵎⵏⵉⴷⵜ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ, ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ.
ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵅⴼ ⵜⴳⵓⵜ ⵉⵙⵏⵜⵉⵏ ⵏ ⵉⵎⵕⵙⵓⵎⵏ ⴳ ⵉⴳⵔ ⵏ ⵓⵙⵔⴷⴰⵙ, ⵉⵙⵎⵏⵉⴷ ⵜⵏ ⵓⵎⴰⵡⵙⴰⵙ ⴰⵏⵖⵍⴰⴼ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⵙⴰⴳⵓⵔⵜ ⵏ ⵓⵎⵣⴰⵖ ⴰⵏⴰⵎⵓⵔ, ⵥⵍⵉⵏ ⵉⵎⵕⵙⵓⵎⵏ ⴰⴷ ⵙ :
- ⴰⵙⴰⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.921 ⵉⵥⵍⵉⵏ ⵙ ⵓⵣⵡⴰⴳ ⵏ ⵜⵙⵏⵓⵔⴰⵢ ⴷ ⵜⵓⵚⴽⵉⵡⵉⵏ ⵜⴰⵏⴰⴷⴷⴰⵡⵉⵏ ⴷⴰⵔ ⴰⴷⴷⵓⵔ ⵎⵓⵇⵇⵔⵏ ⵉⵟⵟⴰⴼⵏ ⵉⵖⴰⵡⴰⵙⵏ ⵓⵟⵟⵓⵏⵏ ⵉⵙⵙⵓⴳⵔⵏ ⵏⵖ ⴷ ⵓⵛⵛⵉⵍ ⵉⵙⵙⵓⴳⵔⵏ ⵉ ⵡⵉⵍⵍⵉ ⵢⴰⴽⴽⴰⵏ ⵜⵉⵏⵓⴼⴰ ⵜⵉⵎⴰⵟⵟⵓⵏⵉⵏ ⵜⵉⵙⴳⵏⵉⵡⵉⵏ ;
- ⴰⵙⴰⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.922 ⵉⵙⵏⴼⵍⵏ ⴰⵎⵕⵙⵓⵎ ⵓⵟⵟⵓⵏ 2.73.657ⵍⵍⵉ ⴷ ⵉⴼⴼⴰⵖⵏ 16 ⵚⴼⵕⵓ 1394 ⵉⵎⵙⴰⵙⴰⵏ ⴰⴽⴷ 11 ⵎⴰⵕⵚ 1974 ⵉⵙⵏⵎⴰⵍⴰⵏ ⵉⵙⵡⵓⴷⴷⵓⵏ ⵜⵉⵎⵔⵙⴰⵍ ⵏ ⵓⵙⵊⵊⵉ ⵉⴹⴼⴰⵕⵏ ⵉ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ;
- ⴰⵙⴰⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.684 ⵉⵙⵏⴼⵍⵏ ⴰⵎⵕⵙⵓⵎ ⵓⵟⵟⵓⵏ 2.15.962 ⵍⵍⵉ ⴷ ⵉⴼⴼⴰⵖⵏ ⴳ 6 ⵊⵓⵎⴷⴰ ⴰⵎⵣⴰⵡⴰⵔⵓ 1437 ⵉⵎⵙⴰⵙⴰⵏ ⴰⴽⴷ 15 ⴱⵕⴰⵢⵕ 2016 ⵉⵥⵍⵉⵏ ⵙ ⵓⵎⵢⴰⵔⴰⵣ ⵏ ⵓⵙⵉⴼⴹ ⴼ ⵉⵙⵔⴷⴰⵙⵏ.
ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⵎⵏⵏⴰⵡ ⵉⵙⵏⵜⵉⵏ ⵉⵎⵕⵙⵓⵎⵏ, ⵉⵙⵎⵏⵉⴷ ⵜⵏ ⵎⴰⵙⵙ ⴼⴰⵡⵣⵉ ⵍⵇⵊⵄ, ⴰⵎⴰⵡⵙⴰⵙ ⴰⵎⴰⵔⵉ ⵖⵔ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵍⵜ, ⵥⵍⵉⵏ ⵉⵎⵕⵙⵓⵎⵏ ⴰⴷ ⵙ :
- ⴰⵙⴰⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.960 ⵉⵥⵍⵉⵏ ⵙ ⵡⴰⴳⴰⵍ ⵏ ⵉⵔⴳⴰⵢⵏ ⵉⵍⵍⴰⵏ ⵅⴼ ⵓⴽⵛⵉⵎⵏ ⵏ ⵣⵣⵉⵜ ⵜⴰⵃⵓⵕⵕⵉⵜ ⴷ ⵣⵣⵉⵜ ⵜⴰⵃⵓⵕⵕⵉⵜ ⵜⴰⵏⵓⴼⵍⴰⵢⵜ ;
- ⴰⵙⴰⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.961 ⵉⵙⵏⴼⵍⵏ ⴰⵎⵕⵙⵓⵎ 2.24.064 ⵍⵍⵉ ⵉⴼⴼⴰⵖⵏ ⵖ 13 ⵕⴰⵊⴰⴱ 1445 ⵉⵎⵙⴰⵙⵏ ⴷ 25 ⵉⵏⵏⴰⵢⵔ 2024 ⵉⵥⵍⵉⵏ ⵙ ⵡⴰⴳⴰⵍ ⵏ ⵉⵔⴳⴰⵢⵏ ⵉⵍⵍⴰⵏ ⵅⴼ ⵓⴽⵛⵉⵎⵏ ⵏ ⵉⵣⴳⴰⵔⵏ / ⵉⵎⵓⴳⴰⵢⵏ ⵉⵎⴳⵔⴰⴷⵏ.
- ⴰⵙⴰⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.962 ⵙ ⵡⴰⴳⴰⵍ ⵏ ⵉⵔⴳⴰⵢⵏ ⵉⵍⵍⴰⵏ ⵅⴼ ⵓⴽⵛⵉⵎⵏ ⵏ ⵡⵓⵍⵍⵉ / ⴰⵅⵙⵉⵡⵏ ⵉⵎⴳⵔⴰⴷⵏ.
- ⴰⵙⴰⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.963 ⵉⵥⵍⵉⵏ ⵙ ⵡⴰⴳⴰⵍ ⵏ ⵉⵔⴳⴰⵢⵏ ⵉⵍⵍⴰⵏ ⵅⴼ ⵓⴽⵛⵉⵎⵏ ⵏ ⵜⴼⵉⵢⵉ ⵏ ⵉⵎⵓⴷⴰⵔ ⵉⵎⴳⵔⴰⴷⵏ ⴷ ⵉⵎⵓⴳⴰⵢⵏ ⴷ ⵡⴰⵖⴰⴹ ⴷ ⵉⵕⴰⵎⴰⵏ.
