ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 31 ⴽⵟⵓⴱⵕ 2024
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 27 ⵖ ⵕⴰⴱⵉⵄ ⴰⵎⴳⴳⴰⵔⵓ ⵕⴰⴱⵉⵄ ⴰⵎⵣⵡⴰⵔⵓ1446 ⵉⵎⵙⴰⵙⴰⵏ ⴰⴽⴷ 31 ⴽⵟⵓⵏⵕ 2024 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵙⵏⵖⵎⵙ ⵅⴼ ⴽⵔⴰ ⵏ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵓⵎⴹⴰⴽⴰⵕ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ 92 ⵏ ⵓⴷⵓⵙⵜⵓⵔ.
- ⴳ ⵜⵣⵡⵓⵔⵉ ⵏ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⴰⵜⵉ ⵏ ⵓⵙⵍⴳⵏ ⵓⵟⵟⵓⵏ 2.24. 957 ⵉⵥⵍⵉⵏ ⵙ ⴷ ⵓⵙⵡⵓⴷⴷⵓ ⵏ ⵜⵎⴰⵡⴰⵙⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵖⴰⵡⵙⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ, ⵉⵙⵎⵏⵉⴷ ⵜ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⴰⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.927 ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.17.226 ⵍⵍⵉ ⴷ ⵉⴼⴼⴰⵖⵏ ⵖ 4 ⵏ ⵛⴰⵡⵡⴰⵍ 1438 ⵉⵎⵙⴰⵙⴰⵏ ⴷ 29 ⵢⵓⵏⵢⵓ 2017 ⵉⵎⵎⴰⵍⴰⵏ ⵏ ⵉⴷⵉⴱⵍⵓⵎⵏ ⴷ ⵉⵙⴽⵉⵍⵏ ⵍⵍⵉ ⵜⵙⴽⴰⵔ ⴰⵔ ⵜⵏ ⵜⴰⴽⴽⴰⵏ ⵉⵙⵏⵉⴳⴰⵏ ⴷ ⵜⵎⵔⵙⴰⵍ ⵉⴹⴼⴰⵕⵏ ⵉ ⵜⵙⴷⴰⵡⵉⵜ ⵏ ⵍⵇⵕⴰⵡⵉⵢⵉⵏ, ⵉⵙⵎⵏⵉⴷ ⵜ ⵎⴰⵙⵙ ⴰⵃⵎⴰⴷ ⵜⵡⴼⵉⵇ, ⴰⵎⴰⵡⵙⴰⵙ ⵏ ⵍⵃⴱⵓⵙ ⴷ ⵜⵖⴰⵡⵙⵉⵡⵉⵏ ⵜⵓⵙⵍⵎⵉⵏ.
ⴹⴰⵕⴰⵜ ⵎⴰⵢⴰⵏⵏ, ⵉⵙⵏⵖⵎⵙ ⵓⵙⵇⵇⵉⵎ ⵏ ⵜⵏⴱⴰⴹⵜ ⵅⴼ ⵜⵓⴳⵜ ⵏ ⵜⵉⵎⵢⴰⵇⵇⴰⵏⵉⵏ ⵜⴳⵔⴰⵖⵍⴰⵏⵉⵏ ⴷ ⵉⵙⵏⵜⵉⵏ ⵓⵙⵍⵉⴷⵏ ⵉⵙⵖⵥⵏ ⵜⵉⵎⵢⴰⵇⵇⴰⵏⵉⵏ ⴰⴷ. ⵉⵙⵎⵏⵉⴷ ⵜⵏⵜ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ. ⴳⴰⵏⵜ ⵜⵉⵎⵢⴰⵇⵇⴰⵏⵉⵏ ⴰⴷ :
- ⴰⴱⵕⵓⵜⵓⴽⵓⵍ ⵉⵙⵏⴼⵍⵏ ⵜⵎⵢⴰⵇⵇⴰⵏⵜ ⵉⵣⵍⵉⵏ ⵙ ⵉⴱⴽⴽⵉⴹⵏ ⴷ ⵉⵎⵢⴰⴳⵏ ⵢⴰⴹⵏ ⵍⵍⵉ ⵉⵉⵜⴰⵡⵙⴰⴽⴰⵔⵏ ⵖ ⵜⴰⵢⵍⴰⵏⵉⵏ ⵉⵜⵜⵓⵙⴳⵎⴰⴹⵏ ⵖ ⵎⵓⵕⵢⴰⵍ ⵖ 4 ⵉⴱⵔⵉⵔ 2004 ⴷ ⵓⵙⵍⴳⵏ ⵓⵜⵜⵓⵏ 49.23 ⵍⵍⵉ ⵉⵙⵖⵥⵏ ⴰⴱⵕⵓⵜⵓⴽⵓⵍ ⴰⴷ. ⵉⴳⴰ ⵓⵡⵜⵜⴰⵙ ⵏ ⴰⴱⵕⵓⵜⵓⴽⵓⵍ ⴰⴷ ⴰⴷ ⵢⵉⵍⵉ ⵓⴼⵔⴰ ⵖ ⵜⴰⵢⵍⴰⵍⵉⵏ ⴷ ⵉⵏⵎⵎⵓⴷⴰ ⴷ ⴰⵢⴷⴰⵜⵏ ⴷ ⵓⵙⴱⴷⴷⵉ ⵏ ⵉⵎⵉⵣⵉ ⵍⵍⵉ ⵉⴽⴽⴰⵜ ⵖ ⵓⵙⵏⵎⴰⵍⴰ ⴷ ⵓⵥⵓⵍⵉ ⵖ ⵜⴰⵢⵍⴰⵍⵉⵏ.
- ⵜⴰⵎⵢⴰⵇⵇⴰⵏⵜ ⵏ ⵜⵉⴽⴽⵉ ⵏ ⵉⵏⴱⴽⴰⴹⵏ ⵏⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⵍⴷⵉⵜ ⵏ ⵀⵓⵍⴰⵏⴹⴰ ⵍⵍⵉ ⵉⵜⵜⵓⵙⴳⵎⴰⴹⵏ ⵖ ⵕⵕⴱⴰⵟ ⵖ 18 ⴷⵓⵊⴰⵏⴱⵉⵔ 2023 ⴷ ⵓⵙⵍⴳⵏ ⵓⵟⵟⵓⵏ 19.24 ⵍⵍⵉ ⵉⵙⵖⵥⵏ ⵜⴰⵎⵢⴰⵇⵇⴰⵏⵜ ⴰⴷ, ⵍⵍⵉ ⵎⵓ ⵉⴳⴰ ⵡⴰⵡⵜⵜⴰⵙ ⵏⵏⵙ ⴰⵎⵢⴰⵡⴰⵙ ⴰⵙⵉⵏⵔⴰⵏ ⵏⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⵍⴷⵉⵜ ⵏ ⵀⵓⵍⴰⵏⴹⴰ ⵖ ⵉⴳⵔ ⵏ ⵓⵣⵏⵉⵔⵏ ⴷ ⵓⵙⴷⵓⵙ ⵏ ⵜⵕⵡⵉ ⵏ ⵓⵙⴱⴷⴷⵉ ⵏ ⵓⴱⴽⴽⵉⴹ ⵉⵣⵔⵉⵏ ⵉ ⵢⵉⵡⵜⵜⴰ ⴷ ⵓⵙⵔⵅⵓ ⵏ ⵜⵉⴽⴽⵉ ⵏ ⵉⵏⴱⴽⴰⴹⵏ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ.
- ⴳ ⵜⴰⵎⴰⵡⴰⵙⵜ ⵏ ⵓⵇⵡⵡⵓⵎ ⴷ ⵡⴰⵎⴰⵏ ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵄⴰⴱⴷ ⵍⵄⵣⵉⵣ ⵥⵕⵡⴰⵍⵉ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⵜⵡⴰⵍ ⵏ ⵡⴰⵎⴰⵏ ;
- ⴳ ⵜⴰⵎⴰⵡⴰⵙⵜ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵥⴽⴰⵡ ⴷ ⵓⵣⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵄⴰⴷⵉⵍ ⵣⵣⴱⴰⴷⵉ, ⴰⵏⵎⵀⴰⵍ ⴰⵏⴰⵎⵓⵔ ⵏ ⵓⵙⵎⵙⴰⵙⴰ ⴷ ⵓⵥⴽⴰⵡ.
