ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ14 ⵏⵓⵡⴰⵏⴱⵉⵔ 2024
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 11 ⵖ ⵊⵓⵎⴰⴷⴰ ⴰⵎⵣⵡⴰⵔⵓ 1446 ⵉⵎⵙⴰⵙⴰⵏ ⴰⴽⴷ 14 ⵏⵓⵡⴰⵏⴱⵉⵔ 2024 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵢⴰⵜ ⵜⴽⵛⵛⵓⵎⵜ ⵜⴰⵣⵓⵏⴰⵏⵜ ⴷ ⵓⵎⴹⴰⴽⴰⵕ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵢⴰⵜ ⵜⵎⵢⴰⵇⴰⴰⵏⵜ ⵜⴰⴳⵔⴰⵖⴰⵍⵜ ⴷ ⵜⵙⵓⵎⴰⵔ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ 92 ⵏ ⵓⴷⵓⵙⵜⵓⵔ.
ⴳ ⵜⵣⵡⵓⵔⵉ ⵏ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴰⴷ, ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵎⴹⴰⴽⴰⵕ ⴼ ⵜⴽⵛⵛⵓⵎⵜ ⵉⵥⵍⵉⵏ ⵙ ⵓⴽⵛⵓⵎ ⵙ ⵜⵎⵔⵙⴰⵍ ⵏ ⵓⵙⵎⵓⵜⵜⴳ ⴰⵣⵣⵓⵍⴰⵏ ⵏ ⵓⵙⴳⴳⵯⴰⵙ 2024-2025 ⵍⵍⵉ ⵉⵙⵎⵏⵉⴷ ⵎⴰⵙⵙ ⵢⵓⵏⵙ ⵙⴽⴽⵓⵔⵉ ⵓⴱⴰⵃⵙⵙⵓ, ⴰⵎⴰⵡⵙⴰⵙ ⵏ ⵓⵙⴷⵉⴼ ⴰⴷⵎⵙⴰⵏ ⴷ ⵜⵎⵙⵏⵜⴰⵢ ⵎⵥⵥⵉⵏ ⴷ ⵓⵙⵡⵓⵔⵉ ⴷ ⵜⵎⵙⵙⵓⴳⴰⵔ ⴳ ⵓⵙⵇⵇⵉⵎ ⵓⵏⴱⵉⴷ ⵍⵍⵉ ⵉⵣⵔⵉⵏ ⴰⵙⵙ ⵏ ⵓⴽⵡⴰⵙ 24 ⴽⵓⵟⵓⴱⵕ 2024.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⴰⵜⵉ ⵏ ⵓⵙⵍⴳⵏ ⵓⵟⵟⵓⵏ 61.24 ⵍⵍⵉ ⵉⵙⵖⵥⵏ ⴰⵎⵕⵙⵓⵎ ⴰⴷ ⵉⴳ ⴰⵙⵍⴳⵏ ⵓⵟⵟⵓⵏ 2.24.728 ⵍⵍⵉ ⴷ ⵉⴼⴼⴰⵖⵏ 23 ⵔⴰⴱⵉⵄ ⴰⵎⵣⵡⴰⵔⵓ 1446 ( 27 ⵛⵓⵜⴰⵏⴱⵉⵔ 2024) ⵉⵙⵖⵓⴷⴰⵏ ⴰⵙⵍⴳⵏ ⵓⵟⵟⵓⵏ 17. 04 ⵉⴳⴰⵏ ⴰⵙⵍⴳⵏ ⵏ ⵉⵙⴰⴼⴰⵔⵏ ⴷ ⵜⵙⵏⵙⴼⴰⵔⵜ, ⵉⵙⵎⵏⵉⴷ ⵜ ⵎⴰⵙⵙ ⴰⵎⵉⵏ ⵟⵟⴰⵀⵔⴰⵡⵉ, ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ.
- ⴰⵢⵍⵍⵉ ⵉⵥⵍⵉⵏ ⵙ ⵓⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 34.21 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵙⵍⴳⵏ ⵓⵟⵟⵓⵏ 25.90 ⵉⵥⵍⵉⵏ ⵙ ⵜⵣⵓⵣⵏⵉⵏ ⵜⵉⴼⵔⴽⴰⵏⵉⵏ ⴷ ⵜⵔⵓⴱⴱⴰ ⵏ ⵓⵣⴷⴷⵓⵖ ⴷ ⵜⴱⵟⵟⵉ ⵏ ⵉⴼⵔⴽⴰⵏⵏ, ⵔⴰⴷ ⵉⵣⵔⵉ ⵖ ⵓⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⴷ ⵉⴷⴷⴰⵏ.
- ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⴰⵜⵉ ⵏ ⵓⵎⵕⵙⵓⵎ ⵓⵟⵟⵓⵏ2.24.966 ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.17.743 ⵍⵍⵉ ⴷ ⵉⴼⴼⴰⵖⵏ 5 ⵛⵡⵡⴰⵍ 1439 (19 ⵢⵓⵏⵢⵓ 2018) ⵉⵎⴰⵍⵍⴰⵏ ⵉⵎⵓⵙⵙⵓⵜⵏ ⵍⵍⵉ ⵜⴳⴳⴰⵏⵜ ⵜⵎⵙⵙⵓⵔⵉⵏ ⵏ ⵜⵎⴳⵓⵔⵉ ⵃⵎⴰ ⴰⴷ ⵓⵔ ⴼⵔⵓⵏⵜ ⵉⵔⴳⴰⵢⵏ ⵉⵍⵍⴰⵏ ⴳ ⵓⵎⴰⴳⵔⴰⴷ 6 ((II-ⴱ-4°) ⴳ ⵓⵙⵍⴳⵏ ⴰⵎⴰⵜⴰⵢ ⵏ ⵉⵔⴳⴰⵢⵏ, ⵉⵙⵎⵏⵉⴷ ⵜ ⵎⴰⵙⵙ ⵄⴰⴱⴷ ⵍⵍⴰⵜⵉⴼ ⵍⵡⵉⴷⵉⵢ, ⴰⵎⴰⵡⵙⴰⵙ ⴰⵎⴰⵔⵉ ⵖⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⵙⵓⴳⵓⵔⵜ ⵏ ⵓⵎⵣⴰⵖ ⴰⵏⴰⵎⵓⵔ ⵖ ⵓⴷⵖⴰⵔ ⵏ ⵎⴰⵙⵙ ⴼⴰⵡⵣⵉ ⵍⵇⵊⵄ, ⴰⵎⴰⵡⵙⴰⵙ ⴰⵎⴰⵔⵉ ⵖⵓⵔ ⵜⵎⴰⵡⵙⴰⵙⵜ ⵏ ⵜⵥⵕⴼⵜ ⴷ ⵜⴷⴰⵎⵙⴰ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵍⵜ.
ⵉⴹⴼⴰⵕ ⵓⵙⵇⵇⵉⵎ ⵏ ⵜⴱⴰⴷⵜ ⵜⴰⵡⵓⵔⵉ ⵏⵏⵙ ⵉⵙⵏⵖⵎⵙ ⵅⴼ ⵢⴰⵜ ⵜⵉⵎⵢⴰⵇⵇⴰⵏⵜ ⵏ ⵓⵙⵉⴷⴼ ⵏ ⵜⵣⵔⴼⵜ ⴳ ⵓⵙⵡⵉⵔ ⴰⴳⵔⴰⵖⵍⴰⵏ, ⵉⵜⵜⵓⵙⵎⴳⴹⵏ ⴳ ⵍⴰⵀⴰⵢ ⴳ 25 ⵓⴽⵜⵓⴱⵕ 1980 ⴷ ⵓⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 34.23 ⵍⵍⵉ ⵉⵙⵖⵥⵏ ⵜⴰⵎⵢⴰⵇⵇⴰⵏⵜ ⴰⴷ, ⵉⵙⵎⵏⵉⴷ ⵜⵏ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ.
- ⴳ ⵜⴰⵎⴰⵡⴰⵙⵜ ⵏ ⵏ ⵓⵎⵓⵜⵜⵉ ⴰⵎⵥⴹⴰⵕ ⴷ ⵜⴳⵎⵉ ⵜⴰⵙⵓⵍⴰⵏⵜ-ⵉⴳⵔ ⵏ ⵓⵎⵓⵜⵜⵉ ⴰⵎⵥⴹⴰⵕ, ⵉⵜⵜⵓⵙⵏⵎⴰⵍⴰ:
- ⵎⴰⵙⵙ ⵃⴰⵎⵉⴷ ⵍⵃⵏⵚⴰⵍⵉ, ⴰⵎⴳⴳⵡⵙ ;
- ⴳ ⵜⴰⵎⴰⵡⴰⵙⵜ ⵏ ⵓⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵏ ⴷ ⵓⵥⴽⴰⵡ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ, ⵜⵜⵓⵙⵏⵎⴰⵍⴰⵏ :
- ⵎⴰⵙⵙ ⵄⴰⴱⴷ ⵍⵃⴰⵢ ⵄⵎⵎⵓⵔ, ⴰⵏⵎⵀⴰⵍ ⵏ ⵜⵙⵏⵓⵔⴰⵢⵜ ⵜⵓⵖⵔⵉⵎⵜ ⵏ ⴷⴷⴰⵅⵍⴰ-ⵡⴰⴷ ⴷⴷⴰⵀⴰⴱ ;
- ⵎⴰⵙⵙ ⵎⵓⵏⵉⵔ ⴱⵖⴷⴰⴷ, ⴰⵏⵎⵀⴰⵍ ⵏ ⵜⵉⵏⵎⵍ ⵜⴰⵏⴰⵎⵓⵔⵜ ⵏ ⵓⵥⵟⵟⴰ ⴰⵖⵔⵎⴰⵏ ⴳ ⵜⵉⵟⵡⴰⵏ.
