ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 12 ⴷⵓⵊⴰⵏⴱⵉⵔ 2024
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 10 ⵖ ⵊⵓⵎⴰⴷⴰ ⴰⵎⴳⴳⴰⵔⵓ 1446 ⵉⵎⵙⴰⵙⴰⵏ ⴰⴽⴷ 12 ⴷⵓⵊⴰⵏⴱⵉⵔ 2024 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵙⵓⵙⵏ ⵏ ⵙⵏⴰⵜ ⵜⵎⵢⴰⵇⵇⴰⵏⵉⵏ ⵜⴰⴳⵔⴰⵖⵍⴰⵏⵉⵏ ⴷ ⵜⵙⵓⵎⴰⵔ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ 92 ⵏ ⵓⴷⵓⵙⵜⵓⵔ.
- ⴳ ⵜⵣⵡⵓⵔⵉ ⵏ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⴰⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.1090 ⵍⵍⵉ ⵉⵙⵖⵥⵏ ⵜⴰⵙⵔⵜⵉⵜ ⵏ ⵜⵉⵎⵛⵛⵔⴽⴰ ⵏ ⵓⵡⴰⵏⴽ, ⵜⵙⵎⵉⴷ ⵜ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ, ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵔⴼⵜ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⴰⵜⵉ ⵏ ⵓⵎⵕⵙⵓⵎ ⵙⵍⴳⵏ ⵓⵟⵟⵓⵏ 2.23.725 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.18.738 ⵍⵍⵉ ⴷ ⵉⴼⴼⴰⵖⵏ ⴳ 22 ⵔⴰⴱⵉⵄ ⴰⵎⵣⵡⴰⵔⵓ 1440 (30 ⵏⵓⵡⵏⴱⵉⵔ 2018) ⵉⵥⵍⵉⵏ ⵙ ⵓⵙⴽⴰⵔ ⵏ ⵜⵙⴳⴰ ⵜⴰⴷⵔⴼⵉⵜ ⵏ ⵉⵙⴰⴼⵓⴹⵏ ⴳ ⵙⵓⵙ ⵎⴰⵙⵙⴰ, ⵉⵙⵎⵏⵉⴷ ⵜ ⵎⴰⵙⵙ ⵕⵢⴰⴹ ⵎⵣⵡⴰⵕ ⴰⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⴰⵜⵉ ⵏ ⵓⵎⵕⵙⵓⵎ ⵙⵍⴳⵏ ⵓⵟⵟⵓⵏ 2.24.1056 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.23.545 ⴷ 2.23.548 ⵉⵥⵍⵉⵏ ⵙ ⵓⵏⴳⵔⴰⵡⵏ ⵉⴷⵙⵍⴰⵏⵏ ⵏ ⵜⵙⵏⵓⵔⴰⵢ ⵏ ⵉⵙⴰⵍⵎⴰⴷⵏ ⵉⵎⵔⵣⵓⵜⵏ, ⵉⵙⵎⵏⵉⴷ ⵜ ⵎⴰⵙⵙ ⵄⴰⵣⴷⴷⵉⵏ ⵎⵉⴷⴰⵡⵉ, ⴰⵎⴰⵡⵙⴰⵙ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ.
ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵡⵓⵔⵉⵡⵉⵏ ⵏⵏⵙ, ⵉⵙⵏⵖⵎⵙ ⵅⴼ ⵙⵏⴰⵜ ⵜⵉⵎⵢⴰⵇⵇⴰⵏⵉⵏ ⵜⴰⴳⵔⴰⵖⵍⴰⵏⵉⵏ ⴷ ⵙⵉⵏ ⵉⵙⵏⵜⴰⵢ ⵓⵙⵍⵉⴳⵏ ⵙⵔⵙⵏⵜ ⵉⵥⵍⵉⵏ, ⵉⵙⵎⵏⵉⴷ ⵜⵏ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ. ⵥⵍⵉⵏ ⵙ :
- ⵜⴰⵎⵢⴰⵇⵇⴰⵏⵜ (ⴰⵏⴼⴰⵔⴰ) ⵉⵥⵍⵉⵏ ⵙ ⵜⵡⵉⵙⵉ ⵜⴰⵣⵓⵍⵍⴰⵏⵜ ⴳ ⵉⴳⵔ ⵏ ⵉⵔⴳⴰⵏ ⵏⴳⵔ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵏⴱⴰⴹⵜ ⵏ ⵜⴳⴷⵓⴷⴰⵏⵜ ⵏ ⵖⵉⵏⵢⴰ ⴱⵉⵙⴰⵡ, ⵍⵍⵉ ⵉⵜⵜⵙⴳⵎⴹⵏ ⴳ ⵍⵄⵢⵓⵏ ⴳ 16 ⵢⵓⵍⵢⵓ 2024, ⴷ ⵓⵙⴰⵜⵉ ⵏ ⵓⵙⵍⴳⵏ 47.24 ⵍⵍⵉ ⵉⵙⵖⵥⵏ ⴰⵏⴼⴰⵔⴰ ⴰⴷ.
ⵉⴳⴰ ⵓⵡⵜⵜⴰⵙ ⵏⵏⵙ ⴰⵙⵖⵓⴷⵓ ⵏ ⵓⵎⵢⴰⵡⴰⵙ ⵏⴳⵔ ⵜⵎⵉⵣⴰⵔ ⵙ ⵙⵏⴰⵜ ⴳ ⵉⴳⵔ ⵏ ⵓⵙⴱⴷⴷⵉ ⵏ ⵉⵣⴳⴳⴰⵍⵏ ⵏ ⵉⵔⴳⴰⵢⵏ ⴷ ⵓⵙⴷⵓⵙ ⴷ ⵓⵙⴱⵓⵖⵍⵓ ⵏ ⵜⵎⵙⴽⴰⵔ ⵏ ⵜⵡⵉⵙⵉ ⵏ ⵓⵎⵛⵛⵔⴽ ⵏⴳⵔ ⵜⵉⵎⵙⵙⵓⴳⴰⵔ ⵏ ⵉⵔⴳⴰⵢⵏ ⵏ ⵜⵎⵉⵣⴰⵔ ⵙ ⵙⵏⴰⵜ ⵃⵎⴰ ⴰⴷ ⵢⵉⵍⵉ ⵓⵙⵡⵓⴷⴷⵓ ⵏ ⵉⵙⵍⴳⵏ ⵏ ⵉⵔⴳⵢⴰⵏ ⴷ ⵜⵉⴹⴰⴼ ⴳ ⵉⵣⴳⴳⴰⵍⵏ ⴷ ⵓⵔⵣⵣⵓ ⵏⵏⵙⵏ ⴷ ⵓⵖⵜⵍ ⵏⵏⵙⵏ. - ⵜⴰⵎⵢⴰⵇⵇⴰⵏⵜ (ⴰⵏⴼⴰⵔⴰ) ⵉⵥⵍⵉⵏ ⵙ ⵡⴰⵙⵙⴰⵢ ⴰⴳⵔⴰⵖⵍⴰⵏ ⵏ ⵉⵏⵎⵎⵓⴷⴰ ⴷ ⵜⵏⵣⵣⵓⵜⵉⵏ ⵏⴳⵔ ⵜⴰⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵏⴱⴰⴹⵜ ⵏ ⵜⴳⴷⵓⴷⴰⵏⵜ ⵏ ⵖⵉⵏⵢⴰ ⴱⵉⵙⴰⵡ, ⵍⵍⵉ ⵉⵜⵜⵙⴳⵎⴹⵏ ⴳ ⵍⵄⵢⵓⵏ ⴳ 16 ⵢⵓⵍⵢⵓ 2024, ⴷ ⵓⵙⴰⵜⵉ ⵏ ⵓⵙⵍⴳⵏ 48.24 ⵍⵍⵉ ⵉⵙⵖⵥⵏ ⴰⵏⴼⴰⵔⴰ ⴰⴷ.
ⵉⴳⴰ ⵓⵡⵜⵜⴰⵙ ⵏⵏⵙ ⴰⵙⵖⵓⴷⵓ ⵏ ⵡⴰⵙⵙⴰⵢ ⵏ ⵉⵏⵎⵓⴷⴷⴰ ⴷ ⵏⴳⵔ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵖⵉⵏⵢⴰ ⴱⵉⵙⵙⴰⵡ ⵙ ⵖⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵙⵖⵓⴷⵓ ⴷ ⵓⵙⵎⵖⵔ ⵏ ⵉⵙⵏⴼⴰⵍ ⵏ ⵜⵙⴱⴱⴰⴱⵜ ⵏⴳⵔ ⵜⵎⵉⵣⴰⵔ ⵙ ⵙⵏⴰⵜ ⴷ ⵓⵙⵎⵓⵜⵜⴳ ⵏ ⵜⵣⴷⴰⵢⵉⵏ ⵜⵉⴷⴰⵎⵙⴰⵏⵉⵏ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ.
- ⴳ ⵜⴰⵎⴰⵡⴰⵙⵜ ⵏ ⵜⵎⴰⵍⵍⴰⵢⵜ ⴷ ⵜⵉⵏⵉⴹⵉ ⵜⴷⴰⵎⵙⴰ ⵜⴰⵏⴰⵎⵓⵏⵜ ⴷ ⵓⵎⵢⴰⵡⴰⵙ- ⵉⴳⵔ ⵏ ⵜⵉⵏⵉⴹⵉ ⵜⴷⴰⵎⵙⴰ ⵜⴰⵏⴰⵎⵓⵏⵜ :
- ⵎⴰⵙⵙⴰ ⴰⵙⵎⴰ ⵍⵇⴰⴷⵉⵔⵉ, ⵜⴰⵏⵎⵀⴰⵍⵜ ⵏ ⵜⵙⵜⵕⴰⵜⵉⵊⵉⵜ ⵏ ⵓⵙⵖⵉⵡⵙ ⴷ ⵓⵎⵢⴰⵡⴰⵙ ;
- ⴳ ⵜⴰⵎⴰⵡⴰⵙⵜ ⵏ ⵓⵇⵡⵡⵓⵎ ⴷ ⵡⴰⵎⴰⵏ, ⵉⵜⵜⵓⵙⵏⵎⴰⵍⴰ:
- ⵎⴰⵙⵙ ⵎⵓⵃⵎⵎⴰⴷ ⴷⴷⵅⵉⵙⵉ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⴰⵙⵏⵣⵡⵉⵜ ;
- ⴳ ⵜⴰⵎⴰⵡⴰⵙⵜ ⵏ ⵜⵎⴰⵡⵙⴰⵙⵜ ⵏ ⵓⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵥⴽⴰⵡ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ, ⵜⴻⵜⵜⵓⵙⵏⵎⴰⵍ :
- ⵎⴰⵙⵙⴰ ⵙⴰⵍⵎⴰ ⴱⵏⵣⴱⵉⵔ, ⵜⴰⵏⵎⵀⴰⵍⵜ ⵏ ⵏ ⵜⵙⵏⵓⵔⴰⵢⵜ ⵜⴰⵎⴰⵜⴰⵢⵜ ⵏ ⵉⴳⵉⵜⵏ ⵉⵏⴰⵎⵓⵏⵏ ⵏ ⵜⵎⴰⵡⵙⴰⵙⵜ ⵏ ⵓⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵥⴽⴰⵡ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ ;
- ⴳ ⵜⴰⵎⴰⵡⴰⵙⵜ ⵜⴰⵎⴰⵔⵉⵜ ⵖⵓⵔ ⵓⵏⵙⵙⵉⵅⴼ ⵏⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵙⴰⵔⵓ ⴷ ⵜⵎⵍⴰⵍⵉⵜ ⴷ ⵓⵙⵜⴰⵍ ⵏ ⵜⵙⵔⵜⴰⵢ ⵜⵉⴳⴷⵓⴷⵏⵉⵏ, ⵉⵜⵜⵓⵙⵏⵎⴰⵍⴰ:
- ⵎⴰⵙⵙ ⵢⴰⵙⵉⵏ ⵜⵜⴰⵣⵉ, ⴰⵏⵎⵀⴰⵍ ⵏ ⵡⴰⵎⵎⴰⵙ ⴰⵙⴳⴰⵡⴰⵏ ⵏ ⵓⵙⵙⴰⵔⵓ ⵏ ⵜⵙⴳⴰ ⵏ ⵏ ⵟⴰⵏⵊⴰ ⵜⵉⵟⴰⵡⵉⵏ ⵍⵃⵙⴰⵢⵎⴰ.
- ⴳ ⵜⴰⵎⴰⵡⴰⵙⵜ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ, ⵜⴻⵜⵜⵓⵙⵎⴰⵍⴰ:
- ⵎⴰⵙⵙⴰ ⵄⴰⴼⴰⴼ ⵙⴰⵄⵉⴷⵉ, ⵜⴰⵏⵎⵀⴰⵍⵜ ⵏ ⵜⴰⵎⴳⵓⵔⵉ ⵏ ⵜⴰⵢⵍⴰⵍⵏⵉⵏ ⴷ ⴰⵙⵙⴰⵢ ⵏ ⵡⵓⵣⵣⴰⵍ ⴷ ⵜⵉⵖⵔⴱⴰⵏⵉⵏ ⴷ ⵜⵥⴹⴰⵕⵉⵏ ⵉⵜⵜⵓⵙⵎⴰⵢⵏⵓⵏ.
