ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 09 ⵉⵏⵏⴰⵢⵔ 2025
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 8 ⵕⴰⵊⴱ 1446 ⵉⵎⵙⴰⵙⴰⵏ ⴰⴽⴷ 09 ⵉⵏⵏⴰⵢⵔ 2025 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵙⵓⵙⵏ ⵏ ⵜⵎⵢⴰⵇⵇⴰⵏⵉⵏ ⵜⴰⴳⵔⴰⵖⵍⴰⵏⵉⵏ ⴷ ⵜⵙⵓⵎⴰⵔ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ 92 ⵏ ⵓⴷⵓⵙⵜⵓⵔ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⵓⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24833 ⵉⵥⵍⵉⵏ ⵙ ⵉⵎⵃⵉⵣⵡⵔⵏ ⵏ ⵓⵙⵙⵓⴳⵔ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ, ⵉⵙⵎⵏⵉⴷ ⵜ ⵎⴰⵙⵙ ⵎⵓⵃⵎⵎⴰⴷ ⵙⴰⵄⴷ ⴱⵕⵕⴰⴷⴰ, ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵜ.
ⵉⴷⴷⴰ ⴷ ⵓⵙⵏⵜⵉ ⴰⴷ ⴳ ⵓⵙⴰⵜⵉ ⵏ ⵜⵎⴳⴳⵉⵢⵉⵏ ⵉⵜⵜⴰⵡⵙⴰⴽⴰⵔⵏ ⴳ ⵓⵙⵏⴼⵍ ⵏ ⵓⵙⴰⵜⵉ ⵓⵍⴳⵉⵏ ⵉⵥⵍⵉⵏ ⵙ ⵉⵎⵃⵉⵣⵡⵓⵔⵏ ⵏ ⵓⵙⵙⵓⴳⵔ, ⵙ ⵜⵖⵔⴰⵙⵜ ⵏ ⵓⵎⵙⴰⵙⴰ ⵏ ⴰⵢⵍⵍⵉ ⴷ ⵉⴷⴷⴰⵏ ⴳ ⵓⵎⵕⵙⵓⵎ ⵓⵟⵟⵓⵏ 2.24.140 ⵍⵍⵉ ⴷ ⵉⴼⴼⴰⵖⵏ 13 ⵛⴰⵄⴱⴰⵏ 1445 ⵉⵎⵙⴰⵙⴰⵏ ⴷ 23 ⴱⵔⴰⵢⵔ 2024 ⵉⵥⵍⵉⵏ ⵙ ⵓⵏⴳⵔⴰⵡ ⴰⴷⵙⵍⴰⵏ ⵏ ⵉⵎⵙⵖⴰⵏⵏ ⵏ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ.
ⵉⴳⴰ ⵓⵡⵜⵜⴰⵙ ⵏ ⵓⵙⵏⵜⵉ ⴰⴷ ⴰⵣⵣⵔⴰⵢ ⴰⵎⴰⵜⴰⵢ ⵏ ⵓⵎⵕⵙⵓⵎ ⵓⵟⵟⵓⵏ 2.90.935 ⵍⵍⵉ ⴷ ⵉⴼⴼⴰⵖⵏ ⴳ 2 ⵕⵎⴹⴰⵏ 1413 ⵉⵎⵙⴰⵙⴰⵏ ⴷ 24 ⴱⵕⴰⵢⵔ 1993 ⵉⵥⵍⵉ ⵙ ⵓⵙⵎⵃⵉⵣⵡⵔ ⵏ ⵓⵙⵙⵓⴳⵔ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴳ ⵎⵏⵏⴰⵡ ⵉⴳⵔⴰⵏ ⵏ ⵓⵙⵍⵎⴷ ⵃⵎⴰ ⴰⴷ ⵢⵉⵍⵉ ⵓⵙⵉⴷⴼ ⵙ ⵓⵙⵍⵎⴰⴷ ⴰⵎⵙⵙⵓⴳⵔ ⵏ ⵓⵙⴳⵎⵉ ⴳ ⵜⵙⴽⵯⴼⵍⵜ ⵜⴰⵎⵣⵡⴰⵔⵓⵜ. - ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⴰⵜⵉ ⵏ ⵓⵎⵕⵙⵓⵎ ⵓⵟⵟⵓⵏ n°2.24.1124 ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.73.454 ⵍⵍⵉ ⴷ ⵉⴼⴼⴰⵖⵏ 27 ⴷⵉⵍⵃⵉⵊⵊⴰ 1394 ⵉⵎⵙⴰⵙⴰⵏ ⴷ 10 ⵉⵏⵏⴰⵢⵔ 1975 ⵉⵥⵍⵉⵏ ⵓⵃⵟⵟⵓ ⵏ ⵉⵕⵟⵟⴰⵍⵏ ⴰⵢⵍⴰⵏⵏ, ⵜⵙⵎⵏⵉⴷ ⵜ ⵎⴰⵙⵙⴰ ⵣⴰⴽⵢⴰ ⴷⴷⵕⵉⵡⵉⵛ, ⵜⴰⵎⴰⵔⵉⵜ ⵏ ⵡⴰⵏⴽ ⵖⵓⵔ ⵓⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴳⴰⵏⵉⵏ ⵉⵜⵜⵓⵙⵎⴰⴳⴰⵍⵏ ⵙ ⵜⴳⵎⵔⵜ ⵜⴰⵢⵍⴰⵏⵜ.
ⵉⴷⴷⴰ ⴷ ⵓⵙⵏⵜⵉ ⴰⴷ ⵃⵎⴰ ⴰⴷ ⵉⵙⵏⴼⵍ ⴰⵢⵍⵍⵉ ⴷ ⵉⴷⴷⴰⵏ ⴳ ⵓⵎⴰⴳⵔⴰⴷ ⵡⵉⵙ ⵙⵉⵏ ⵏ ⵓⵎⵕⵙⵓⵎ ⵅⴼ ⵏⵙⴰⵡⵍ ⵖ ⵓⴼⵍⵍⴰ ⵓⵟⵟⵓⵏ 2.73.454 ⵉⵥⵍⵉⵏ ⵓⵃⵟⵟⵓ ⵏ ⵉⵕⵟⵟⴰⵍⵏ ⴰⵢⵍⴰⵏⵏ ⵙ ⵓⵙⵔⵓⵙ ⵏ ⵓⴹⵕⵉⵚ ⵉⵎⵎⴰⵍⴰⵏ ⵜⵡⵓⵔⵉⵡⵉⵏ ⵏ ⵉⵥⵍⵉⵏ ⵓⵃⵟⵟⵓ ⵏ ⵉⵕⵟⵟⴰⵍⵏ ⴰⵢⵍⴰⵏⵏ ⵏ ⵉⴱⵓⵕⴽⴰ ⵏ ⵜⴳⵎⵔⵜ ⵙ ⵓⵎⵙⴰⵙⴰ ⴷ ⵓⵣⵔⵔⴰⴼ ⵉⵜⵜⴳⴰⵏ ⴳ ⵎⵏⵓⴷ ⴰⴷ ⵖⵔ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵜⴳⵎⵔⵜ ⵜⴰⵢⵍⴰⵏⵜ ⵏⵖⴷ ⵡⴰⴷⴰ ⵎⵓ ⵜⵜⵓⴼⴽⴰ ⵜⵡⵓⵔⵉ ⴰⴷ.
ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵡⵓⵔⵉⵡⵉⵏ ⵏⵏⵙ, ⵉⵙⵏⵖⵎⵙ ⵅⴼ ⴽⵔⴰ ⵏ ⵜⵉⵎⵢⴰⵇⵇⴰⵏⵉⵏ ⵜⴰⴳⵔⴰⵖⵍⴰⵏⵉⵏ, ⵉⵙⵎⵏⵉⴷ ⵜⵏⵜ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ. ⵥⵍⵉⵏ ⵙ :
- ⵜⴰⵎⵢⴰⵇⵇⴰⵏⵜ ⵜⴰⵙⴰⵜⵉⵜ ⵏ ⵓⵎⵢⴰⵡⴰⵙ ⴳ ⵉⴳⵔ ⵏ ⵓⵍⵓⵊⵉⵙⵜⵉ ⵏⴳⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵏⴱⴰⴹⵜ ⵏ ⵜⴳⴷⵓⴷⴰⵏⵜ ⴰⴷⵉⵔⴱⵉⵊⴰⵏ ⵉⵜⵜⵓⴳⵎⴹⵏ ⴳ 13 ⵏⵓⵡⴰⵏⴱⵉⵔ 2023 ⴷ ⵓⵙⴰⵜⵉ ⵏ ⵓⵙⵍⴳⵏ ⵓⵟⵟⵓⵏ13.24 ⵍⵍⵉ ⵉⵙⵖⵥⵏ ⵜⴰⵎⵢⴰⵇⵇⴰⵏⵜ ⴰⴷ ⵜⴰⵙⴰⵜⵉⵜ.
ⵉⴳⴰ ⵓⵡⵜⵜⴰⵙ ⵜⵎⵢⴰⵇⵇⴰⵏⵜ ⵜⴰⵙⴰⵜⵉⵜ ⴰⵙⵔⵓⵙ ⵏ ⵓⵎⵢⴰⵡⴰⵙ ⵖ ⵉⵍⵍⴰ ⵚⴰⵃⴰ ⵉ ⵜⵎⵉⵣⴰⵔ ⵙ ⵙⵏⴰⵜ ⴳ ⵉⴳⵔ ⵏ ⵓⵍⵓⵊⵉⵙⵜⵉ ⴷ ⵓⵙⵖⵓⴷⵓ ⵏ ⵜⵣⴷⴰⵢⵉⵏ ⵜⵉⵍⵉⵓⵙⵜⵉⵏ ⵉⵣⴷⵉⵏ ⵙ ⵉⵙⵏⴼⴰⵍ ⵏ ⵜⵙⴱⴱⴰⴱⵜ ⴷ ⵓⵙⵖⵓⴷⵓ ⵏ ⵜⵎⵙⵙⵓⴳⴰⵔ ⴳ ⵜⵓⵣⵣⵓⵍⵉⵏ ⵏ ⵓⵍⵓⵊⵉⵙⵜⵉ. - ⵜⴰⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⵏⴳⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵏⴱⴰⴹⵜ ⵏ ⵜⴳⴷⵓⴷⴰⵏⵜ ⴰⴷⵉⵔⴱⵉⵊⴰⵏ ⴳ ⵉⴳⵔ ⵏ ⵜⵥⴹⴰⵕⵜ ⵉⵜⵜⵓⴳⵎⴹⵏ ⴳ 13 ⵏⵓⵡⴰⵏⴱⵉⵔ 2023.
ⵉⴳⴰ ⵓⵡⵜⵜⴰⵙ ⵜⵎⵢⴰⵇⵇⴰⵏⵜ ⴰⵙⵔⵓⵙ ⵏ ⵉⵍⵓⴳⵏⵏ ⵏ ⵓⵎⵢⴰⵡⴰⵙ ⵙ ⵓⵙⵏⴼⵍ ⵏ ⵜⵎⵓⵛⴰ ⴳ ⵉⴳⵔ ⵏ ⵓⴳⴰⵣ ⴷ ⵓⵎⴰⵖⵓⵣ, ⴷ ⵓⵙⵏⵎⵍⴰ ⵏ ⵜⴰⵎⵎⴰⴽⵉⵏ ⵏ ⵓⵎⵢⴰⵡⴰⵙ ⴳ ⵉⴳⵔ ⵏ ⵜⵏⵉⴼⴰ ⵉⵥⴷⵉⵏ ⵙ ⵉⵙⵓⴳⴰⵎ ⵏ ⵜⵥⴹⴰⵕⵜ ⴷ ⵓⵙⴽⴰⵔ ⵏ ⵏ ⵉⵔⵣⵣⵓⵜⵏ ⵉⵎⴰⵙⵙⴰⵏ ⴷ ⵉⵜⵉⵇⵏⵉⵏ ⴷⴰⵔ ⵜⴰⵣⴷⴰⵢⵜ ⴷ ⵉⴳⵔ ⵏ ⵜⵥⴹⴰⵕⵜ ⴷ ⵓⵎⵢⴰⵡⴰⵙ ⴳ ⵉⴳⵔ ⵏ ⵜⵥⴹⴰⵔⵉⵏ ⵉⵜⵜⵓⵙⵎⴰⵢⵏⵓⵜⵏ ⴷ ⵜⵎⵎⴰⴽⵜ ⵏ ⵓⵙⵡⵓⵔⵉ ⵏⵏⵙⵜ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ:
- ⴳ ⵓⵙⵡⵉⵔ ⵏ ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵕⵉⵃⵉⵎ ⵟⵟⵓⵕ, ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵉⵎⴰⵙⵙⴰⵏ ⵓⵍⵉⴳⵏ ⴷ ⵉⴷⴰⵎⵙⴰⵏ ⴷ ⵉⵏⴰⵎⵓⵏⵏ ⴳ ⴰⵢⵜ ⵎⵍⵍⵓⵍ
- ⴳ ⵜⵎⴰⵡⴰⵙⵜ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵚⴽⴰⵡ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵊⴰⵎⴰⵍ ⵃⴰⵏⴰⴼⵉ, ⴰⵏⵎⵀⴰⵍ ⵏ ⵜⵙⵏⵓⵔⴰⵢⵜ ⵜⴰⵖⵔⵎⴰⵏⵜ ⵏ ⵍⵃⵙⴰⵢⵎⴰ ;
- ⴳ ⵜⵎⴰⵡⴰⵙⵜ ⵏ ⵜⴰⵎⴰⵔⵉⵜ ⵖⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵙⴰⵔⵓ ⴷ ⵓⵏⵎⴰⴳⴰⵔ ⴷ ⵓⵙⵜⴰⵍ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵎⵓⵃⵎⵎⴰⴷ ⵊⴰⵄⴰⵢⴼⴰⵔ, ⴰⵏⵎⵀⴰⵍ ⵏ ⵡⴰⵎⵎⴰⵙ ⴰⵙⴳⴰⵡⴰⵏ ⵏ ⵓⵙⵙⴰⵔⵓ ⵏ ⵜⵙⴳⴰ ⵏ ⵍⵄⵢⵓⵏ-ⵙⵙⴰⵇⵉⵢⴰ ⵍⵃⴰⵎⵕⴰ.
- ⵎⴰⵙⵙ ⵎⵓⵃⵎⵎⴰⴷ ⵊⴰⵄⴰⵢⴼⴰⵔ, ⴰⵏⵎⵀⴰⵍ ⵏ ⵡⴰⵎⵎⴰⵙ ⴰⵙⴳⴰⵡⴰⵏ ⵏ ⵓⵙⵙⴰⵔⵓ ⵏ ⵜⵙⴳⴰ ⵏ ⵍⵄⵢⵓⵏ-ⵙⵙⴰⵇⵉⵢⴰ ⵍⵃⴰⵎⵕⴰ.
