ⵔⴰⴷ ⵜⴼⴼⵖ ⵜⴰⵙⵜⵔⴰⵜⵉⵊⵉⵜ” ⵍⵎⵖⵔⵉⴱ ⴰⵎⴰⵟⵟⵓⵏ 2030 “ ⴳ ⵉⴷ ⵉⵎⴰⵍⴰⵙⵙ ⴷ ⵢⵓⵛⴽⴰⵏ (ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵄⴰⵣⵉⵣ ⴰⵅⵏⵓⵛ)
ⵉⵏⵏⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵄⴰⵣⵉⵣ ⴰⵅⵏⵓⵛ ⴰⵙⵙ ⵏ ⵓⴽⵔⴰⵙ ⴳ ⵎⵔⵔⴰⴽⵛ ⵎⴰⵙ ⵔⴰⴷ ⵜⴼⴼⵖ ⵜⴰⵙⵜⵔⴰⵜⵉⵊⵉⵜ ⵍⵎⵖⵔⵉⴱ ⴰⵎⴰⵟⵟⵓⵏ 2030 “ ⴳ ⵉⴷ ⵉⵎⴰⵍⴰⵙⵙ ⴷ ⵢⵓⵛⴽⴰⵏ ⵉⵙⴷⴷⵉⴷ ⵎⴰⵙ ⵜⴼⴽⴰ ⵜⵏⴱⴰⴹⵜ ⴰⴷⴷⵓⵔ ⵉ ⵢⵓⵙⵏⴼⵍ ⴰⵎⴰⵟⵟⵓⵏ.
ⵉⵔⵏⵓ ⵉⵏⵏⴰ ⵎⴰⵙⵙ ⴰⵅⵏⵓⵛ ⴳ ⵢⴰⵜ ⵜⴰⴳⵓⵔⵉ ⴳ ⵓⵕⵥⵥⵓⵎ ⵏ ⵜⴰⵙⵙⵓⵜⵍⵜ ⵜⵉⵙⵙ ⵙⵏⴰⵜ ⵏ “ⵊⵉⵜⵉⴽⵙ ⵏ ⵉⴼⵔⵉⵇⵢⴰ ⵍⵎⵖⵔⵉⴱ “ⵉⵜⵜⵓⵙⵏⵎⴰⵍⴰⵏ ⴷⴷⵓ ⵢⵉⵡⵉⵣ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵎⴰⵙ ⵜⵜⵔⵙ ⵜⴰⵙⵜⵔⵉⵜⵉⵊⵉⵜ ⴰⴷ ⵅⴼ ⵙⵉⵏ ⵉⴳⵔⴰⵏ ⴰⵎⵣⵡⴰⵔⵓ ⵉⵥⵍⵉ ⵙ ⵜⴰⵎⴰⵟⵟⵓⵏⵜ ⵏ ⵜⵉⵢⴰⴼⵓⵜⵉⵏ ⵜⵉⴳⴷⵓⴷⴰⵏⵉⵏ ⵖⵎⴽⵍⵍⵉ ⵉⵥⵍⵉ ⵉⴳⵔ ⵡⵉⵙⵙ ⵙⵉⵏ ⵙ ⴰⵙⵔⵙ ⵏ ⵜⴰⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⴳ ⵜⴰⴷⴰⵎⵙⴰ ⵜⴰⵎⴰⵟⵟⵓⵏⵜ ⴰⴼⴰⴷ ⴰⵙⵙⵢⴰⴼⵓ ⵏ ⵉⴼⵙⵙⴰⵢⵏ ⵉⵎⴰⵟⵟⵓⵏ ⵉⵎⵖⵔⵉⴱⵉⵢⵏ.
ⵖⵎⴽⵍⵍⵉ ⵜⵔⴰ ⵜⴰⵙⵔⴰⵜⵉⵊⵉⵜ ⴰⴷ , ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵜⵓⴳⵉ ⵏ ⴰⵜⵉⴳ ⵉⵣⴷⵉⵏ ⴷ ⵉ ⵜⴰⵡⵓⵔⵉ , ⵉⵔⵏⵓ ⵉⵏⵏⴰ ⵎⴰⵙ ⵉⴳⴰ ⵓⵙⴼⵙⵔ ⴰⴼⵔⵉⵇⵉ ⴰⵎⵇⵔⴰⵏ ⴷⴰⵔⵙ ⵓⵍⴰ ⵜⵉⵎⴰⵜⴰⵔⵉⵏ ⵉⴳⴳⵓⵜⵏ ⴷⵔⴰ ⵉⴳⵔⵉⵇⵢⴰ ⵍⵍⵉ ⵉⵎⵙⴰⵙⴰⵙⵏ ⴷ ⵜⴰⵏⵏⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵍⵍⵉ ⵉⵔⴰⵏ ⴰⵙⴷⵓⵙ ⵏ ⵉⵎⵢⴰⵙⵙⴰⵏ ⵏ ⵜⴰⴳⵎⴰⵜ ⴷ ⵜⵉⴷⴷⵓⴽⵍⴰ ⴷ ⵉⵙⵏⴼⴰⵍⵏ ⴳⵔ ⵜⵉⵎⵉⵣⴰⵔ ⵏ ⵉⴼⵔⵉⵇⵢⴰ ⴰⴼⴰⴷ ⴰⵎⵓⵔⵙ ⵉⵛⵛⴰⵔⵏ ⵏ ⴰⵙⵙⴰⵔⵓ ⵏ ⵉⵙⴰⴳⵎⵏ ⵉⵖⵓⴷⴰⵏ ⵉ ⵉⴼⵔⵉⴰⵢⴰ.
ⵉⵣⵎⵎⴻⵎ ⵎⴰⵙⵙ ⴰⵅⵏⵓⵛ ⴳ ⵓⵙⵡⵉⵔ ⴰⴷ ⵎⴰⵙ ⵜⴳⴰ ⵜⴰⵖⴰⵡⵙⴰ ⵢⴰⴷ ⵜⴰⵅⴰⵜⴰⵔⵜ ⴰⴼⴰⴷ ⴰⵎⵓⵔⵙ ⵏ ⵜⴰⵙⵜⵔⴰⵜⵉⵊⵉⵜ ⴰⴷ ⴳ ⵉⴳⵔ ⵏ ⵓⵙⵎⵓⵜⵜⴳ ⵏ ⵉⵙⴰⴳⵎⵏ ⵉⵄⵔⵔⵉⵎⵏ , ⵉⵙⵙⴽⵜⵉⴷ ⵓⵍⴰ ⴰⵙⵙⴳⵎⴹ ⵏ ⵜⵉⴳⵍⴷⵉⵜ ⴳ ⵓⵙⴳⴳⴰⵙ 2023 ⵜⴰⵎⵜⴰⵇⵇⴰⵏⵜ ⴰⴼⴰⴷ ⴰⴷ ⵢⵉⴳⵓⵜ ⵓⵟⵟⵓⵏ ⵏ ⵉⵏⵍⵎⴰⴷⵏ ⴳ ⵉⴳⵔ ⴰⵎⴰⵟⵟⵓⵏ ⴽⵕⴰⵟ ⵜⵡⴰⵍ ⵄⵍⴰⵢⵏ ⴳ ⵓⵙⴳⴳⵯⴰⵙ 2027.
ⴳ ⵓⵙⴰⵜⵉ ⵢⴰⴷ , ⵉⵙⵙⴽⵜⵉⴷ ⵓⵍⴰ ⴰⵙⵙⴳⵎⴹ ⵏ ⵍⵎⵖⵔⵉⴱ ⵉ ⵎⵏⵏⴰⵡⵜ ⵏ ⵜⵎⵢⴰⵇⵇⴰⵏⵉⵏ ⴷ ⵎⵏⵏⴰⵡⵜ ⵏ ⵜⵎⵔⵙⴰⵍ ⵜⵉⴳⵔⴰⵖⵍⴰⵉⵏ ⵜⵉⵅⴰⵜⴰⵔⵉⵏ ⵉⵥⵍⵉⵏ ⵙ ⵜⵉⴽⵏⵓⵍⵓⵊⵢⴰ ⵏ ⵓⵟⵟⵓⵏ ⴷ ⵓⵔⵣⵣⵓ ⴷ ⵜⵎⵔⵏⵉⵡⵜ ⵍⵍ ⵔⴰⴷ ⵢⴰⵡⵙ ⴳ ⵓⵙⵏⴼⵍ ⴰⵎⴰⵟⵟⵓⵏ ⵍⵍⵉ ⵉⵜⵜⴰⵡⵙⵏ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴳⵔ ⵜⵉⵎⵉⵣⴰⵔ ⵏ ⵉⴼⵔⵉⵇⵢⴰ.
