ⵉⵙⵏⵓⴱⴳ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵎⴰⴷⴷⴰⵙⵜ ⵏ ⵓⵜⵛⵉ ⴷ ⵜⴼⵍⵍⴰⵃⵜ ⵏ ⵜⵎⵎⵜⴰ ⵉⵎⵓⵏⵏ

ⵉⵙⵏⵓⴱⴳ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⴰⵙⵙ ⵏ ⵓⴽⵡⴰⵙ04 ⵉⴱⵔⵉⵔ 2024, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵎⴰⴷⴷⴰⵙⵜ ⵏ ⵓⵜⵛⵉ ⴷ ⵜⴼⵍⵍⴰⵃⵜ ⵏ ⵜⵎⵜⵜⴰ ⵉⵎⵓⵏⵏ, ⵎⴰⵙⵙ ⵛⵓ ⴷⵓⵏⵢⵓ ⵍⵍⵉ ⴷ ⵉⵙⴽⵔⵏ ⵢⴰⵜ ⵜⵔⵣⵣⵉⴼⵜ ⵉ ⵜⴳⵍⴷⵉⵜ ⵙ ⵓⵣⵎⵣⵣⵓ ⵏ ⵜⵙⵓⵜⵍⵜ ⵜⵉⵙ 33 ⵏ ⵓⴱⵔⴰⴳⵔⴰⵡ ⴰⵙⴳⴰⵡⴰⵏ ⵏ ⵜⵎⴰⴷⴷⴰⵙⵜ ⵏ ⵓⵜⵛⵉ ⴷ ⵜⴼⵍⵍⴰⵃⵜ ⵏ ⵉⴼⵕⵉⵇⵢⴰ ⵣⵖ 18 ⴰⵔ 20 ⵉⴱⵔⵉⵔ ⴰⴷ ⴳ ⵕⵕⴱⴰⵟ.
ⵢⵉⵡⵉ ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⵜⵉⴳⴰ ⵢⴰⵜⵜⵢⵓⵏ ⵍⵍⵉ ⵢⴰⴽⴽⴰ ⵍⵎⵖⵔⵉⴱ ⵉ ⵜⴼⵍⵍⴰⵃⵜ ⴷ ⵓⵎⴰⴹⴰⵍ ⴰⴼⴰⵔⴰⵏ ⵃⵎⴰ ⴰⴷ ⵜⵉⵍⵉ ⵜⴳⵎⵉ ⵉⴷⵎⵙⵏⴷ ⵓⵙⴽⴰⵔ ⵏ ⵡⴰⵜⵉⴳ ⵢⵓⴼⴰⵏ ⵙ ⵜⵖⴰⵔⴰⵙⵜ ⵏ ⵜⵙⵜⵕⴰⵜⵉⵊⵉⵏ ⵏ ⵡⴰⵍⵍⴰⵙ ⵏ ⵓⵙⴷⵓⵙ ⵏ ⵜⴼⵍⵍⴰⵃⵜ ⴷ ⵓⵙⴱⵓⵖⵍⵓ ⵏ ⵜⵢⴰⴼⵓⵜ ⴷ ⵢⵉⵍⵉ ⵓⵙⵙⴰⵔⵓ ⵖ ⵉⴳⵔ ⵏ ⵜⴼⵍⵍⴰⵃⵜ ⴷ ⵓⵙⵎⵖⵔ ⵏ ⵓⴷⴳⴰⵔ ⴰⵏⴼⴳⴰⵏ.
ⴳ ⵎⵉⵏⵉⴷ ⵏⵏⵙ, ⵉⵙⵎⵖⵔ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵎⴰⴷⴷⴰⵙⵜ ⵏ ⵓⵜⵛⵉ ⴷ ⵜⴼⵍⵍⴰⵃⵜ ⵏ ⵜⵎⵜⵜⴰ ⵉⵎⵓⵏⵏ ⵙ ⵜⵉⵔⵉⵎⵜ ⵜⴰⵎⵖⵔⵉⴱⵉⵜ ⴳ ⵉⴳⵔ ⵏ ⵜⴼⵍⵍⴰⵃⵜ ⴷ ⵜⵎⴳⵓⵔⵉⵏ ⵏ ⵓⵜⵜⵛⵉ. ⵉⵏⵏⴰ ⵎⴰ ⵙ ⴷ ⵜⵉⵙⵜⵕⴰⵜⵉⵊⵉⵏ ⵏ ⵜⴼⵍⵍⴰⵃⵜ ⵍⵍⵉ ⵜⴻⵜⵜⴳⴰ ⵜⴳⵍⴷⵉⵜ ⴳ ⵙⵉⵎⵔⴰⵡ ⵉⵣⵔⵉⵏ ⵙ ⵜⵎⵎⵓⵖⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵙⵔⵏⵓ ⵔⴱⴱⵉ ⵥⴹⴰⵕⵏⵜ ⴰⴷ ⴳⵉⵏⵜ ⵢⴰⵏ ⵓⵎⴷⵢⴰ ⵍⵍⵉ ⵔⴰⴷ ⴹⴼⵕⵉⵏⵜ ⵜⵎⵉⵣⴰⵔ ⵏ ⵉⴼⵕⵉⵇⵢⴰ. ⵉⵏⵏⴰ ⴰⵡⴷ ⵎⴰ ⵙ ⵉⴳⴰ ⵓⵡⵜⵜⴰⵙ ⵏ ⵜⵎⴰⴷⴷⴰⵙⵜ  ⴰⵙⵖⵓⴷⵓ ⵏ ⵜⵎⴷⵔⴰⵡⵜ ⴷ ⵍⵎⵖⵔⵉⴱ ⵍⵍⵉ ⵔⴰⴷ ⵢⴰⵊⵊ ⵜⵎⵉⵣⴰⵔ ⵏ ⵉⴼⵕⵉⵇⵢⴰ ⴰⴷ ⴳⵉⵙ ⵙⵢⴰⴼⴰⵏⵜ.
 

ⵎⵙⴰⵡⴰⵍⵏⵜ ⴰⵡⴷ ⵜⴼⵓⵍⵉⵏ ⵅⴼ ⵉⵎⴰⵙⵙⵏ ⵏ ⵓⵙⵖⵓⴷⵓ ⵏ ⵡⴰⵏⴰⵡⵏ ⵉⵙⵕⵜⵉⵊⵉⵏ ⵏ ⵜⵎⴷⵔⴰⵡⵜ ⵜⴰⵙⵓⵍⴰⵏⵜ ⵏⴳⵔ ⵍⵎⵖⵔⵉⴱ ⴷ ⵜⵎⴰⴷⴷⴰⵙⵜ ⵏ ⵓⵜⵛⵉ ⴷ ⵜⴼⵍⵍⴰⵃⵜ ⵏ ⵜⵎⵜⵜⴰ ⵉⵎⵓⵏ ⵍⵍⵉ ⵉⵜⵜⴳⴳⴰⵏ ⴰⵙⵡⵓⴷⴷⵓ ⵏ ⵜⵓⴳⵜ ⵏ ⵉⵚⵏⴼⴰⵕⵏ ⴳ ⵜⴳⵍⴷⵉⵜ ⵉ ⵎⴰ ⵉⵜⵜⴳⴳⴰⵏ 22 ⵎⵍⵢⵓⵏ ⵏ ⴷⴷⵓⵍⴰⵕ ⵉⵥⵍⵉⵏ ⵙ ⵜⴼⵍⵍⴰⵃⵜ ⵜⴰⵙⵓⵍⴰⵏⵜ ⴷ ⵜⴳⵎⵉ ⵏ ⵓⵎⴰⴹⴰⵍ ⴰⴼⴰⵔⴰⵏ ⴷ ⵜⴽⵛⵛⵓⵎⵉⵏ ⵏ ⵓⵖⴰⵡⵍ.
ⵖⵎⴽⵍⵍⵉ ⵉⵍⵍⴰ ⵓⵙⵎⵖⵔ ⵙ ⵓⴹⴼⵉⵔ ⴰⵜⵉⵇⵏⵉ ⵍⵍⵉ ⵜⴰⴽⴽⴰ ⵜⴰⵎⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵉ ⵍⵎⵖⵔⵉⴱ ⵍⵍⵉⵖ ⵉⵍⵍⴰ ⵢⴰⵏ ⵓⵙⵢⴰⴼⴰ ⵢⴰⵜⵜⵓⵢⵏ ⵍⵍⵉⵖ ⵉⵎⵎⴰⵜⵉ ⵣⵖ ⴰⵙⵡⵓⴷⴷⵓ ⵏ ⵉⵚⵏⴼⴰⵕⵏ ⵏ ⴰⵢⵍⵍⵉ ⵅⴼ ⵉⵍⵍⴰ ⵓⵙⵖⴰⵡⵙⴰ ⴰⵔ ⵢⴰⵜ ⵜⵎⴷⵔⴰⵡⵜ ⵜⴰⵙⵕⴰⵜⵉⵊⵉⵜ ⵉⴱⵉⴷⵏ ⵅⴼ ⵢⴰⵜ ⵜⵖⴰⵔⴰⵙⵜ ⵜⴰⵖⴰⵡⵙⴰⵏⵜ. 
ⵢⵉⵡⵉ ⵏ ⴰⵡⴷ ⴳ ⵓⴳⵔⴰⵡ ⴰⴷ ⵅⴼ ⵡⴰⵜⵉⴳ ⵏ ⵓⴱⵔⴰⴳⵔⴰⵡ ⴰⵙⴳⴰⵡⴰⵏ ⵏ ⵜⵎⴷⴷⴰⵙⵜ ⵏ ⵓⵜⵜⵛⵉ ⴷ ⵜⴼⵍⵍⴰⵃⵜ ⴳ ⵉⴼⵕⵉⵇⵢⴰ ⵍⵍⵉ ⵎⵓ ⵜⵙⵙⵓⵊⴷ ⵜⵏⴱⴰⴹⵜ ⵜⵉⵎⴳⴳⵉⵢⵉⵏ ⵃⵎⴰ ⴰⴷ ⵢⵉⵍⵉ ⵓⵙⵢⴰⴼⴰ ⵏⵏⵙ. ⵎⵢⴰⵏⵏ ⵍⵍⵉ ⵔⴰⴷ ⵢⴰⵊⵊ ⴰⴳⵔⴰⵡ ⴰⴷ ⴰⴷ ⵉⴳ ⵢⴰⵏ ⵓⵣⵎⵣ ⵏ ⵓⵙⵏⴼⵍ ⵏ ⵜⵉⵎⵢⵓⵔⵉⵏ ⴷ ⵜⵎⴷⵔⴰⵡⵉⵏ ⴷ ⵓⵎⴹⴰⴽⴰⵕ ⵅⴼ ⵉⴼⵙⵙⴰⵢⵏ ⵉⵥⵍⵉⵏ ⵙ ⵉⵖⴰⵡⴰⵙⵏ ⵏ ⵜⴼⵍⵍⴰⵃⵜ ⴷ ⵓⵜⵛⵉ.