ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 21 ⴷⵓⵊⴰⵏⴱⵉⵔ 2023
ⵜⴳⴳⴰ ⵜⵏⴱⴰⴹⵜ, ⴰⵙⵙ ⵏ ⵓⴽⵡⴰⵙ 30 ⵊⵎⴰⴷⴰ ⴰⵎⴳⴳⴰⵔⵓ 1445, ⵉⵎⵙⴰⵙⴰⵏ ⴰⴽⴷ 21 ⴷⵓⵊⴰⵏⴱⵉⵔ2023, ⴰⵙⵇⵇⵉⵎ ⵏ ⵜⵏⴱⴰⴹⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵥⵍⵉ ⵙ ⵓⵎⵢⴰⵏⵏⴰ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵉⵣⵔⴼⴰⵏⵏ ⴷ ⵓⵎⴹⴰⴽⴰⵕ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ 92 ⵏ ⵓⴷⵓⵙⵜⵓⵔ.
- ⴳ ⵓⵎⵣⵡⴰⵔⵓ ⵏ ⵓⴳⵔⴰⵡ ⴰⴷ, ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.23.700 ⵉⵥⵍⵉⵏ ⵙ ⵓⵙⵍⵉⴳⵏ ⵓⵙⵟⵟⵓⵏ ⵏ ⵉⵏⵎⵓⵍⵍⴰ ⵉⵎⴽⴽⴰⵙⴰⵏ ⵉⵎⵛⵛⵔⴽⵏ ⵖⵎⴽⵍⵍⵉ ⵉⴷⴷⴰⵏ ⴷ ⵓⵙⵍⴳⵏ ⵓⵟⵟⵓⵏ 18.00 ⵉⵥⵍⵉⵏ ⵙ ⵜⵉⵍⵉⵜ ⵉⵜⵜⵓⵛⵔⴰⴽⵏ ⵏ ⵡⴰⵢⴷⴰ ⴰⵏⵊⵎⵓ ⵉⵜⵜⵓⵚⴽⴰⵏ, ⵜⵃⵢⵢⵉⵍ ⵜ ⵉⴷ ⵎⴰⵙⵙⴰ ⴼⴰⵜⵉⵎⴰ ⵣⵣⴰⵀⵕⴰ ⵍⵎⵏⵚⵓⵔⵉ, ⵜⴰⵎⴰⵡⵙⴰⵙⵜ ⵏ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵥⴽⴰⵡ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ.
- ⴹⴰⵕⴰⵜ ⵎⴰⵢⴰ ⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ2.23.922 ⵉⵥⵍⵉⵏ ⵙ ⵜⵡⵓⵔⵉⵡⵉⵏ ⴷ ⵓⵙⵏⵎⴰⵍⴰ ⵏ ⵉⴳⵔ ⵏ ⵓⵎⵓⵜⵜⵉ ⵏ ⵜⵥⴹⴰⵕⵜ ⵍⵍⵉⵖ ⵏⵏ ⴳⵉⵙ ⵍⵍⴰⵏ ⵜⴰⵏⵏⴰⵢⵉⵏ ⵍⵍⵉ ⴷ ⴼⵍⵍⴰⵙ ⵉⴷⴷⴰⵏ, ⵜⵃⵢⵢⵉⵍ ⵜ ⵉⴷ ⵎⴰⵙⵙⴰ ⵍⴰⵢⵍⴰ ⴱⵏⵄⵍⵉ, ⵜⵎⴰⵡⵙⴰⵙⵜ ⵏ ⵓⵎⵓⵜⵜⵉ ⵏ ⵜⵥⴹⴰⵕⵜ ⴷ ⵜⴳⵎⵉ ⵜⴰⵙⵓⵍⴰⵏⵜ.
- ⵉⴹⴼⴰⵕ ⵓⵙⵇⵇⵉⵎ ⵜⴰⵡⵓⵔⵉ ⵏⵏⵙ, ⵉⵎⴹⴰⴽⴰⵕ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.23.923 ⵉⵥⵍⵉⵏ ⵙ ⵉⴳⵔ ⵏ ⵜⴳⵎⵉ ⵜⴰⵙⵓⵏⵍⴰⵏⵜ, ⵉⴷⴷⴰⵏ, ⵜⵃⵢⵢⵉⵍ ⵜ ⵉⴷ ⵎⴰⵙⵙⴰ ⵍⴰⵢⵍⴰ ⴱⵏⵄⵍⵉ, ⵜⵎⴰⵡⵙⴰⵙⵜ ⵏ ⵓⵎⵓⵜⵜⵉ ⵏ ⵜⵥⴹⴰⵕⵜ ⴷ ⵜⴳⵎⵉ ⵜⴰⵙⵓⵍⴰⵏ.
- ⴰⵢⵍⵍⵉ ⵉⵥⵍⵉⵏ ⵙ ⵓⵙⵏⵔⵉ ⵏ ⵓⵎⵕⵙⵓⵎ ⵓⵟⵟⵓⵏ 2.23.1118 ⵉⵙⵏⴼⵏ ⴷ ⵉⵙⵖⵓⴷⴰⵏ ⴰⵎⵕⵚⵓⵎ ⵓⵟⵟⵓⵏ 2.06.574 ⵍⵍⵉ ⵉⴼⴼⴰⵖⵏ ⴳ 10 ⴷⵉⵍⵃⵉⵊⵊⴰ 1427 ⵉⵎⵙⴰⵙⴰⵏ ⴷ31 ⴷⵓⵊⴰⵏⴱⵉⵔ 2006 ⵉⵥⵍⵉⵏ ⵙ ⵓⵙⵡⵓⴷⴷⵓ ⵏ ⵉⵔⴳⴰⵢⴰⵏ ⵅⴼ ⵖⴰⵢⵍⵍⵉ ⵢⵓⴼⴰⵏ ⵉⵏⵏⴰⵏ ⴳ ⵓⴳⵟⵟⵓⵎ ⵡⵉⵙ ⴽⵕⴰⴹ ⴳ ⵓⵙⵍⴳⵏ ⴰⵎⴰⵜⴰⵢ ⵏ ⵉⵔⴳⴰⵢⵏ, ⵢⵓⵊⵊⴰ ⵜ ⵓⵙⵇⵇⵉⵎ ⴰⵔ ⵢⴰⵏ ⵓⴳⵔⴰⵡ ⵢⴰⴹⵏⵉⵏ ⵏ ⵓⵙⵇⵇⵉⵎ.
ⴳ ⵜⴳⵉⵔⴰ, ⴰⵢⵍⵍⵉ ⵉⵥⵍⵉⵏ ⵙ ⵡⴰⵜⵉⴳ ⵍⵍⵉ ⵜⴰⴽⴽⴰ ⵜⵏⴱⴰⴹⵜ ⵉ ⵓⵖⴰⵡⴰⵙ ⴰⴷⴰⵎⵙⴰⵏ ⴰⵣⴳⵣⴰ ⴷ ⵜⵡⵉⵙⵉ ⵏ ⵓⵇⵇⴰⵕⵉⴹ ⵍⵍⵉ ⵏ ⵍⴱⴰⵏⴽ ⴰⴳⵔⴰⵖⵍⴰⵏ ⵍⵍⵉ ⵏⵏ ⵢⵓⴹⴰⵏ 350 ⵎⵍⵢⵓⵏ ⵏ ⴷⴷⵓⵍⴰⵕ, ⵍⵍⵉ ⵉⵕⵚⴰⵏ ⵅⴼ ⴽⵕⴰⴹ ⵉⵏⴱⴰⴷⴰⴷⵏ ⵉⵎⴰⵜⵜⴰⵢⵏ ⵉⵥⵍⵉⵏ ⵙ ⵓⵙⵎⵓⵜⵜⴳ ⵏ ⵜⵉⵏⵏⵓⴱⴹⴰ ⴷ ⵓⵙⵖⵓⴷⵓ ⴷ ⵓⵙⴷⵓⵙ ⴷ ⵓⵙⵖⴰⵡⵙ ⵉⵛⵏⴰⵏ ⴷ ⵓⵙⵡⵓⴷⴷⵓ ⵏ ⵉⵖⴰⵡⴰⵙⵏ, ⵉⵖⵔⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉ ⵜⵎⴰⵡⴰⵙⵜ ⵏ ⵜⴷⴰⵎⵙⴰ ⴷ ⵓⵥⵕⴼ ⴰⴷ ⵜⵃⵢⵉⵍ ⵉ ⵏ ⵢⴰⵏ ⵉⴳⵔⴰⵡ ⵏ ⵜⵙⵇⵇⵉⵎⵜ ⵜⴳⵔⵎⴰⵡⵙⴰⵙⵜ ⵏ ⵜⴳⵎⵉ ⵏ ⵜⴷⴰⵎⵙⴰ ⵜⴰⵣⴳⵣⴰⵡⵜ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵎⵉⵏ ⴷ ⵢⵓⵙⴰⵏ ⴰⴽⴷ ⵓⵎⴰⴳⵔⴰⴷ 92 ⴳ ⵓⴷⵓⵙⵜⵓⵔ.
- ⴳ ⵓⵙⵡⵉⵔ ⵏ ⵜⵎⴰⵎⴰⵡⵙⵜ ⵏ ⵜⴼⵍⵍⴰⵃⵜ ⵏ ⵜⴳⵎⵔⵜ ⵜⴰⵢⵍⴰⵏⵜ ⴳ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴳⴰⵏⵉⵏ ⵉⵜⵜⵓⵙⵎⴳⴰⵍ :
- ⵎⴰⵙⵙ ⵏⵓⴷⴷⵉⵏ ⴽⵙⴰ, ⴰⵎⵏⵀⴰⵍ ⵏ ⵓⵙⵉⵔⴰ ⴰⵙⴳⵡⴰⵏ ⵏ ⵜⴼⵍⵍⴰⵃⵜ ⵏ ⵙⵓⵙ ⴷ ⵎⴰⵙⵜ ;
- ⴳ ⵓⵙⵡⵉⵔ ⵏ ⵜⵎⴰⵎⴰⵡⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ ⵜⵜⵓⵙⵎⴰⵍⵏ :
- ⵎⴰⵙⵙ ⴰⵃⵎⴰⴷ ⴱⵍⵎⵓⴷⴷⵏ, ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵉⵎⴰⵙⵙⴰⵏ ⴳ ⵓⴳⴰⴷⵉⵔ ;
- ⵎⴰⵙⵙ ⵀⵎⵉⴷ ⵔⵔⴰⴽⴱⵉ ⵉⴷⵔⵉⵙⵉ, ⴰⵎⵏⵀⴰⵍ ⵏ ⵜⵉⵏⵎⴰⵍ ⵜⴰⵏⴰⴼⵍⵍⴰⵜ ⵏ ⵜⴰⵜⵉⴽⵏⵓⵍⵉⵊⵉⵜ ⴳ ⵍⵄⵢⵓⵏ ;
- ⵎⴰⵙⵙ ⵄⴰⴱⴷⵍⵍⴰⵀ ⴱⵔⴽⵙⴰ, ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵜⵙⴽⵍⴰ ⴷ ⵉⵎⴰⵙⵙⴰⵏ ⵉⵏⴰⴼⴳⴰⵏⵏ ⴳ ⵄⵉⵏ ⵛⵛⵓⵇ ⴳ ⵜⴳⵎⵎⵉ ⵜⵓⵎⵍⵉⵍⵜ ;
- ⴳ ⵓⵙⵡⵉⵔ ⵏ ⵜⵎⴰⵎⴰⵡⵙⵜ ⵏ ⵜⵎⴰⵡⵙⴰⵙⵜ ⵏ ⵓⵎⵓⵜⵜⵉ ⵏ ⵜⵥⴹⴰⵕⵜ ⴷ ⵜⴳⵎⵉ ⵜⴰⵙⵓⵍⴰⵏⵜ ⵉⵜⵜⵓⵎⴳⴰⵍ:
- ⵎⴰⵙⵙ ⵄⴰⵍⵉ ⵖⴰⵣⵉ ⴰⵎⵏⵀⴰⵍ ⵏ ⵡⴰⵎⵎⴰⵙ ⵏ ⵜⴰⵙⵙⴰⵖⵜ ⴷ ⵜⴳⵎⵉ ⵏ ⵜⵙⴳⴰ ⵏ ⵏⵏⵇⵇⵓⵕⵟ ⵏ ⵜⴼⵉⵍⴰⵍⵜ ⴷ ⴼⵉⴳⵉⴳ;
- ⴳ ⵓⵙⵡⵉⵔ ⵏ ⵜⵎⴰⵎⴰⵡⵙⵜ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ ⵉⵜⵜⵓⵎⴳⴰⵍ:
- ⵎⴰⵙⵙ ⵟⴰⵕⵉⵇ ⵍⵎⴰⵍⵉⴽⵉ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵔⴰⴱⴱⵓⵜ ⵏ ⵓⵙⵉⵏⴰⴳ ⴰⵏⴰⴼⵍⵍⴰ ⵏ ⵜⵙⴱⴱⴰⴱⵜ ⴷ ⵓⵙⵡⵓⴷⴷⵓ ⵏ ⵜⵙⵏⵜⴰⵢ.
- ⵎⴰⵙⵙ ⵟⴰⵕⵉⵇ ⵍⵎⴰⵍⵉⴽⵉ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵔⴰⴱⴱⵓⵜ ⵏ ⵓⵙⵉⵏⴰⴳ ⴰⵏⴰⴼⵍⵍⴰ ⵏ ⵜⵙⴱⴱⴰⴱⵜ ⴷ ⵓⵙⵡⵓⴷⴷⵓ ⵏ ⵜⵙⵏⵜⴰⵢ.
