ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⵙⵉⴹⵢⴰⵙ ⵏ 01 ⵢⵓⵏⵢⵓ 2024

ⵉⴳⴳⴰ ⵓⵙⵇⵇⵉⵎ  ⵜⵏⴱⴰⴹⵜ ⵢⴰⵏ ⵓⴳⵔⴰⵡ ⴰⵙⵙ ⵏ ⵓⵙⵉⴹⵢⴰⵙ 23 ⴷⵉⵍⵇⵇⵉⵄⴷⴰ1445 ⵉⵎⵙⴰⵙⴰⵏ ⴰⴽⴷ 01 ⵢⵓⵏⵢⵓ 2024, ⴷⴷⴰⵡ ⵜⴰⵏⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ. 
ⴳ ⵓⵎⵣⵡⴰⵔⵓ, ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵢⴰⵏ ⵓⵙⴼⵙⵔ ⵅⴼ ⵜⵖⴰⵔⴰⵙⵜ ⵉⵜⵜⵓⵙⵜⴰⵢⵏ ⴳ ⵓⵔⵔⵓⵙ ⵏ ⵉⴼⵔⴷⴰⵙ ⵏ ⵜⵙⵔⵜⵉⵜ ⵏ ⵜⵎⵛⵔⵉⴽⵉⵏ  ⵏ ⵡⴰⵏⴽ, ⵜⵃⵢⵉⵍ ⵜ ⵉⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ.
ⴹⵕⴰⵜ ⵎⴰⵢⴰⴷ, ⵢⵓⴳⴳⴰ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵅⴼ ⵓⵎⴹⴰⴽⴰⵕ ⵅⴼ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⵍⵍⵉ ⵔⴰⴷ ⵉⵣⵔⵉ  ⴳ ⵓⵙⵇⵇⵉⵎ ⵏ ⵉⵎⴰⵡⵙⴰⵙⵏ, ⵉⵍⵍⴰ ⴳⵉⵙⵏ :
1.    ⴰⵙⵏⵜⵉ ⵏ ⵓⵙⵍⴳⵏ ⴰⵎⴰⴷⴷⴰⵙ ⵓⵟⵟⵓⵏ 30.24 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵙⵍⴳⵏ ⴰⵎⴰⴷⴷⴰⵙ ⵓⵟⵟⵓⵏ 02.12 ⵉⵥⵍⵉⵏ ⵙ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ, ⵜⵃⵢⵉⵍ ⵜ ⴷ ⵜⴰⵎⴰⵡⵙⴰⵙⵜ ⵜⴰⵎⴰⵔⵉⵜ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵎⵓⵜⵜⵉ ⴰⵎⴰⵟⵟⵓⵏ ⴷ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ ;
2.    ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.23.925 ⵏ ⵓⵙⴽⴰⵔ ⵏ ⵙⴰⵏⵜ ⵜⵉⵙⴳⴳⵉⵡⵉⵏ ⵏ ⵓⵖⴰⵡⵍ ⵏ ⵜⵎⴳⵓⵔⵉ ⵏ ⵓⵎⵣⴰⵖ, ⵉⵃⵢⵉⵍ ⵜ ⵉⴷ ⵎⴰⵙⵙ ⴰⵎⴰⵡⴰⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ ; 
3.    ⴰⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 2.23.547 ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.98.548 ⵍⵍⵉ ⴷ ⵉⴼⴼⵖⵏ 28 ⴳ ⵛⵡⵡⴰⵍ 1419 ⵉⵎⵙⴰⵙⴰⵏ ⴷ15 ⴱⵕⴰⵜⵕ1999 ⵉⵥⵍⵉⵏ ⵙ ⵓⵏⴳⵔⴰⵡ ⵉⵎⵥⵍⵉ ⵏ ⵓⴳⵔⴰⵡ ⵏ ⵉⵙⴰⵍⵎⴰⴷⵏ ⵉⵎⵔⵣⵓⵜⵏ ⴳ ⵜⵙⵏⵊⵊⵉⵜ ⴷ ⵜⵙⵏⵙⴼⴰⵔⵜ ⴷ ⵜⵙⵏⵊⵊⵉⵜ ⵏ ⵜⵖⵎⴰⵙ, ⵉⵃⵢⵉⵍ ⵜ ⵉⴷ ⵓⵎⴰⵡⵙⴰⵙ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ ; 
4.     ⴰⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 2.24.152   ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.14.330 ⵍⵍⵉ ⴷ ⵉⴼⴼⵖⵏ 5 ⵎⵓⵃⵕⵕⴰⵎ 1436 ⵉⵎⵙⴰⵙⴰⵏ ⴷ 30 ⴽⵜⵓⴱⵕ 2014 ⵉⵥⵍⵉⵏ ⵙ ⵓⵙⴽⴰⵔ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵓⵎⵙⴰⵙⴰ ⴳ ⵉⴳⵔⴰⵏ ⵏ ⵍⵀⵉⴷⵓⵖⵕⴰⴼⵢⴰ ⴷ ⵜⵓⵙⵏⴰ ⵏ ⵉⴳⵔⵡⴰⵏ ⴷ ⴷ ⵜⴽⴰⵕⴹⵉⵡⵉⵏ ⵏ ⵢⵉⵍ, ⵉⵃⵢⵉⵍ ⵜ ⵉⴷ ⵓⵎⴰⵡⵙⴰⵙ ⴰⵎⴰⵔⵉ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⵙⵓⴳⵓⵔⵜ ⵏ ⵓⵎⵣⴰⵖ ⴰⵏⴰⵎⵓⵔ ;
5.    ⴰⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 2.24.446 ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.65.046 ⵍⵍⵉⴷ ⵉⴼⴼⴰⵖⵏ 6 ⵎⵓⵃⵕⵕⴰⵎ 1385 ⵉⵎⵙⴰⵙⵏ ⴷ 7 ⵎⴰⵢⵢⵓ 1965 ⵉⵥⵍⵉ ⵙ ⵡⴰⴷⴷⴰⴷ ⵏ ⵉⵙⴹⴼⴰⵕ ⵉⵜⵔⵔⴰⵙⵏ ⴷ ⵉⵎⴰⵣⵣⴰⵍⵏ ⵏⵏⵙ ⴷ ⵉⵜⵔⵔⴰⵙⵏ ⵢⴰⴹⵏⵉⵏ ⵍⵍⵉ ⴷⴰⵔⵏ ⵉⵜⵜⵓⵙⵏⵎⴰⵍⴰⵏ, ⵉⵃⵢⵉⵍ ⵜ ⵉⴷ ⵓⵎⴰⵡⵙⴰⵙ ⴰⵎⴰⵔⵉ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⵙⵓⴳⵓⵔⵜ ⵏ ⵓⵎⵣⴰⵖ ⴰⵏⴰⵎⵓⵔ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵙⵖⵥⵏ ⵏ ⵓⵙⵏⵜⵉ ⵏ ⵓⵎⵕⵙⵓⵎ 2.24.468 ⵓⵏⵓⵕⵥⵎ ⵏ ⵓⵕⵟⵟⴰⵍ ⵏ ⵓⵇⵇⴰⵕⵉⴹ ⵢⵓⴼⴰⵏ ⵉ ⵜⵎⵙⴰⵙⵍⵜ ⵜⴰⵎⴰⵜⴰⵢⵜ, ⵉⵃⵢⵉⵍ ⵜ ⵉⴷ ⵎⴰⵙⵙ ⴰⵎⴰⵡⵙⴰⵙ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵍⵜ.